Sindikata e Postë-Telekomit Shqiptar

Ditën e djeshme u kremtua 1 maji, ajo që njihet edhe si Dita e Punëtorëve, por edhe pak ditë më parë më 28 Prill u shënua “Dita Ndërkombëtare e Sigurisë dhe Shëndetit në Punë”, e në veçanti “Dita Ndërkombëtare e Përkujtimit të punëtorëve që janë aksidentuar me vdekje ose jo”, e organizuar në të gjithë botën nga lëvizja sindikaliste që nga viti 1996.

Por si e gjetën punëtorin shqiptar këto dy data?

Kjo ishte tema e diskutimit të kësaj të premteje në emisionin “Alert” në Ora News”, ku i ftuar nga moderatori Granit Sokolaj ishte Dritan Ylli, Ekspert Punësimi dhe ish-Kryeinspektor i ISHPSHSH.

“Sindikatat nuk mundet t’i kërkojnë thjesht një lëmoshë institucioneve për të krijuar apo për të ngritur kontrata kolektive.

Por ato duhet të imponohen, duhet të jenë zë dhe në këtë mënyrë krijojnë dhe një nivel besimi dhe përfaqësimi.

Sepse ka një mungesë besimi dhe një distancë shumë të madhe mes punëmarrësit dhe përfaqësimit sindikal.

Ky është një problem shumë i madh, pasi sindikatat duhej të ishin zëri kryesor i mbrojtjes i punëmarrësve.

Në raportin e ISHPSHSH ka një rritje të madhe të ankesave në këtë institucion nga punëmarrësit dhe realisht është mjaft shpresëdhënës që ka arritur një rritje e ndërgjegjësimit, por pyetja është se sa prej këtyre ankesave vijnë nga sindikatat? Pasi edhe në atë kohë ne e kërkonim sindikatën si partner, por nuk e kishim”, u shpreh ndër të tjera Dritan Ylli.

Pasi shumë që vijnë ankesat prej punëmarrësve, pasi ne këtë kemi synuar prej kohësh.

NDIQNI MË POSHTË EMISIONIN E PLOTË “ALERT” NË “ORA NEWS”https://www.youtube.com/watch?v=E253UxUn5UM

Ditën e djeshme u kremtua 1 maji, ajo që njihet edhe si Dita e Punëtorëve, por edhe pak ditë më parë më 28 Prill u shënua “Dita Ndërkombëtare e Sigurisë dhe Shëndetit në Punë”, e në veçanti “Dita Ndërkombëtare e Përkujtimit të punëtorëve që janë aksidentuar me vdekje ose jo”, e organizuar në të gjithë botën nga lëvizja sindikaliste që nga viti 1996.

Por si e gjetën punëtorin shqiptar këto dy data?

Kjo ishte tema e diskutimit të kësaj të premteje në emisionin “Alert” në Ora News”, ku e ftuar nga moderatori Granit Sokolaj ishte Irida Qosja, Zv.Kryeinspektore e Përgjithshme në ISHPSHSH.

“Të gjithë po flasin këto ditë për sindikalizmin dhe kuptohen qartë efektet që ka një sindikalizëm i mirë dhe sipas ligjit.

Patjetër që ka nevojë për një ndërgjegjësim të madh për benefitet që ofrojnë lëvizjet sindikaliste, kështu që ndoshta mendoj se ka shumë punë për të bërë, por është një model që ka frytet e tij, por është një dinamikë që përfundon këtu, dhe këtë e vërejmë edhe ne si institucion”, u shpreh ndër të tjera Irida Qosja.

NDIQNI MË POSHTË EMISIONIN E PLOTË “ALERT” NË “ORA NEWS” https://www.youtube.com/watch?v=E253UxUn5UM

Ditën e djeshme u kremtua 1 maji, ajo që njihet edhe si Dita e Punëtorëve, por edhe pak ditë më parë më 28 Prill u shënua “Dita Ndërkombëtare e Sigurisë dhe Shëndetit në Punë”, e në veçanti “Dita Ndërkombëtare e Përkujtimit të punëtorëve që janë aksidentuar me vdekje ose jo”, e organizuar në të gjithë botën nga lëvizja sindikaliste që nga viti 1996.

Por si e gjetën punëtorin shqiptar këto dy data? Kjo ishte tema e diskutimit të kësaj të premteje në emisionin “Alert” në Ora News”, ku i ftuar nga moderatori Granit Sokolaj ishte edhe Renato Muçaj, kryetar i Sindikatës së Postë-Telekomit Shqiptar.

“Të gjithë biem dakord që ka rënë pjesëmarrja e njerëzve në sindikata, ku një nga arsyet kryesore është se sindikatat nuk kanë gjetur hapësirën e duhur që t’i tregojnë këtyre punonjësve se çfarë mund të bëjnë për ta dhe se çfarë përfitimesh kanë.

Kjo mungon sot në komunikimin e sotëm sepse kjo kërkon edhe kapacitete njerëzore, ku nëse ti futesh në një ndërmarrje duhet të kesh përfaqësues të mirëpërgatitur.

Nga ana tjetër, sindikata është e paaftë ndoshta dhe për shkak të pagesës që ka që t’i paguajë këta përfaqësues.

Ndaj dhe ne nuk kemi arritur ndoshta që t’i tërheqim pranë vetes tonë. Kjo sigurisht që ka dhe pak lidhje historike, ku sindikatat arritën në kulmin e tyre derisa rrëzuan qeveri në vitet ’90-të, e pas kësaj ato nisën të zbehen duke u marrë me çështje dytësore, apo duke u bërë pronarë pronash publike.

Thelbi besoj është se ne nuk kemi arritur dot t’i tërheqim dhe t’i joshim punonjësit për benefitet që të sjell sindikata.

Ku sindikata jonë krijon kushtet për shpërblimet për vit të ri, apo të sigurimit të kushteve ku punonjësit të marrin dhe rritje rroge. Pra, kjo ka ardhur falë negociatave që ka bërë sindikata jonë.

Ajo që vërejmë është se më shumë sektori privat nuk e do shumë pjesën e sindikatave për shkak se punëdhënësit nuk i interesojnë shumë të drejtat e punonjësve dhe e shikon më shumë çështjen në rafshin e interesave të tij”, u shpreh ndër të tjera Renato Muçaj.

NDIQNI MË POSHTË EMISIONIN E PLOTË “ALERT” NË “ORA NEWS”

https://www.youtube.com/watch?v=E253UxUn5UM