Menu

Vetingu

U ankuan ndërkombëtarët, Komisioneri Publik dërgon në Apel drejtuesen e Prokurorisë Tiranë, Elizabeta Imerajn

Institucioni i Komisionerëve Publikë ka ankimuar vendimin e Komisionit të Pavarur të Kualifikimit për konfirmimin në detyrë të prokurores Elisabeta Imeraj.

Me anë të një njoftimi zyrtar, IKP kërkon që të merret parasysh rekomendimi i Operacionit Ndërkombëtar të Apelimit, insitutucion që pretendon se Imeraj nuk i plotëson kushtet për të vijuar detyrën.

Njoftimi i Komisionerit Publik

Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 363, datë 1.4.2021, të Komisionit të Pavarur të Kualifikimit, për subjektin e rivlerësimit, znj. Elizabeta Imeraj me detyrë prokurore/ Drejtuese e Prokurorisë së Rrethit Gjyqësor Tiranë.

Komisioneri Publik, pasi shqyrtoi vendimin nr. 363, datë 1.4.2021, të Komisionit të Pavarur të Kualifikimit, në vlerësim edhe të rekomandimit të Operacionit Ndërkombëtar të Monitorimit (ONM), konstaton se vendimi është i cënueshëm në tërësinë e tij dhe se subjekti i rivlerësimit, znj. Elizabeta Imeraj, nuk plotëson kushtet për konfirmimin në detyrë.

Nëpërmjet këtij ankimi, Komisioneri Publik kërkon nga Kolegji i Posaçëm i Apelimit të marrë në shqyrtim çështjen në seancë publike dhe, në përfundim të gjykimit, të ndryshojë vendimin nr.363, datë 1.4.2021, të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit, znj. Elizabeta Imeraj.

Komisioni i Pavarur i Kualifikimit e konfirmoi ne detyre

Komisioni i Pavarur i Kualifikimit ka shpallur më 1 prill 2021 vendimin për drejtuese e Prokurorisë së Tiranës, Elisabeta Imerajn duke e konfirmuar në detyrë.

Drejtuesja e Prokurorisë së Tiranës, Elisabeta Imeraj doli më parë para institucioneve të vetingut për vlerësimin e figurës. Vendimi u dha nga trupa gjykuese e përbërë nga Olsi Komici, Roland Ilia si dhe Suela Zhegu.

Më herët KLP kreu vlerësimin etik dhe profesional të prokurores dhe në mënyrë unanime votuan për ta lejuar atë të vijojë ngjitjen në karrierë, duke e emëruar  Elisabeta Imerajn drejtuese të Prokurorisë së Tiranës për një mandat 3-vjeçar.

Theksojmë se Prokurorja Elisabeta Imeraj është konfirmuar në detyrë pavarësisht kundërshtisë së fortë të Operacionit Ndërkombëtar të Monitorimit dhe përfaqësuesit të saj, Theo Jacobs.

Në datën 29.6.2021, Operacioni Ndërkombëtar i Monitorimit u paraqiti Komisionerëve Publikë një shtesë (Addendum) të Rekomandimit, të paraqitur në datën 21.6.2021. ONM i rekomandoi Komisionerëve Publikë që të ankimojnë vendimin e Komisionit të Pavarur të Kualifikimit (KPK) për konfirmimin në detyrë të prokurores Elizabeta Imeraj, e cila drejton aktualisht Prokurorinë e Tiranës. ONM-ja shprehet se një kredi prej dy milion lekësh e marrë prej saj dhe bashkëshorti i saj, me të cilin është divorcuar në vitin 2019 është tejet e dyshimtë. ONM-ja përmend dhe një çështje që përfaqësuesit e saj e kishin ngritur dhe gjatë procesit në Komisionin e Pavarur të Kualifikimit.

alert.al/

Një aksident me vdekje që prokurorit xurxull, nuk i doli kurrë rakia, e “Vettingu” qelibar për të

Nga Elton Qyno

Shpesh herë kam shkruar për procesin e “Vettingut” ndaj gjyqtarëve dhe prokurorëve, duke sjellë indicie dhe fakte në analizat e mia, se ky proces është një çorbë që gatuhet në zyrat e politikës dhe Krimit të Organizuar në Shqipëri. Por sa herë shkruaj, disa më përshendesin, ndërsa disa të tjerë më etiketojnë se unë qënkërkam një gazetar antireformë, që nuk dua të ikin prokurorë e gjyqtarë të korruptuar, cipëplasur në moral dhe vepra penalë kryer.

Unë dua të tregoj realitetit se çfarë bëhet, pastaj se si e kuptojnë të tjerët, e gjykojnë ata, janë të lirë të mendojnë ç’të duan. Por unë dua të tregoj, se kush janë ata që gjykojnë, dhe cilët po gjykojnë dhe çfarë vendimesh marin në dobi të reformës. Për çfarë do mbahen mend këta njerëz që pas një viti do u mbarojë mandati i ushtrimit të detyrës. Të tregoj se si gjyqtarë e prokurorë rinë si pula të lagura para këtij procesi të ndërlikuar, që lëviz me levat komanduese të Politikës dhe Krimit të Organizuar në Shqipëri, me kunjokturat e forta të disa zyrave të avokatëve dhe përmbaruesve në Tiranë.

Them kështu pasi katër-standartizimi i vendimeve të mara në “Vetting”, kuptohet qartë se cilët rryma ndikojnë dhe kush janë ata që gjykojnë dhe kë po gjykojnë. Pse dalin si rruajtur qethur dhe me pasoja ata që punojnë dhe i kanë dhënë shumë sistemit të drejtësisë dhe pse kalojnë, disa që e kanë nisur karrierën si mos më keq dhe vijojnë në system si mos më keq. “Vettingu” është procesi që gjykon juristët shqiptarë me teorinë “…ca të nënës, ca të njerkës…”.

Meqënëse jemi në një valë kritikash për rastet e aksidenteve me vdekje që kanë ndodhur ditët e fundit në Shqipëri, të marim rastin e prokurorit, Kreshnik Ajazi. Drejtuesi i Prokurorisë së Elbasanit, falë lidhjeve që ka me politikën, ka mundur të mari statusin që të gjykohet me teorinë “e nënës” dhe jo “të njerkës”. Edhe pse është një prokuror, që është proceduar për akuzën e “Shkeljes së rregullave të qarkullimit rrugor” me pasojë vdekjen e Hatie Musej dhe në dosjen personale të punës së tij, ka një masë disiplinore nga Ina Rama, nesër ai do dali i buzëgaz nga salla e Komisionit të Pavarur të Kualifikimit.

I buzëqeshur sepse shikohet me syrin e nënës, edhe pse ka shkelje të rënda në integritetin moral dhe ka cënuar rëndë besimin e publikut dhe imazhin e prokurorisë, duke vrarë me makinë një punonjëse të pastrimit të Bashkisë Vlorë. Por ky që goditi për vdekje gruan dhe nënën e dy fëmijëve, duhet të kalojë do të argumentojë nesër “Vettingu”. Ndërsa ajo që e mbylli dosjes e aksindetit me vdekje, prokurorja e Fierit Alketa Zilfa, ngeli në “Vettingun” e datës 16 qershor 2021.

Pra shpëton autori i veprës penale, por ngel në llucë protagonistja që u mundua me mish e shpirt të mbyllte në kohë rekord krimin. Po çfarë ka ndodhur me këtë aksident që ndoshta sot e kësaj dite autorit nuk i ka dalë ende rakia, pasi dyshohet se ka qënë xurxull në timon dhe që nuk ju bë asnjëherë një test alkooli nga policia. Në datën 7 korrik 2011 rreth orës 4 të mëngjesit në aksin rrugor Vlorë-Skelë, pikërisht pranë “Bar Restorant Xhokla”, prokurori Kreshnik Ajazi, që drejton mjetin tip Benz “7702 D” ka konstatuar se në sensing e kundërt të rrugës ishte duke lëvizur një automjet tjetër që kishte ndezur dritat e gjata.

Në momentin që mjeti i tij, është afruar për tu shkëmbyer, Kreshnik Ajazi, ka dalluar një person në mesin e rrugës që shtynte një karocë dore me drejtim nga sensi i kundërt i lëvizjes për në korsinë e tij. Ne vendimin e pushimit të hetimeve, prokurorja Zilfa thotë: “…Kreshnik Ajazi, i gjendur përballë këtij rreziku të menjëhershëm ka manovruar me sistem drejtim mjetin e tij, për të shmangur përplasjen me personin që ndodhej në mesin e rrugës.

Kështu, si rezultat i manovrimit të sistemit të drejtimit, Kreshnik Ajazi, e ka nxjerë mjetin e tij me drejtimin djathtas jashtë rruge. Për pasojë është goditur këmbësorja në rrugë në pjesën anësore të mjetit, e cila ka rezultuar se ishte Hatie Musej, punonjëse e ndërmarjes së Pastrim-Gjelbërimit në Vlorë…”. Me aktin e ekspertimit mjeko-ligjor të datës 15 korrik 2011 është përcaktuar se shkak i vdekjes së Haties ishte thyerja e unazës së parë dhe të dytë të qafës, që ka sjellë me pas komozionin e rëndë të trurit.

Brenda një kohe rekord, ditën kur dhe ka ndodhur ngjarja e rëndë në 7 korrik 2011, është kryer dhe ekspertiza auto-teknike, e cila ka dalë në përfundimin se shkaku determinand i aksidentit me vdekje ka qënë mosrespekti i Kodi Rrugor i viktimës Hatie Musej, që drejtonte karrocën e dorës. Hetimi i kësaj çështje fillimisht ka nisur në Vlorë dhe më pas është transferuar në Fier, për shkak të konfliktit të interesit, pasi Ajazi ushtronte detyrën e prokurorit në Vlorë.

Hetimin në dorë e mer, kolegia e Ajazit, Alketa Zilfa, e cila në vendimin e pushimit argumenton se:”…në arritjen e konkluzionit të mësipërm ekspertët kanë vlerësuar edhe aktet e tjera hetimore, deklarimet e shtetasit Kreshnik Ajazi, që është pyetur në cilësinë e personit ndaj të cilit zhvillohen hetimet. Deklarimet e personave të tjerë të pyetur me cilësinë e personave që tregojnë rrethanat e hetimit, të cilat lidhen dhe janë në harmoni të plotë edhe me provat e tjera të administruara në dosje.

Gjatë hetimeve prokuroria ka marë deklarimin e shoqeve të viktimës Teuta Metaj, punonjëse e firmës së pastrimit, ku ka rezultuar se ajo ishte e pranishme në kohën dhe vendin e ngjarjes pasi po fshinte rrugën. Ajo ka treguar se ndodhej në krahun e kundërt të viktimës. “…Kam dëgjuar zhurmë si përplasje makine dhe kur kam kthyer kokën kam parë shoqen time të shtrisë në tokë. Kam shkuar pranë saj për të parë nëse ishte gjallë dhe pas disa minutash aty ka ardhur policia dhe ambulanca. Hatia ka qënë e shtrirë në mesin e rrugës kryesore…”-ka treguar Teuta Metaj. Ndërsa për këtë ngjarje janë pyetur dhe Vjollca Bushaj, Xhevahir Lace, Agim Shabani, Gjinovefa Feta dhe Ervin Shabani.

Për aksidentin me pasojë vdekjen e Haties janë marë deklarime të familjarëve të viktimës, vëllait dhe dy fëmijëve të saj. Ku në deklarimet e tyre thuhet se nuk kanë dijeni për rrethanat e aksidentit, pasi kanë mësuar ngjarjen nga shtetësja Vjollca Bashaj, përgjegjëse e firmës së pastrimit.

Vëllai dhe fëmijët kanë treguar se marrëdhëniet e tyre me të dyshuarin Kreshnik Ajazi, janë shumë të mira. Ndërkohë në seancën dëgjimore rezultoi se ata ishin ankuar në Vetting kundër prokurorit Kreshnik Ajazi, që i aksidentoi për vdekje nënën e tyre. Madje edhe pse punonjësit e pastrim Gjelbërimit japin një version të paqartë në dëshminë e tij, ata kanë kundërshtuar në gjykatën e Fierit Mbylljen e hetimeve si të paplota dhe të njëanshme.

Hetim ky që nuk përcakoi shkakun e aksidentit, nivelin e alkolit që kishte konsumuar Kreshnik Ajazi, arsyen e qarkullimit të tij në orën 04:00 të mëngjesit në aksin rrugor Vlorë-Skelë, e shumë pikëpyetje të tjera të pazgjidhura. A është ky një cënim i rëndë i besimit të publikut, si shkak determinat për të larguar Ajazin. A është ky një cënim i imazhit të prokurorit të Shtetit? E pra, e nëse anëtarët e vettingut kërkojnë kokën e gjilpërës në kashtë, në rastet e gjykimeve të tjerë si tek rasti i Anton Martinit, Antoneta Sevdarit, Arben Dollapaj, Adnand Kosova, Eugen Becit, Bledar Maksutit, Andi Civicit, e shumë raste të tjera, atëherë mos flasim më për këtë rast, që viktima është bërë fajtore nga ekspertët autoteknikë që janë shokët e babit. Mos flasim më për këtë rast që kalon vettingun qelibar në të treja kriteret dhe që vëzhguesin e ONM-së dhe komisionerët i ze gjumi, deri në atë pikë sa të mos kenë dhe nocionin se në çfarë muaji po gjykojnë. Dhe ironia me e madhe eshte se bodigardet qe dikur garantonin sigurine e Eugen Becit, Anton Martinit dhe Adnand Kosoves, sot jane urdheruar te ruajne te tre se bashku, Kreshnik Ajazin. Sistemi ka ulur ne detyre dhe bodigardet….

 

Dy prokurorë të Tiranës japin dorëheqjen para se t'i nënshtroheshin vetingut

Jep dorëheqen prokurori i prokurorise së Tiranës Granit Shahu. Dorëheqja është dorezuar në Këshillin e lartë të prokurorisë dhe do të shqyrtohet në mbledhjen e radhës

Vijojnë kështu dorëheqjet e prokurorëve të Tiranës. Edhe prokurorja Anila Galanxhi ka depozituar kërkesën sot në KLP, ndersa do të shqyrtohen të dyja në daten 18 qershor.

Numri i gjyqtarëve dhe prokurorëve, të cilët kanë dhënë dorëheqjen nga sistemi i drejtësisë. pas miratimit dhe nisjes së zbatimit të ligjit të Vetingut, është një listë me 70 emra.

Subjekte të dorëhequra

Izet Salaj, Gjykata e Apelit Gjirokastër

Fatbardh Çonikun, Gjykata e Elbasanit, i komanduar në KLGJ

Kostika Çobanaqi, Gjykata e Beratit

Henrik Ligori, ish-Prokuroria për Krimet e Rënda

Arjana Fullani, Gjykata e Lartë

Aleksandër Muskaj, Gjykata e Lartë

Mirela Fana, Gjykata e Lartë

Andi Çeliku, Gjykata e Lartë

Evelina Qirjako, Gjykata e Lartë

Guxim Zenelaj Gjykata e Lartë

Bensik Imeraj, Gjykat Kushtetuese

Vladimir Kristo, Gjykata Kushtetuese

Sokol Berberi, Gjykata Kushtetuese

Adriatik Llalla, kryeprokuror

Petrit Fusha, ish-kryeprokuror i Tiranës.

Gjin Gjoni, Gjykata e Apelit

Alaudin Malaj, Gjykata e Apelit

Agim Bendo, gjyqtar i Apelit

Astrit Haxhialushi, gjyqtar i Apelit

Sulejman Tola, prokuror në Prokurorinë e Rrethit Krujë.

Ilir Çeliku, gjyqtar Gjykata e Apelit Vlorë.

Ilir Pashaj, gjyqtar Gjykata e Shkallës së Parë Elbasan

Metush Saraçi, ish-kreu i gjykatës së Apelit në Tiranë

Rezarta Mataj, Gjykata e Tiranës

Zihni Shahu, kryetari i Gjykatës së Elbasanit

Regleta Panajoti, Gjykata e Tiranës

Nezir Gjoka, Prokuror Tiranë

Agim Dilka, prokurori në Elbasan

Joana Qeleshi, kryeprokurore Durrësit

Fran Prendi, Gjykata Speciale

Ndue Gjura, inspektor pranë ish-KLD, gjyqtar në Durrës

Adrian Nezha, prokuror Tiranë

Ermir Beta, prokuror në Berat

Bujar Hoxha, prokuror Tiranë

Bilbil Mete, Prokuroria e Përgjithshme

Erion Pustina, prokuror i Pogradecit

Marina Rraboshta, Gjykata e Apelit Shkodër

Ketra Bajrami, Gjykata e Sarandës

Liljana Sulollari (Baku), Gjykata e Krimeve të Rënda

Stavri Kallço, Gjykata e Apelit Korçë

Tomor Skreli, Gjykata e Apelit Gjirokastër

Ajrana Liço, Gjykata e Tiranës

Petraq Dhimitri, Gjykata e Apelit Durrës

Rabiana Halili, Prokuroria Durrës

Genci Sinjari, Gjykata e Durrësit

Amarildo Laçi, Gjykata Administrative

Marjana Shtjefni, prokurore e Shkodrës

Njazi Seferi, Prokuror Tiranë

Arben Zefi, Gjykata e Shkodrës

Ema Gashi, Gjykata e Durrësi

Liradin Lira, Gjykata e Pogradecit

Merita Xhani, Gjykata Durrës

Eneida Civici (Abazaj), Gjykata e Tiranës

Brunilda Kasmi, Gjykata e Tiranës

Erlindi Basha, ndihmës ligjor në Gjykatën e Lartë

Eritan Shehu, ndihmëse ligjore pranë Gjykatës së Lartë

Elona Kana, këshilltare ligjore në Gjykatën e Lartë

Adnand Berdica, ndihmës ligjor pranë Gjykatës së Lartë

Granit Shahu, prokuror pranë Prokurorisë së Tiranës

Anila Galanxhi, prokurore pranë Prokurorisë Tiranë

alert.al

Gjashtë gjyqtarë japin dorëheqjen nga frika e përballjes me Vetingun, shkon në 65 numri i magjistratëve të vetëlarguar

Veprimi i ligjit të Vetingut vijon të prodhojë dorëheqje gjyqtarësh dhe prokurorësh në shkallën e parë dhe apel, duke thelluar vakancat në drejtësi. Gjatë katër muajve të fundit, Këshilli i Lartë Gjyqësor ka vendosur mbarimin e statusit të magjistratit, për shkak të dorëheqjes, edhe për 6 gjyqtarë të tjerë. Ata janë Ergys Gashi, gjyqtar në Gjykatën Administrative të Shkallës së Parë Durrës, Pëllumb Vehbi, gjyqtar në Gjirokastër, Rasim Doda, Gjyqtar në Sarandë, Dhurata Balla, gjyqtare në Tiranë, Gramoz Levanaj, gjyqtar i Apelit në Tiranë si dhe Izet Salaj, gjyqtar i Apelit në Gjirokastër. Më parë kanë dhënë dorëheqjen edhe Fatbardh Çoniku, gjyqtar në Elbasan dhe Kostika Çobanaqi, Gjykata e Beratit.

Që të gjithë gjyqtarët e dorëhequr ishin në proces verifikimi nga Komisioni i Pavarur i Kualifikimi, shkalla e parë e Vetingut, kryesisht për ligjshmërinë e pasurive, por edhe për dy kriteret e tjera, pastërtinë e figurës dhe aftësisë profesionale. Madje, disa prej tyre kanë dhënë dorëheqjen sapo Komisioni i Vetingut i ka thirrur në seancë dëgjimore për t’i njohur me rezultatet e verifikimit.

Me gjashtë largimet e fundit, shkon në 65 numri i gjyqtarëve dhe prokurorëve, të cilët kanë dhënë dorëheqjen për t’i shpëtuar përballjes me procesin Vetingut. Në listën e të dorëhequrve nuk mungojnë as emra të njohur të drejtësisë si; Arjana Fullani, Mirela Fana, Evelina Qirjako, Guxim Zenelaj, Bensik Imeraj, Adriatik Llalla, Petrit Fusha, Gjin Gjoni, Alaudin Malaj, Agim Bendo, Joana Qeleshi, Ema Gashi, Bilbil Mete, Petraq Dhimitri etj.

Nga të dorëhequrit janë dënuar ish-kryeprokurori Adriatik Llalla me dy vite burg për fshehje pasurie, ku i është sekuestruar edhe një pjesë e pasurisë si dhe Petraq Dhimitri i dënuar për korrupsion. Nga ana tjetër, Gjykata Speciale, me kërkesë të SPAK, ka vendosur të sekuestrojë pasurinë e ish gjyqtarëve të nivelit të lartë, Bashkim Dedja, Shkëlzen Selimi dhe Fatos Lulo. Ndërkaq, nën hetim nga SPAK për pasuri të dyshimta janë edhe ish anëtarët e Gjykatës së Lartë Tom Ndreca, Shkëlzen Selimi, Edmond Islamaj, Guxim Zenelaj, Aleksandër Muskaj dhe Artan Zeneli.