Të Ndryshme

Një vajzë 2-vjeçare nga Shqipëria ka marrë dhuratën e saj të Krishtlindjeve më herët pas një operacioni të suksesshëm të kryer në ezofagun e saj, pasi në gusht të këtij viti ajo gabimisht piu një sasi acidi muriatik.

Vogëlushja nga Shqipëria iu nënshtrua ndërhyrjes në një spital në Itali, pasi fillimisht u mbajt për 20 ditë në terapi intensive pas incidentit të rëndë.

“Të paktën e mbajtën gjallë”, tha, Genziana, tezja e Ailës 2-vjeçare.

Genziana jeton prej kohësh në Sarezzano. Me burrin e saj, ajo drejton një kompani fotovoltaike. Çifti ka dy fëmijë. Kur prindërve të Ailës u tha se “shpresa e vetme për fëmijën është që t’i nënshtrohet një operacioni që mund të bëhet në Itali”, Genziana u kontaktua menjëherë për të gjetur një zgjidhje.

“Kam kërkuar në internet shumë,” thotë gruaja, “duke mos imagjinuar kurrë se në Alessandria ekzistonte mundësia për të kryer atë operacion që ishte vendimtar.”

Tezja e vajzës 2-vjeçare i shpjegoi situatën mjekut italian Alessio Pini Prato. I lindur në vitin 1974, ai njihet si një ekselencë në kirurgjinë pediatrike. Genziana i ka shpjeguar situatën dhe së bashku kanë planifikuar ta çojnë vogëlushen te Cesare Arrigo.

Më 8 tetor, vajza e vogël, e shoqëruar nga prindërit Silver dhe Matilda, mbërriti në Itali “me një avion pasagjerësh, sepse një udhëtim me ambulancë do të kushtonte 90 mijë euro”, thotë tezja e saj.

Me sa duket, kushtet ishin të përshtatshme për ta lejuar atë ta përballonte udhëtimin pa probleme. Dhe kështu ishte. Procedura spitalore përfshinte kontrolle të ndryshme, një gastrostomi për të lejuar fëmijën të ushqehej me mbështetjen e një tubi në stomak. “Ajo ishte e kequshqyer,” shpjegon Genziana, “kështu që, për t’u përballur me operacionin, iu desh të shtonte sërish peshë.”

Aila, me prindërit dhe motrën e saj të vogël, u prit në Sarezzano deri më 11 nëntor, në pritje të operacionit vendimtar që u zhvillua më 15, dhe zgjati 12 orë.

Alessandria Hospital Trust tregoi se kontributi i profesionistëve të strukturës komplekse të Otolaringologjisë ishte thelbësor për izolimin cervikal të ezofagut dhe për monitorimin intraoperativ të nervit rekurent të laringut.

Më 3 dhjetor, ajo doli nga spitali Cesare Arrigo dhe më pas ajo dhe familja e saj u kthyen në Shqipëri. Ata do të kthehen në Itali më 15 janar për një kontroll.

“Ky është një rezultat i jashtëzakonshëm,” tha Dr. Alessio Pini Prato, “i mundësuar jo vetëm nga teknologjia robotike e gjeneratës së fundit, por edhe nga sinergjia dhe përsosmëria e ekipit tonë kirurgjik dhe multidisiplinar. Një operacion që jo vetëm i shpëtoi një jetë, por i dha mundësinë këtij pacienti të vogël t’i rikthehej jetës normale të përditshme në kohë rekord. ”

Agjencia Shtetërore e Kadastrës (ASHK) po përshpejton procesin e legalizimeve, duke siguruar të drejtën e pronësisë për qytetarët mbi ndërtimet pa leje. Gjatë tre muajve të fundit, ASHK ka emetuar 3000 vendime legalizimi, duke reduktuar pritjen dhe duke përmbushur angazhimin ligjor për formalizimin e pronësisë.

Agjencia Shtetërore e Kadastrës (ASHK) po përshpejton procesin e legalizimeve, duke siguruar të drejtën e pronësisë për qytetarët mbi ndërtimet pa leje. Gjatë tre muajve të fundit, ASHK ka emetuar 3000 vendime legalizimi, duke reduktuar pritjen dhe duke përmbushur angazhimin ligjor për formalizimin e pronësisë.

Ky progres është pjesë e zbatimit të Ligjit nr. 20/2020, i cili përcakton vitin 2028 si afatin përfundimtar për proceset kalimtare të pronësisë. Me mbështetjen e bashkive, ASHK po identifikon zonat prioritare dhe po përshpejton procedurat e verifikimit në terren dhe plotësimin e dosjeve.

Për regjistrimin e vendimit të legalizimit, qytetarët mund të aplikojnë përmes portalit e-Albania, pas përfundimit të afatit 30-ditor për ankime administrative. Aplikimet mund të kryhen lehtë për shërbimet si:
 • “Regjistrimin e kalimit të pronësisë me anë të ligjit (R2)”
 • “Lëshim Certifikate Pronësie (L1)”
 • “Lëshim kopje kartele të pasurisë (I5)”
 • “Lëshim kopje të fragmentit të hartës kadastrale (I4)”

ASHK mbetet e angazhuar për përshpejtimin dhe lehtësimin e procedurave në shërbim të qytetarëve dhe respektimin e afateve ligjore.

Milot, 27 Shtator 2024 – Rreth 35 fëmijë dhe edukatore të kopshtit të fëmijëve në Milot do të kalojnë një dimër më të ngrohtë dhe në komoditet duke kursyer faturën e energjisë elektrike. Ndërtesa e këtij kopshti iu nënshtrua masave të efiçencës së energjisë, të cilat përfshinë veshjen kapotë të fasadës, instalimin e dritareve termike dhe ngrohjen e ujit nga panele diellore.

Ky investim efiçent u zbatua nga Bashkia e Kurbinit në kuadër të projektit “Rruga drejt përdorimit efiçent të burimeve natyrore vendore”, me financimin e programit Ndërkufitar Shqipëri – Kosovë të Instrumentit të Paraaderimit IPA II të Bashkimit Evropian.

Në ceremoninë e përurimit të këtij investimi përshëndetën kryetarja e bashkisë Kurbin, znj.Majlinda Cara; z. Erjon Tase, Drejtor i Akademisë së Studimeve Politike; z. Ardian Metaj, menaxhues i projekteve të Delegacionit të Bashkimit Europian në Shqipëri dhe z. Enver Shabani, drejtor për Zhvillimin Ekonomik, Komuna Suharekë.

Në fjalën e tyre u theksua rëndësia e zbatimit të këtij investimi për komoditetin e fëmijëve, por edhe në rritjen e ndërgjegjësimit të komunitetit për të kontribuar dhe bashkëpunuar drejt një të ardhmeje më të gjelbër dhe më të qëndrueshme.

Pas zbulimit të tabelës së investimit, si një përurim simbolik, të pranishmit vizituan ambjentet e brendshme të kopshtit për t’u njohur me masat e efiçencës të zbatuara.

Punimet e fundit mirëmbajtëse në godinë ishin realizuar rreth viteteve 2000, në shmangie të standardeve minimale të efiçencës. Lagështira, një karakteristinë për zonën, krijonte problematika për shëndetin e fëmijëve dhe edukatoreve të tyre. Ngrohja me pompa nxehtësie me sistem inverter do të eleminojë sobat me djegienë klasa, të cilat rëndonin cilësinë e ajrit në brendësi të ambjenteve të mësimit.

Informacioni për efiçencën e energjisë u mundësua më tej në stendat e Panairit Artizanal dhe të Kulinarisë Kurbin 2024. Biznese nga Kurbini dhe Suhareka, dy partnerët e projektit, ekspozuan për vizitorët e shumtë të kësaj feste të organizuar nga bashkia Kurbin produktet për rritjen e efiçencës në ndërtesa.

Stenda e projektit ndau gjithashtu materiale informuese për qytetarët e interesuar të grupmoshave të ndryshme për përfitimet nga masat efiçente në ndërtesat publike dhe private. Çantat e riciklueshme që u ndanë për vizitorët shërbejnë për të dekurajuar përdorimin e qeseve plastike nga qytetarët.

Programi “Rruga drejt përdorimit efiçent të burimeve natyrore vendore” po ofron gjithashtu rritjen e kapaciteteve të stafeve të bashkive si dhe aktorëve të tjerë vendorë në Kurbin dhe Suharekë për të bashkëpunuar drejt një të ardhmeje më të gjelbër dhe më të qëndrueshme për Suharekën. Projekti zbatohet në bashkëpunim me Akademia e Studimeve Politike, Instituti i Prishtinës për Studime Politike, bashkia Kurbin dhe Komuna Suharekë.

Transformimet që kemi sjellë në Ministrinë e Bujqësisë janë dëshmi e përkushtimit tonë për qeverisje të mirë dhe transparencë. Kjo ka rezultuar në një rritje prej 184% të mbështetjes nga partnerët ndërkombëtarë, të cilët kanë njohur përpjekjet tona për zhvillim të qëndrueshëm. Deri në përfundim të mandatit tonë, mbështetja financiare për fermerët në Kosovë pritet të arrijë vlerën e 300 milionë eurove.

Kështu ka bërë të ditur Ministri i BPZhR-së, Faton Peci në sesionin e parë informues të Skemës së Granteve 2024-2027 që do të mbështeten nga MBPZhR-ja në bashkëpunim me GIZ-in, e që sot ky sesion u mbajt sot në Komunën e Mitrovicës.

Përmes kësaj skeme, Ministri Peci tha se do të mbështesin zhvillimin e qëndrueshëm të sektorit bujqësor në zonat rurale nëpërmjet diversifikimit të aktiviteteve.

“Kam nderin dhe kënaqësinë të jem me ju sot për të prezantuar një projekt të rëndësishëm që synon të transformojë të ardhmen e bujqësisë në Kosovë. Gjatë mandatit tim si Ministër, kemi prioritizuar investimet përmes projekteve të granteve, të cilat kanë dëshmuar se janë kyçe për zhvillimin e qëndrueshëm ekonomik dhe për të forcuar të gjithë zinxhirin e vlerës. Sot, kam kënaqësinë të prezantoj një projekt madhor dhe transformues, i cili realizohet në partneritet me Qeverinë Gjermane dhe GIZ, me një investim prej 20.2 milionë euro. Kjo marrëveshje, e ratifikuar nga Kuvendi, shënon një bashkëpunim të parë të këtij lloji në historinë e Ministrisë së Bujqësisë dhe nënvizon rëndësinë strategjike të këtij partneriteti për zhvillimin e sektorit”, tha Ministri Peci.

Krahas kësaj, Ministri Peci theksoi se synimi i këtij projekti është fuqizimi i agroturizmit dhe ekoturizmit, duke sjellë përfitime për fermerët, sipërmarrësit dhe komunitetet rurale. “Një ndër përparësitë kryesore është promovimi i ushqimeve bio me vlera të larta ushqyese, të cilat janë thelbësore për sektorin e agroturizmit. Në një kohë kur ushqimet industriale dominojnë tregun, agroturizmi ofron një alternativë të shëndetshme, duke sjellë produkte bio, të freskëta dhe të shëndetshme, që krijojnë një lidhje të drejtpërdrejtë mes konsumatorëve dhe prodhuesve”, ka thënë Peci.

Gjatë sesionit të parë informues të Skemës së Granteve 2024-2027 iu është bërë thirrje të gjithë fermerëve dhe agro-ndërmarrësve që të përfitojnë nga kjo mundësi dhe të marrin pjesë në sesionet informuese që do të organizohen në çdo komunë të Kosovës.

Ministrja e Bujqësisë dhe Zhvillimit Rural Anila Denaj, ka paraqitur në Komisionin për Ekonominë dhe Financat projektligjin e ri “Për prodhimin organik, etiketimin e produkteve organike dhe kontrollin e tyre”. Në fjalën e saj, ministrja theksoi rëndësinë e këtij projektligji në zhvillimin e qëndrueshëm të bujqësisë shqiptare dhe përmbushjen e objektivave të Bashkimit Evropian për bujqësinë organike.

Sipas ministres Denaj, Bashkimi Evropian synon që deri në vitin 2030, 25% e tokës bujqësore të jetë e certifikuar si organike, ndërsa Shqipëria, si vend kandidat për në BE, është angazhuar për të përshtatur industrinë e prodhimeve organike “Made in Albania” sipas standardeve evropiane. Ky projektligj synon të forcojë mekanizmat ligjorë dhe kontrollues në të gjitha hallkat e prodhimit organik, duke përfshirë planifikimin, prodhimin, paketimin, etiketimin dhe tregtimin e produkteve organike, si brenda vendit ashtu edhe në tregjet ndërkombëtare.

“Projektligji i ri vjen si një domosdoshmëri për të përmirësuar ligjin aktual, i cili nuk është ndryshuar që nga viti 2016. Rritja e kërkesës së tregut vendas dhe i eksporteve të produkteve organike drejt tregjeve të BE-së, kërkon ndërhyrje të reja ligjore,” tha Denaj teksa shtoi se Shqipëria aktualisht eksporton rreth dy tonë produkte organike çdo vit, përfshirë bimët aromatike dhe mjekësore, gështenjat, frutat e pyllit dhe vajin e ullirit.

Ministrja nënvizoi se projektligji do të nxisë rritjen e numrit të operatorëve të prodhimit organik, si dhe sipërfaqet e tokës të dedikuara këtij prodhimi. Gjithashtu, do të përmirësohen sistemet e kontrollit dhe sigurisë për produktet organike, për të garantuar që etiketimi i produkteve organike të jetë në përputhje me standardet evropiane.

Në përfundim, Denaj ftoi deputetët që të mbështesin projektligjin, duke e cilësuar atë si një hap të rëndësishëm drejt forcimit të bujqësisë organike dhe garantimit të një të ardhme më të qëndrueshme për prodhimet “Made in Albania”.

Përtej gjithë reklamimit të turizmit shqiptar në botë dhe shpresës së madhe për të arritur 14 milionë, çdo vit duhet se do të dalë një ose disa “Mihalë nga Porto Palermo” për t’i vënë vulen me turp. Nië rast i ngjashëm, por që nuk ka shkuar në episode dhune, është detyrimi i disa turistëve nga Portugalia për të paguar me patjetër dëmet në makinën që drejtohej prej tyre. Ata kishin marrë me qira një autoveturë pranë kompanië Pepa Rental Car, siç kanë njoftuar vetë ata pranë Qendrës ALERT dhe me 25 gusht 2024 janë përfshirë në një aksident. Megjithëse nuk është e qartë, nëse nën kërcenime apo presion, ose për mënyrën, por turistët e huaj janë detyruar t’i paguajnë kompanisë qiradhënëse të makinës afërsisht 4800 euro, siç tregojnë ata, por edhe siç vertetohet nga dokumenti banker, pasi pagesa është bërë me kartë.

“E nderuar Qendra Alert,

Po shkruaj për të kërkuar ndihmën tuaj të menjëhershme në lidhje me një incident shqetësues që përfshin Pepa Rent a Car më 25 gusht 2024. U përfshiva në një aksident me makinë ndërsa shoku im po drejtonte një mjet me qira nga Pepa Rent a Car (ëëë.peparentcar.al). Fatkeqësisht, aksidenti rezultoi me dëme të konsiderueshme në automjetin tonë dhe të një personi tjetër. Faji ishte i yni, por ne duhet të kishim një CDË. Për zhgënjimin tim, përfaqësuesi i makinave me qira ka insistuar që unë të përballoj koston e plotë të riparimeve. Pavarësisht kërkesave të përsëritura, nuk më është dhënë një kopje e policës së sigurimit ose ndonjë detaj i kontratës që përshkruan termat dhe kushtet e marrëveshjes së qirasë. Kjo mungesë transparence më ka bërë të ndihem i pambrojtur dhe i ngarkuar padrejtësisht.

Unë besoj se po trajtohem në mënyrë të padrejtë dhe se ata mund të shkelin ligjet për mbrojtjen e konsumatorëve. Jam i shqetësuar se, pa dokumentacionin e duhur, mund të mos jem në gjendje të kundërshtoj akuzat ose të kërkoj kompensim për çdo humbje të shkaktuar.

Do të isha mirënjohës nëse mund të jepnit udhëzime për hapat e ardhshëm që duhet të ndërmarr për të mbrojtur të drejtat e mia dhe për të adresuar këtë çështje. Ekspertiza dhe mbështetja juaj do të ishin të paçmueshme për të siguruar një zgjidhje të drejtë të kësaj situate.

Faleminderit për vëmendjen tuaj të menjëhershme ndaj kësaj kërkese urgjente.

Sinqerisht,

David Sacras”.

Nga informacionet që disponon Qendra ALERT, të gjitha kompanitë që japin makina me qira, i kanë të siguruara kasko pranë kompanive të sigurimeve në Shqipëri. Patjetër për mbulimin e aksidenteve, por në shumë raste edhe për vjedhjet, pasi ka pasur dhe incidente të tilla.

Logjikisht, edhe makina të fjalë e markës Skoda, me targa AB 321 NO, përsa kohë jepet me qira, do të duhet të ishte e siguruar “kasko”. Siç shihet dhe në foto, makina është dëmtuar nga aksidenti dhe turistët portugezë u detyruajnë të paguajnë makinën që drejtonin, duke qenë se siç u është thënë nga policia, ata janë fajtorët. Nga ana tjetër, askush nuk e di se si është përcaktuar kjo “gjobë” ndaj turistëve dhe mbi ç’vlerësim eksperti për dëmin që i është shkaktuar autoveturës.

Më 27 gusht, Qendra ALERT i kërkoi informacion Autoritetit të Mbikqyrjes Financiare për targën e autoveturës nëse kishte një sigurim kasko në njërën prej kompanive të sigurime apo jo dhe deri sot më 12 shtator, nuk ka asnjë përgjigje apo reagim. AMF mund të mos ketë database e sigurimeve kasko nga kompanitë tona, për shkak se është një sigurim vullnetar, megjithatë një përgjigje do të nevojitej, siç e parashikon dhe Ligji 119/2014 “Për të Drejtën e Informimit”. Në të njëjtën datë, Qendra ALERT i kërkoi informacion dhe kompanisë, duke i nisur një e-mail në trupen e webpage, siç e ofron opsioni i tyre, por edhe nga ata asnjë përgjigje.

Nga hulumtimet e Qendrës ALERT është mësuar se makina, sigurimin TPL, pra të detyrueshmin dhe nuk mbulon dëmin e makinës fajtore, por të palës së tretë, e ka pranë kompanisë “Ansig”. Nga verifikimet tona rezulton se autovetura “Skoda” është ende në pronësi të Credins Leasing, pra është blerë nga kompania që jep makina me qira me leasing (kredi). Nga komunikime kofidenciale me bankën Credins, kemi mundur të mësojmë se, të gjitha automjetet që shiten me “leasing” kanë sigurimin kasko dhe konkretisht “Scoda” me targa AB 321 NO e ka një sigurim të tillë.

Në këto kushte, duket se turistët portugezë janë gjobitur. Në një vend të huaj, pa një kontratë në dorë dhe të lënë fajtor si shkaktar të aksidentit nga policia, ata janë detyruar të paguajnë dëmin e makinës në vlerën e 4500 euro, megjithëse dëmin e makinës së aksidentuar e mbulon kompania ku është bërë sigurimi kasko. Siç kemi mundur të mësojë, kompanitë që japin makina me qira, në raste aksidentesh iu mbajnë fajtorëve në aksident që përdorin makinat e tyre vlera të vogla, 200, 300 apo 400 Euro, të shënuara në kontratë, konkretisht pjesët e zbritshme nga kompania e sigurimit që ofron policën kasko.

Rasti i portugesëve tregon qartë se është abuzuar me këtë situatë të dyshimtë, e cila fillon që nga vlerësimi i dëmit të makinës. Por, mbi të gjitha tregon se si shqiptarët abuzojnë me turistët e huaj, duke dëmtuar rëndë imazhin e Shqipërisë, duke treguar se „Mihalët e Porto Palermos“ gjenden në çdo biznes apo cep të vendit.