Bota është në një gjendje të jashtëzakonshme, si pasojë e coronavirusit. Siç dihet ky virus kërcënon kryesisht personat e moshuar dhe ata me sëmundje kronike, por natyrisht situata shqetëson edhe gratë shtatzëna.
Pyetja më e rëndësishme, natyrisht, është: nëse nëna infektohet, a do të transmetohet coronavirusi tek fëmija gjatë shtatzënisë ose gjatë lindjes? Ekspertët japin të dhëna të qarta.
Në një studim vëzhgues me gra shtatzëna (23 deri në 40 vjeç), të cilat u testuan të ishin pozitivë ndaj virusit, të gjitha zhvilluan pneumoni të butë, dhe disa madje patën sëmundje të mëparshme, si diabeti, talasemia ose një gjendje pas zëvendësimit të valvuleve (AJR 2020).
Përveç etheve dhe kollës si simptomat fillestare më të zakonshme, gratë shtatzëna zhvilluan dhimbje trupi, dhimbje të fytit, dispne dhe diarre. Gjetja më e zakonshme laboratorike ishte limfocitopeni.
Në përgjithësi, infeksioni nuk ndikoi në rrjedhën e shtatzënisë – madje pa ndonjë terapi antivirale – siç shkruajnë mjekët kinezë, asnjë nga këto gra shtatzëna nuk tregoi simptoma serioze. Dhe asnjë i porsalindur nga këto nëna të infektuara nuk ka rezultuar pozitiv në COVID 19.
Fëmijët kanë lindur të gjithë nga seksioni cezarian me vlera të mira Apgar (8-9 pas një minute, 9-10 pas 5 minutash). Lëngu amniotik, gjaku i kordonit të kërthizës, shtupa e fytit të porsalindur dhe qumështi i gjirit nga pacientët e testuar dhe fëmijët ishin të gjithë SARS-CoV2 negativ.
Gjetjet për infeksionet SARS-CoV2 janë vazhdimisht në ndryshim.
Instituti Robert Koch rekomandon të ndërmerren të njëjtat masa të mbrojtjes kundër coronavirusit si te shtatzënat, po ashtu edhe për tërë popullatën.
Kjo përfshin, para së gjithash, larjen e plotë, të shpeshtë, të përsosur të duarve, dezinfektimi i tyre dhe asnjë përshëndetje me një shtrëngim duarsh, veshja e maskës për fytyrën, izolimi, si dhe rekomandimet e autoriteteve shëndetësore rajonale qe duhet patjetër të respektohen.
Duhet të ruhet një distancë prej 1-2 metrash nga personat me sëmundje kronike, personat në moshë, për shkak se nuk mund të përjashtohet që ju vetë jeni transportues, poashtu duhet t’i kushtoni gjithmonë vëmendje të madhe të ashtuquajturave ‘etiketa të kollës dhe teshtitjes’.Telegrafi
Qendra Alert/Alert.al
