Në muajt e fundit të 2024-ës, është ripërfolur për qumësht të papërpunuar dhe djathëra që rrjedhin prej tij, pas shtrimit në spital të një fëmije për sindromën uremike hemolitike. Termi ‘qumësht i papërpunuar’ në fakt i referohet një produkti që nuk i është nënshtruar trajtimeve termike me temperatura mbi 40°C, si zierja ose pasterizimi, i cili rrjedhimisht sjell rreziqe për shëndetin, veçanërisht për segmente të veçanta të popullsisë, (si p.sh. fëmijët).
Baktere të ndryshme patogjene, duke përfshirë Escherichia coli që prodhon toksina Shiga (STEC), mund të gjenden në qumështin e papërpunuar dhe djathrat që rrjedhin prej tij. Infeksioni nga ky mikroorganizëm mund të shkaktojë sindromën hemolitike uremike, një sëmundje e karakterizuar nga dëmtimi akut i veshkave, anemi hemolitike e shkaktuar nga prishja e rruazave të kuqe të gjakut dhe një numër i ulët i trombociteve në gjak, të cilat në disa raste mund të jenë edhe fatale.
Rreziqet e qumështit të papërpunuar dhe djathrave që rrjedhin prej tij, si dhe mënyrat për t’i reduktuar ato, janë fokusi i një videoje nga seria 100 sekonda e krijuar nga Laboratori i Komunikimit i „Istituto Zooprofilattico Sperimentale delle Venezie“.
Burimi: Ilfattoalimentare.it
