LEZHË, 15 MAJ 2025 – Qendra ALERT zhvilloi aktivitetin e tretë të raundit të dytë të trajnimeve të të rinjve, dhe përmbyllësin e projektit “Të rinjtë si promovues të Vlerave të BE-së për të Drejtat e Konsumatorit”, projekt i cili synon të ndërgjegjësojë dhe edukojë të rinjtë në raport me të drejtat e tyre si konsumator, si dhe ushtrimin e tyre. Aktiviteti u zhvillua më 15 maj në qytetin e Lëzhës, me pjesëmarrjen e të rinjve nga maturat e shkollave të mesme, por edhe të tjerë më të rritur.
Aktiviteti nisi me fjalën përshëndetëse të Z.Granit Sokolaj, Drejtor Ekzekutiv i Qendrës ALERT.
Dy trajnerët e ftuar për këtë trajnim, Znj.Ersida Teliti, Drejtore e Qendrës Konsumatori Shqiptar dhe Z.Julian Llupo, ekspert i të drejtave të konsumatorit dhe mbikqyrjes së tregut, përveç prezantimeve të tyre, zhvilluan me të rinjtë dhe biseda praktike për raste konkrete të të drejtave të konsumatorëve, rastet dhe mënyrat e ankesave dhe zgjidhjeve, si dhe për ecurinë e proceseve të Shqipërisë në kuadër të integrimit europian, konkretisht për kapitujt qe lidhet me mbrojtjen e konsumatorëve.
Aktiviteti u zhvillua në ambientet e Qendrës Rinore, i ndërtuar së fundmi me fondet e Ministrit të Shtetit për Rininë dhe Fëmijët dhe Agjencisë Kombëtare të Rinisë.
* Ky aktivitet u realizua nga Qendra ALERT në kuadër të projekti “Të rinjtë si promovues të Vlerave të BE-së për të Drejtat e Konsumatorit”, me mbështetjen financiare të Agjencisë Kombëtare të Rinisë, (AKR) dhe Ministrit të Shtetit për Rininë dhe Fëmijët, (MSHRF)
