Seksioni për Hetimin e Krimeve Ekonomiko-Financiare, në bashkëpunim me Prokurorinë e Tiranës, ka finalizuar operacionin e koduar “Audienca”, pas një hetimi të zhvilluar me metoda proaktive për dokumentimin e paligjshmërive në një subjekt me aktivitet ndërkombëtar në fushën e reklamimit dixhital.
Gjatë kontrollit të ushtruar në një magazinë në Tiranë, u zbulua se për llogari të këtij subjekti mbaheshin suplemente ushqimore dhe bimore të skaduara dhe të kontrabanduara. Si rezultat, autoritetet sekuestruan mbi 10 mijë produkte, të cilat rezultuan pa pullën e Agjencisë së Barnave, pa pullën e Ministrisë së Financave dhe pa etiketa në gjuhën shqipe.
Në vijim të veprimeve procedurale, u shpall në kërkim administratori i subjektit, shtetasi nga Bosnja dhe Hercegovina, J. T., 53 vjeç, ndërsa u proceduan penalisht dy punonjës të subjektit, shtetasit J. G., 30 vjeç dhe M. Ç., 26 vjeç, të cilët ndodheshin në ambientet e magazinës gjatë kontrollit.
Materialet procedurale i janë referuar Prokurorisë së Tiranës për veprime të mëtejshme, për veprat penale që lidhen me kontrabandën, depozitimin dhe tregtimin e mallrave kontrabandë, fshehjen e të ardhurave, si dhe importimin dhe ruajtjen e ushqimeve të rrezikshme për shëndetin e qytetarëve. Ndërkohë, vijon puna për kapjen e administratorit të shpallur në kërkim
