E ftuar në emisionin “Alert” në News24 nga Granit Sokolaj, Hyrida Basha nutricioniste foli për problemet që shkakton antibiotiku në zorrë dhe rëndësia edhe e ushqimit kur ne trajtohemi më këtë medikament.
“Ushqimi ka rëndësinë e vet, pasi nëse i referohemi veprimit të antibiotikut, zorra dëmtohet. Antibiotiku rezistencë, kemi të bëjmë me ato baktere të cilat nuk vriten nga antibiotiku për të cilat është krijuar, lejon kontaminimin e baktereve të tjera përreth dhe ndodh të prekë edhe baktere të tjera, ndaj është mirë që gjatë trajtimit me antibiotikë të përdorim edhe probiotikët. Sa i takon ushqimit, në studimet e fundit është treguar që individët që kanë një dietë të pasur me fibra dhe të varfër me proteina shtazore kanë një përgjigje më të mirë ndaj antibiotikëve dhe një faktor i rëndësishëm është edhe higjena personale, si për fëmijët e vegjël, por edhe për të rriturit. Kemi të bëjmë edhe me prekjen që mund të kontaminojmë ushqimin, sipërfaqet edhe uji i kontaminuar mund të jenë një nga rreziqet e shumimit të baktereve në organizëm. Antibiotiko-rezistenca ka lindur pasi bakteret krijojnë një vetëpërshtatje, mbrojtje, ndaj puna bëhet më e vështirë për mjekët, ndërsa për nutricionistët bëhet më e vështirë kur problemi lidhet me zorrët për shkak të dëmtimeve që vijnë nga antibiotikët. Probiotikët janë ato elementë që ndihmojnë florën intestinale të përmirësohet. Ne bashkëjetojmë me trilion mikroorganizma në zorrë, lëkurë, mushkëri dhe organet gjenetale. Kanë nevojë për pro dhe posbiotikë, që janë ushqyesit e tyre. Merren edhe përmes ushqimeve, por edhe me kapsula apo bustina. Kur trajtohet me antibiotikë ka tendencë të dëmtohet flora intestinale ndaj rekomandohet të bashkëshoqërohet me vitaminën c dhe probiotikun”-tha Hyrida Basha.
Qendra Alert/Alert.al
