I ftuar në emisionin “Alert” në News24 nga Granit Sokolaj, Besnik Jakaj mjek nefrolog foli për rrezikun nga rezistenca ndaj antibiotikëve, keqtrajtimin me antibiotikë dhe efektet në infeksionet urinare, veshka, mëlçi etj.
“Efektet e rrezikshme që jep rezistenca ndaj antibiotikëve?
Është një problem që nuk e zgjidh nje ministër, drejtor, por është problem ndërgjegjësues. Është një problem global, pastaj nga mungesa e aftësive të institucioneve, nga papërgjeshmëria e mjekëve, pastaj farmacistëve duke shkelur zbatimin e ligjin dhe papërgjegjshmëria e qytetarëve shkaktojnë këto dëme. Në 17 vitet e fundit, po t’i referohemi statistikave të rezistencës ndaj antibiotikëve që pastaj japin efekte në veshka, mëlçi dhe infeksione urinare është shumëfishuar. Edhe për shkak të ndryshimit të gjeneratës së antibiotikëve të daljes së gjeneratave të reja, të lehtësimit të antibiotikëve, të lehtësisë së marrjes së informacionit për përdorimin e antibiotikut dhe pastaj keqmjekimi. Problem në veshka dhe në infeksione urinare për shkak të infeksioneve të përsëritura dhe të mjekimit me antibiotikë. Infeksionet, mbi 70% të femrave në botë vuajnë nga infeksione urinare, kryesisht nga mosha adoleshente deri në 55 vjeç. Kjo grupmoshë vuan në mënyrë dramatike në nivel botëror, një element i rëndësishëm është trajtimi me antibiotikë. Për trajtimin e infeksioneve urinare, mjekët marrin një skemë shabllon pa u thelluar, iu duket lehtë dhe në faj të pacientit, fillon trajtimin me antibiotik. E ndërpret dhe e rifillon sërish pa bërë analizë, për të parë infeksionet bakteriale të mbivendosura, për të përzgjedhur mjekimin dhe dëmet që shkaktohen nga antibiotikët në infeksionet urinare dhe pastaj kalojmë në veshka, japin dhe në organe të tjera. Në mëlçi, përdorimi i disa klasave të antibiotikëve është problem madhor global, infeksionet urinare të keqtrajtuara me antibiotikë dhe mbrapa nuk gjen trajtim sepse ka mbivendosje të baktereve. Duhet zgjedh ilaçi i duhur, skema e mjekimit e duhur e bazuar në analiza përkatëse dhe kohëzgjatjen e përcakton mjeku. Në rastin e pandemisë është bërë baterdi në përdorimin e barnave, informacioneve online apo konsulta me mjekë joprofesionistë, janë përdorur masivisht antibiotikët dhe papërgjegjshmëria e farmacive japin pasoja të gjatë në shëndetin e popullatës dhe rrit sëmundshmërinë”-u shpreh mjeku Besnik Jakaj.
Qendra Alert/Alert.al
