eksperte e pasurive të paluajtshme; Rajmond Dervishi

Një ndryshim i ri ligjor po ofron një mundësi të rëndësishme për të gjithë pronarët e pasurive të paluajtshme në Shqipëri.

Ligji për rivlerësimin e pasurive lejon përditësimin e vlerës së tyre sipas çmimeve aktuale të tregut, duke sjellë me vete një lehtësim të ndjeshëm të detyrimeve fiskale.

Për të folur më shumë rreth kësaj teme, e ftuar në emisionin “Alert”, në “Ora news”, ishte Xheni Poçari, eksperte e pasurive të paluajtshme.

“Patjetër që është një një ligj që është vullnetar, në formatin që klientët dhe individët mund të mund të zgjedhin nëse duan që ta aplikojnë apo jo në pronat e tyre, por që ka efekte shumë të mira në trajtimin e pronave dhe në rregullimin e tregut.

Sepse duke qenë se është hapur rivlerësimi, kemi mundësinë që t’i japim çdo prone vlerën aktuale të tregut.

Pra, të rrisim pjesën e çmimit me të cilën shteti vlerëson pronën.

Nesër, pasnesër, kjo pronë mund të lihet kolateral në bankë dhe për secilin nga individët që duan të investojnë apo duan ta shesin pronën, ka një vlerë më të lartë në në treg.

Deri në kolapse ekonomike, domethënë, gjithmonë ka qenë në rritje vlera e pronave”, u shpreh Poçari.

Procesi i rivlerësimit të pasurive të paluajtshme ofron një mundësi për qytetarët që të përditësojnë vlerën e pronave të tyre duke paguar një tatim lehtësues prej 5% mbi diferencën e vlerës.

Megjithatë, mënyra se si kryhet ky proces përcakton nëse ky tatim do të paguhet vetëm një herë apo nëse pronarët rrezikojnë një taksim të dytë në të ardhmen.

Për të folur më shumë për këtë temë, i ftuar në emisionin “Alert”, në “Ora News”, ishte eksperti i pasurive të paluajtshme, Rajmond Dervishi.

“Ka dy metoda për rivlerësimin që janë përcaktuar në këtë udhëzim. 

Njëra që është çmimi i referencës, që atë nuk e luajmë, janë të përcaktuara me zona, ku Tirana i ka pak më të rregulluar se zonat e tjera sepse është zona që ka edhe atë tregun më të madh të pasurive të paluajtshme.

Ndërsa të tjerët janë formale dhe metoda e dytë është me një ekspert privat të licensuar, që është i licensuar në fushën e vlerësimit të pasurive të paluajtshme, sipas tipologjisë së ndërtesës.

Kemi tre kategori vlerësuesish, kemi për toka, për toka troje dhe ndërtesa, për toka bujqësore dhe për linja teknologjike dhe dhe pajisje.

E bën me këtë ekspertin e licensuar. Eksperti në bazë të çmimeve të tregut real që ka investiguar, si nëpërmjet agjencive imobiliare, që janë çmimet më reale, se kërkesë-oferta aty përcaktohet nga tregu real që janë agjencitë imobiliare. Aty janë çmimet e vërteta.

Janë me plus-minus diferenca të vogla që negociohet midis palëve. Pra bëhet me një vlerësues që bën një raport vlerësimi të vulosur dhe të firmosur dhe e depoziton pranë Agjencisë Shtetërore të Kadastrës nëpërmjet portalit e-Albania.

Aty pastaj nëpërmjet një formulari që e kanë punonjësit e brendshëm, bëjnë këtë diferencën e çmimit.

Marrin këtë çmimin që ka nxjerrë vlerësuesi nga investigimi i tregut, të çmimin real të zonës, i zbresin atë vlerën fillestare që ka pasuria, qoftë nga blerja e mëparshme, qoftë nga privatizimi, qoftë nga çdo lloj transaksioni që ka ardhur origjina e asaj pasurie, i bën atë diferencën e çmimit dhe i nxjerr vlerën 5% që duhet paguar”, u shpreh Dervishi.