Shoqata e Agroturizmit Shqiptar Valdete Buça

E ftuar në emisionin “Alert” në “Ora News”, drejtorja e programit SRD/GIZ, Sofjola Kotelli, foli për projektin e nisur prej dy vitesh që synon rijetëzimin e varieteteve autoktone shqiptare dhe përfshirjen e tyre në menutë e agroturizmit në vend.

“Ne projektin e kemi filluar para dy vitesh si një kërkesë të shoqatës së agroturizmit me të cilët ne bashkëpunojmë ngushtësisht.

Shoqata e agroturizmit me të cilën ne planifikuam gjithë punën që do të bënim në drejtimin e zhvillimit të agroturizmit në Shqipëri, një nga kërkesat kryesore kishte rijetzimin e varjeteteve autoktone dhe futjen e tyre në menutë e agroturizmit.

E kemi filluar nga përgatitjet e kërkesës, pra sesi ne mund të rizgjonim kërkesën për përdorimin e këtyre varjeteteve autoktone që janë prej vitesh të ruajtura në bankën gjenetike shqiptare.

Duke qenë të ruajtura pa i kërkuar askush, ato mbeten thjesht në një ekzpozitë”, u shpreh Kotelli.https://www.youtube.com/watch?v=9Kgx7LWyCyM&feature=youtu.be

E ftuar në emisionin “Alert”, në “Ora News”, kryetarja e Shoqatës së Agroturizmit, Johana Bano, foli për suksesin e përdorimit të farave autoktone në fermat shqiptare.

” Para se të niste ky projekt, ka pasur elementë përpjekjeje të vazhdueshme të disa agroturizmave, që bënin përpjekje në mënyrë autodidakte, filluan të shtroheshin në një rrugë më të mbarë. 

Ka pasur edhe skeptikë sepse është biznes dhe ka pasur pikëpyetje nëse këto fara do përshtateshin, nëse këto fidanë do të kishin redimentin e duhur në fermat tona që ne drejtojmë.

Këto fara janë treguar shumë kokforta dhe na treguan që po, sepse u kthyen në tokën e tyre, na treguan që jo vetëm që ka një produkt që ja vlen të përfaqësohet çdo agroturizëm, të ruajë të qënit autentik, të ketë të tregojë tek vizitorët e vetë dhe absolutisht dhe pjesa e nostalgjisë dhe shijes, por dhe në pjesën e llogaribërjes së saktë në njëbiznes tregoi që kishin rendimente shumë të mira”, u shpreh Bano.https://www.youtube.com/watch?v=9Kgx7LWyCyM&feature=youtu.be

E ftuar në emisionin “Alert”, në “Ora News”, ishte Valbona Hobdari, Drejtore e Institutit të Resurseve Gjenetike të Bimëve në UBT, foli për rëndësinë e Bankës Gjenetike si burimi kryesor i materialit gjenetik autokton në Shqipëri.

”  Banka Gjenetike që njihet gjerësisht si njësi kryesore e UBT-së, është njësia kryesore dhe institucioni kombëtar i cili kordinon të gjitha aktivitetet në fushën e ruajtjes së menaxhimit të resurseve gjenetike të bimeve. 

Aktualisht është burimi i vetëm në Shqipëri që siguron material gjenetik autokton që është shumë i rëndësishëm për sigurinë ushqimore dhe bujqësinë.

Misioni dhe qëllimi i Bankës Gjenetike është që të promovojë konservimin dhe përdorimin e qëndrueshëm të këtyre resurseve gjenetike të bimëve , gjithmonë në bashkëpunim me të gjithë aktorët që merren me resurset gjenetike”, u shpreh Hobdari.https://www.youtube.com/watch?v=9Kgx7LWyCyM&feature=youtu.be

Në një lidhje të drejtpërdrejtë në emisionin “Alert”, në “Ora News”, ishte Alban Çakalli, prodhues i çertifikuar i farave autoktone, i cili tregoi për përpjekjet e tij për të ruajtur dhe promovuar farat autoktone shqiptare, duke bashkëpunuar me Bankën Gjenetike dhe UBT-në. 

” Unë jam fermer mbi të gjitha por kam vite që kam filluar duke koleksionuar një pjesë të vogël të disa perimeve dhe kultivarëve të hardhisë. 

Më kanë dhënë disa njerëz që kishin disa kultivarë të hardhive që ishin gati në tharje dhe thanë po ja japim Albanit që mos na zhduken.

Nëpër rrjete sociale jam munduar ti promovojë thjesht për ti ruajtur këto kultivar.

UBT-ja ka dhënë një këshillë që unë të merresha me këtë gjë.

Kam marr fara tek Banka Gjenetike. Të gjitha këto janë fara autoktone që janë ruajtur prej vitesh “, u shpreh Çakalli.https://www.youtube.com/watch?v=9Kgx7LWyCyM&feature=youtu.be