Emisioni “Alert” i moderuar nga Granit Sokolaj në Ora News trajtoi këtë të premte dy tema me interes publik.
Në pjesën e parë u diskutua çështja e taksave të makinave. I ftuar ishte Arben Progni, Drejtor i Regjistrimit të Mjeteve në DPSHTRR. Progni sqaroi se DPSHTRR-ja, sipas ligjit të taksave kombëtare dhe udhëzimeve përkatëse, ka rol në llogaritjen, arkëtimin dhe transferimin e taksave të mjeteve. Ai tha se institucioni është i angazhuar në sensibilizimin dhe njoftimin e qytetarëve për detyrimet e tyre, përmes sistemit elektronik dhe platformës e-Albania.
Në pjesën e dytë u trajtuan sëmundjet infektive tek kafshët e imta. Blerina Luke, specialiste në Ministrinë e Bujqësisë, deklaroi se sëmundja e “Gjuhës Blu” është konfirmuar në Maqedoninë e Veriut dhe transmetohet përmes mushkonjave tek ruminantët. Ajo sqaroi se produktet nga këto kafshë janë të sigurta për konsum, ndërsa janë marrë masa për ndalimin e importit dhe tranzitit nga zonat e prekura.
Gjithashtu, Jorgen Dedja nga Sektori i Epidemiologjisë në MBZHR bëri me dije se në Shqipëri janë konfirmuar 10 vatra të sëmundjes “Murtaja e Ruminantëve të Vegjël”, me rastin e parë më 4 qershor në një fermë intensive në Malësinë e Madhe. Sëmundja është vërtetuar përmes analizave laboratorike.
Linku per emsionin pjesa e pare https://www.oranews.tv/vendi/taksat-e-makinave-progni-dpshtrr-ja-e-angazhuar-per-sensibilizimin-qytetar-i1251379
linku per emisionin pjesa e dyt https://www.youtube.com/watch?v=ccS0Je0hjp0
