Një tjetër mostër e analizuar në kuadër të investigimit mbi turshitë e importit ka rezultuar me shkelje serioze të standardeve të sigurisë ushqimore. Bëhet fjalë për tranguj të vegjël në marinatë me mjaltë, të cilët pas testimeve laboratorike kanë rezultuar me dy problematika të veçanta: tejkalim të Nivelit Maksimal të Mbetjeve (MRL) për metaraksil dhe prani të didmipiperat, një substancë e ndaluar për përdorim.
Analizat u kryen në një laborator të akredituar dhe përfshinë testimin për një gamë të gjerë pesticidesh, si dhe për parametra të tjerë të sigurisë ushqimore. Sipas raportit laboratorik, përqendrimi i metaraksilit në këtë mostër tejkalon kufirin e lejuar nga legjislacioni shqiptar dhe ai i Bashkimit Europian, çka e bën produktin jo-konform me standardet në fuqi. Njëkohësisht, u konstatua prania e piperadit, substancë që nuk lejohet në produktet ushqimore.
Prania e një pesticidi mbi normë, e kombinuar me një substancë të ndaluar, përbën risk potencial për konsumatorin, veçanërisht duke pasur parasysh se turshitë janë produkte të konsumit të shpeshtë, si në familje ashtu edhe në sektorin e restoranteve.
Rezultatet laboratorike janë përcjellë zyrtarisht pranë autoriteteve kompetente për verifikim dhe marrje masash sipas procedurave ligjore. Rasti i kësaj mostre shton shqetësimet mbi kontrollin e produkteve të importit dhe efektivitetin e mekanizmave të monitorimit në tregun vendas.
