Ambasadorja e Shteteve të Bashkuara të Amerikës Yuri Kim ka mbërritur sot në Prokurorinë e Posaçme Antikorrupsion. Ajo do të zhvillojë një mbledhje me kreun e SPAK, Arben Krajën dhe me drejtoreshën e BKH, Aida Hajnaj
Po ashtu, ditën e sotme do të prezantohen 28 hetuesit e rinj të BKH-së. Kim do të prezantojë hetuesit e rinj të Byrosë Kombëtare të Hetimit, një njësi e ngritur posaçërisht me mbështetjen e amerikanëve.
Vizita vjen një ditë pas vizitës së zyrtarit të lartë amerikan Philip Reeker.
Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker ishte dje në Tiranë ku zhvilloi takime me Kryeministrin Edi Rama, kreun e PD Lulzim Basha dhe ministrat e Jashtëm dhe të Mbrojtjes.
Sipas njoftimit të ambasadës së SHBA, Reeker në të gjitha takimet ka nënvizuar vendosmërinë e Biden dhe Blinken se lufta kundër korrupsionit është interes thelbësor i sigurisë kombëtare të SHBA.Po ashtu ai vlerësoi marrëdhëniet Shqipëri-SHBA dhe ofroi mbështetjen e fortë për Reformën në Drejtësi. luftën kundër krimit të organizuar pasi progresi në kët çështje promovon demokracinë, mbrojtjen e biznesin në Shqipëri dhe rrugën drejt BE.
