Artur Sulçe, ekspert i sigurimeve dhe vlerësimit të dëmeve, u shpreh në emisionin “Alert” në Ora News se për të siguruar mbulimin e dëmeve duhet të krijohet një bashkëpunim i qartë midis kompanive të sigurimit dhe një fondi publik të vogël që mbulohet nga qytetarët dhe shteti.
Sipas Sulçes, modeli duhet të parashikojë që policat private të punojnë së bashku me fondin shtetëror shteti të kontribuojë një përqindje dhe kompanitë tjetër përqindjen tjetër në mënyrë që të krijohet një mekanizëm i ndarë përgjegjësish, por që lejon edhe kompanitë të ofrojnë mbulim plotësues. Ai theksoi se nëse një ndërtesë shembet, proceset gjyqësore dhe pronësore mund ta vonojnë shumë drejtimin e kompensimeve duke përmendur raste me pronarë që kanë çështje në gjykata deri në Strasburg dhe kjo përkeqëson situatën e banorëve.
Sulçe solli edhe shembuj praktikë për problemet që lindin me përqindjet dhe mbulimet: në disa raste shuma e ofruar (për shembull 50,000 euro) mund të mbulojë 50% të dëmit, ndërsa në raste të tjera vetëm 30% dhe vetëm elementë të caktuar të banesës, si një ballkon ose shkallë. Për këtë arsye ai propozoi që qytetarëve t’u lihet mundësia të blejnë mbulim plotësues pranë kompanive të sigurimit si një policë vullnetare kasko për shtëpinë që të plotësojnë boshllëqet që lë skema publike.
Ai theksoi se ky model do të lejojë që qytetarët të kenë një përgjigje më të shpejtë dhe rindërtim në vendin ku jetonin, pa u detyruar të ndjekin procedura të gjata dhe të largohen për kompensime të vonuara. Si shembull ai përmendi rastin e pallatit që u shemb në datën 5 maj, duke i shtuar rëndësinë nevojës për përgjigje të shpejtë dhe rindërtim lokal.
Sulçe përfundoi duke sugjeruar që politika të lejojë ndërthurjen e mbulimeve publike dhe private, që kompanitë e sigurimit të jenë pjesë e zgjidhjes dhe që qytetarët të kenë mundësinë të zgjedhin shërbime plotësuese për të mbuluar boshllëqet që lë modeli bazë.
