Prishtinë Arton Muhaxheri – Ekspert Ekonomie

Dr. Romina Radoshniqi Pedagoge dhe Eksperte Ekonomie, e ftuar në “Alert” moderuar nga Granit Sokolaj tha se  Shqipëria I ka rreth  100% mbështëtese tregjet europiane ,ndërkohë që duke ju referuar  produketve të importuara  nga europa , këto produkte mbartin kosto shtesë, si ato të transportit dhe fiskale, çka ndikon në çmimin final. Duke marrë parasysh se paga mesatare në Shqipëri është rreth katër herë më e ulët se në vendet europiane, kjo varësi e plotë bëhet problematike për konsumatorët shqiptarë.

Ajo theksoi se zhvlerësimi i euros për importuesit duhet të ishte reflektuar me ulje çmimesh në tregun shqiptar, por kjo nuk ka ndodhur. Sipas saj, përgjegjësia nuk qëndron vetëm te tregtarët, por edhe te institucionet shtetërore, të cilat duhet të ndërhyjnë për të monitoruar dhe parandaluar përfitimet abuzive.

Dr. Radoshniqi nënvizoi se rritja e çmimeve në Shqipëri vjen si pasojë e një sërë faktorësh, duke përfshirë nivelin e TVSH-së, abuzimet e tregtarëve dhe mungesën e reagimit nga institucionet. Në fund të fundit, kjo situatë rëndon drejtpërdrejt mbi buxhetin e çdo qytetari.

Sipas saj, qytetarët duhet të ndryshojnë qasjen dhe të kërkojnë të drejtat e tyre. Nëse institucionet, të cilat financohen nga taksat e qytetarëve, nuk kryejnë detyrën e tyre, atëherë duhet të ketë një reagim. Ajo sugjeroi se një mënyrë presioni mund të jetë bojkoti i produkteve me çmime abuzive, duke treguar se konsumatori ka një rol kyç në tregun e lirë.

Në përfundim, Dr. Radoshniqi tha se biznesi duhet ta shohë konsumatorin si partner, ndërsa qeveria duhet të krijojë një ekuilibër mes interesave të biznesit dhe nevojave të qytetarëve, duke siguruar një treg të ndershëm dhe të qëndrueshëm.