Për dy ditë, u zhvilluan në Tiranë dhe Kaamëz trajnimet me të rintë në kuadër të projektit “Rinia aktiv për politika të qëndrueshme”, mbështetur financiarisht nga Agjencia Kombëtare e Rinisë (AKR).
Në ëorkshop-in e zhvilluar me të rinjtë e Tiranës pjesëmarrësit u njohën me kuadrin ligjor dhe institucional që garanton të drejtat e të rinjve, si dhe me mënyrat konkrete për t’u përfshirë në jetën publike e vendimmarrëse në nivel lokal dhe kombëtar.
Në pjesën e parë u diskutua për strategjitë kombëtare dhe ligjore që mbështesin fuqizimin e rinisë, përfshirë rolin e Këshillit Kombëtar dhe Këshillit Vendor të Rinisë, si struktura që i japin të rinjve zë në politikat publike. U theksua se Ligji për Rininë njeh jo vetëm organizatat rinore, por edhe grupet joformale si nisma që mund të marrin mbështetje financiare dhe teknike nga bashkia apo institucionet përkatëse. Të rinjtë u nxitën të njihen me këto mekanizma dhe të marrin pjesë në mënyrë aktive në konsultime publike dhe iniciativa vendimmarrëse.
Pjesa e dytë e ëorkshop-it u fokusua te aktivizimi qytetar dhe advokimi, duke i ndihmuar të rinjtë të kuptojnë dallimin midis pjesëmarrjes civile, angazhimit politik dhe advokacisë publike. Përmes shembujve praktikë u diskutua sesi një fushatë advokuese ndërtohet në mënyrë të planifikuar,duke filluar nga identifikimi i problemit, mbledhja e informacionit, planifikimi i veprimeve dhe komunikimi me autoritetet publike. U theksua rëndësia e aleancave me organizata të tjera, mediave dhe komunitetit për të rritur ndikimin.
Të rinjtë e Tiranës u angazhuan aktivisht në diskutime mbi çështje që lidhen me mjedisin urban, transportin publik, hapësirat rinore dhe përfaqësimin studentor. Ëorkshop-i ndihmoi pjesëmarrësit të kuptojnë se angazhimi qytetar nuk kufizohet në aktivizëm online, por përfshin edhe pjesëmarrjen e drejtpërdrejtë në proceset që prekin komunitetin.
Ëorkshop-i me të rinjtë e Kamzës u fokusua në temat e aktivizimit qytetar dhe mundësive për angazhim në komunitet. Qëllimi i trajnimit ishte të forcojë njohuritë e të rinjve për pjesëmarrjen në jetën publike dhe për mënyrat praktike se si mund të ndikojnë në përmirësimin e komunitetit lokal.
Fillimisht, pjesëmarrësit u njohën me kuadrin ligjor që garanton të drejtat e tyre për pjesëmarrje, përfaqësim dhe financim të nismave rinore. U prezantua koncepti i grupeve joformale të të rinjve, të cilat, sipas ligjit, mund të përbëhen nga katër të rinj dhe të aplikojnë për mbështetje pranë bashkisë për nisma që lidhen me zhvillimin e komunitetit. U diskutua edhe roli i Këshillit Vendor të Rinisë si urë bashkëpunimi midis të rinjve dhe Bashkisë Kamëz, si dhe rëndësia e përfshirjes në këto struktura këshillimore për të ndikuar në politikat vendore.
Në pjesën e dytë u trajtua koncepti i advokacisë dhe fushatave për ndryshim, ku u theksua se advokimi nuk është vetëm kritikë ndaj institucioneve, por një proces i planifikuar që synon ndikim pozitiv përmes argumenteve dhe bashkëpunimit. U analizuan shembuj konkretë të fushatave të suksesshme që mund të përshtaten në realitetin e Kamzës, si nisma për përmirësimin e hapësirave publike, mbrojtjen e mjedisit apo krijimin e aktiviteteve kulturore rinore.
Të rinjtë e Kamzës morën pjesë aktive në diskutime, duke ndarë përvojat e tyre dhe duke identifikuar problematika lokale që mund të kthehen në fushata advokuese, si mungesa e hapësirave rinore, nevoja për më shumë aktivitete edukative dhe përfshirje në vendimmarrje.
Në përfundim, ëorkshop-i ndihmoi të rinjtë të shohin veten si pjesë aktive të komunitetit, të aftë për të bashkëpunuar me bashkinë, shkollat dhe organizatat lokale. Ata u motivuan të përdorin njohuritë e fituara për të ndërtuar nisma konkrete që reflektojnë nevojat e komunitetit të tyre dhe për të kontribuar në zhvillimin social të qytetit të Kamzës.
Dy ekspertët, Znj.Nirvana Deliu dhe Z.Erjon Tase, gjatë dy trajnimeve, spjeguan për pjesëmarrësit rëndësinë e aktivizmit, legjislacionin shqiptar dhe rrugën që po ndjek vendi drejt integrimit në BE, si dhe raste praktike të mundësisë për angazhimin e të rinjve në shoqërinë civile.
*Këto aktivitete u realizuan nga Qendra ALERT në kuadër të projektit “Rinia aktive për politika të qëndrueshme”, me mbështetjen financiare të Agjencisë Kombëtare të Rinisë (AKR).
