Drejtor

Në emisionin Alert, moderuar nga Granit Sokolaj në Ora News, Drejtorja e Qendrës së Konsumatorit Shqiptar, Ersida Teliti, u shpreh se krijimi i grupeve lokale është një mekanizëm i rëndësishëm për përfshirjen e komunitetit në çështje mjedisore dhe bujqësore.

Sipas Telitit, grupet lokale të veprimit funksionojnë në kuadër të një ligji të miratuar prej vitesh, por që ende ka nevojë për zhvillim dhe zbatim të plotë. Ajo theksoi gjithashtu rëndësinë e këshillave vendorë rinorë, të cilët janë ristrukturuar dhe kanë kaluar në një fazë të re organizimi.

“Komunitetet nuk mund të bashkohen gjithmonë në një strukturë të vetme për një çështje të rëndësishme, por këto struktura formale dhe informale mund të luajnë një rol kyç si në procesin e hartimit të politikave dhe strategjive nga qeverisja qendrore apo vendore, ashtu edhe në nxitjen e institucioneve për të ndërmarrë dhe zbatuar fushata për çështje të caktuara,” u shpreh Teliti.

Ajo theksoi nevojën për më shumë angazhim të komuniteteve dhe institucioneve për të forcuar këto mekanizma pjesëmarrjeje, duke ndihmuar në zgjidhjen e problemeve që prekin qytetarët në nivel lokal.

Në emisionin Alert, moderuar nga Granit Sokolaj në Ora News, Drejtori i Lëvizjes Europiane në Shqipëri, Gledis Gjipali, vuri në dukje rolin e rëndësishëm të shoqërisë civile në proceset institucionale dhe konsultative.

Ai theksoi se, ndonëse disa institucione janë aktive dhe të angazhuara në ndërtimin e një partneriteti me shoqërinë civile, të tjera ndjekin një qasje më formale, duke u mjaftuar me përmbushjen e minimumit të nevojshëm. Megjithatë, krijimi i një platforme konsultimi nga ekzekutivi tregon një vullnet të qartë për të dëgjuar zërin e grupeve të interesit, që përfshijnë jo vetëm organizatat e shoqërisë civile, por edhe bizneset, sindikatat, pushtetin vendor dhe akademinë.

Gjipali nënvizoi se, ndonëse ka tryeza të diskutimit që funksionojnë rregullisht dhe ku analizohen projektligje e strategji të rëndësishme, ka edhe raste ku procesi mbetet formal, pa një mekanizëm të qartë për ndjekjen e rekomandimeve. Ai vuri në dukje skepticizmin e grupeve të interesit ndaj angazhimeve të tilla, pasi shpesh kontributi i tyre nuk reflektohet në vendimmarrje ose nuk marrin asnjë përgjigje për propozimet e tyre.

Situata, sipas tij, ka njohur përmirësime, me institucione më të hapura dhe me krijimin e një platforme konsultimi online për çdo projektligj, e cila garanton që ligjet e propozuara nga ekzekutivi të jenë të hapura për komente për 30 ditë. Këto komente reflektohen më pas në një raport që shkon në Kuvend, ku analizohet kontributi i dhënë nga grupet e interesit.

Në emisionin Alert, moderuar nga Granit Sokolaj në Ora News, u diskutua një ankesë e ardhur në linjën e gjelbër të Qendrës Alert, e cila lidhet me një rast mashtrimi online për një kredi në Francë. Kjo çështje ishte trajtuar edhe më herët në studio, duke ngritur shqetësime mbi rreziqet që konsumatorët hasin në internet.

Drejtoresha e Qendrës Konsumatori Shqiptar, Ersida Teliti, theksoi se qytetarët duhet të jenë tepër të kujdesshëm ndaj mashtrimeve online, të cilat shpesh qarkullojnë si viruse ose skema mashtrimi. Ajo theksoi se shumica e konsumatorëve janë vulnerabël për sa i përket sigurisë në teknologji, pasi nuk kanë njohuri të mjaftueshme mbi elementët mbrojtës.

Teliti paralajmëroi se mashtrimet ndodhin në forma të ndryshme, si mesazhe që mund të përmbajnë viruse për vjedhjen e të dhënave, blerje në faqe të paautorizuara ku produkti nuk dërgohet kurrë, apo edhe kontrata të lidhura online ose përmes telefonit.Ajo vuri theksin te grupmoshat e treta, të cilat shpesh bien pre e këtyre skemave, duke mos kuptuar plotësisht kushtet e kontratave. Në disa raste, ata jo vetëm që lidhen me një shërbim të padëshiruar, por përfundojnë edhe me kontrata kredie të fshehura, përmes të cilave detyrohen të paguajnë produktin që kanë porositur emisioni plote  .https://www.youtube.com/watch?v=4kOSnJNDx_A