Menaxhere Projekti

Këtë të premte, në emisionin “Alert”, të moderuar nga Granit Sokolaj në Ora News, u diskutua mbi sfidat e konsumatorëve dhe rëndësinë e mbrojtjes së të drejtave të tyre në treg.

E ftuar në studio ishte Ersida Teliti, Drejtore e Qendrës “Konsumatori Shqiptar”, e cila theksoi se në Shqipëri është bërë një hap i rëndësishëm drejt informimit dhe ndërgjegjësimit të konsumatorëve, por ky proces duhet të vazhdojë të forcohet.

Sipas saj, përveç konsumatorëve, edhe tregtarët dhe operatorët ekonomikë duhet të jenë të informuar për kushtet dhe standardet e tregtimit, në mënyrë që produktet e tyre të përmbushin kërkesat e tregut.

Teliti theksoi se ndërgjegjësimi i biznesit është thelbësor, pasi vetëm në këtë mënyrë produktet shqiptare mund të jenë konkurruese dhe të kenë mundësi të hyjnë në tregun europian.

Në të kundërt, sipas saj, nëse nuk respektohen standardet dhe rregullat e tregtimit, bizneset do ta kenë të vështirë të përballen me konkurrencën dhe të depërtojnë në tregjet e Bashkimit Europian.

Këtë të premte, në emisionin “Alert”, të moderuar nga Granit Sokolaj në Ora News, u diskutua mbi sfidat e konsumatorëve dhe standardet e sigurisë ushqimore.

E ftuar në studio ishte Elisa Teneqexhi, Menaxhere Projekti për Sigurinë Ushqimore, Veterinarinë dhe Peshkimin në Delegacionin e Bashkimit Evropian në Shqipëri, e cila theksoi se një nga fokusët kryesorë të politikave të Bashkimit Europian është siguria ushqimore.

Sipas saj, Bashkimi Europian ka ndërtuar një nga sistemet më të avancuara në botë për kontrollin dhe garantimin e sigurisë së ushqimit, që mbulon të gjithë zinxhirin ushqimor – nga prodhimi, përpunimi dhe transporti, deri te produkti final që konsumatorët kanë në tryezë.

Teneqexhi theksoi se mbrojtja e konsumatorit nuk lidhet vetëm me të drejtat e qytetarëve, por është edhe një faktor kyç për funksionimin e tregut dhe për garantimin e standardeve të larta të sigurisë ushqimore.

Sipas saj, ky sistem përfshin një bashkëpunim të ngushtë mes institucioneve, operatorëve të biznesit ushqimor dhe autoriteteve ligjzbatuese, për të siguruar që produktet që arrijnë te konsumatori të përmbushin standardet e kërkuara të cilësisë dhe sigurisë.

Këtë të premte, emisioni “Alert”, i moderuar nga Granit Sokolaj në Ora News, solli në fokus temën “15 Marsi dhe sfidat e konsumatorëve”, duke vënë theksin te të drejtat e qytetarëve dhe mbrojtja e tyre në treg.

E ftuar në studio ishte Elisa Teneqexhi, Menaxhere Projekti për Sigurinë Ushqimore, Veterinarinë dhe Peshkimin në Delegacionin e Bashkimit Evropian në Shqipëri, e cila u ndal te dallimet mes mënyrës se si qaset konsumatori europian dhe ai shqiptar ndaj mbrojtjes së të drejtave të tij.

Sipas saj, në Bashkimin Europian është ndërtuar ndër vite një kuadër i zhvilluar ligjor që garanton disa të drejta themelore për konsumatorët, si siguria e produkteve, e drejta për informacion të qartë dhe transparent, liria e zgjedhjes në treg, si dhe e drejta për kompensim në rast ankesash.

Teneqexhi theksoi gjithashtu se një tjetër element i rëndësishëm në politikat e Bashkimit Europian lidhet me zhvillimet e reja në treg, si tregtia online dhe transformimi digjital, për të cilat janë miratuar rregullore dhe direktiva të posaçme për mbrojtjen e konsumatorëve.

Këto rregullore, sipas saj, synojnë të garantojnë që produktet që nuk përmbushin standardet e cilësisë dhe sigurisë të mos qarkullojnë në treg dhe që konsumatorët të kenë mekanizma të qartë për mbrojtjen e të drejtave të tyre.

Këtë të premte, në emisionin “Alert”, të moderuar nga Granit Sokolaj në Ora News, u diskutua mbi sfidat e konsumatorëve dhe mbrojtjen e të drejtave të tyre në treg.

E ftuar në studio ishte Ersida Teliti, Drejtore e Qendrës “Konsumatori Shqiptar”, e cila u ndal te rëndësia e transparencës në funksion të mbrojtjes së konsumatorit.

Sipas saj, koncepti i transparencës ndahet në dy pjesë, ndërsa një nga problematikat kryesore mbetet transparenca në shërbimet publike, e cila sipas Telitit është ende e pamjaftueshme.

Ajo theksoi se rritja e transparencës do ta bënte më të lehtë për tregtarët të përmirësonin politikat e tyre, për qytetarët të kuptonin më mirë të drejtat që kanë, si dhe për institucionet të trajtonin më efektivisht problematikat e konsumatorëve.

Teliti u ndal gjithashtu edhe te procesi i integrimit europian, duke theksuar se Kapitulli 12 lidhet me sigurinë ushqimore dhe shërbimet që kanë të bëjnë me mbrojtjen e konsumatorit, ndërsa kapituj të tjerë si lëvizja e lirë e mallrave dhe shërbimeve, siguria financiare dhe konkurrenca janë të lidhur ngushtë me këtë fushë.Sipas saj, është shënuar një përmirësim i situatës në kuadër të Kapitullit 28, që lidhet me mbrojtjen e konsumatorit dhe shëndetin publik, ndërsa theksoi se kapitujt e negociatave janë të ndërlidhur dhe ndikojnë drejtpërdrejt në forcimin e mbrojtjes së konsumatorit në Shqipëri.

Këtë të premte, emisioni “Alert”, i moderuar nga Granit Sokolaj në Ora News, solli në fokus temën “15 Marsi dhe sfidat e konsumatorëve”, duke vënë theksin te të drejtat e qytetarëve dhe mbrojtja e tyre në treg.

Në një lidhje online, Rudina Lula, Drejtore e Qendrës për Ekselencë “Destiny”, foli për takimin e zhvilluar në Tiranë në kuadër të 15 marsit, Ditës Botërore të Mbrojtjes së Konsumatorit, ku përfaqësues të institucioneve dhe organizatave të shoqërisë civile u mblodhën në një tryezë diskutimi për forcimin e mekanizmave institucionalë në mbrojtje të konsumatorëve.

Lula theksoi se ndërgjegjësimi mbetet një element thelbësor dhe duhet të forcohet më tej për të gjithë aktorët e përfshirë në zinxhirin ushqimor, nga institucionet dhe bizneset deri te vetë konsumatorët.

Sipas saj, vetëm përmes bashkëpunimit dhe informimit të vazhdueshëm mund të garantohet një sistem më i fortë i mbrojtjes së konsumatorit dhe produkte më të sigurta në treg.

Këtë të premte, emisioni “Alert”, i moderuar nga Granit Sokolaj në Ora News, solli në fokus temën “15 Marsi dhe sfidat e konsumatorëve”, duke vënë theksin te të drejtat e qytetarëve dhe mbrojtja e tyre në treg.

E ftuar në studio ishte Ersida Teliti, Drejtore e Qendrës “Konsumatori Shqiptar”, e cila u shpreh se institucionet që lidhen me mbrojtjen e konsumatorit në Shqipëri kanë një vullnet të mirë për t’u përafruar me kuadrin ligjor të Bashkimit Europian, si dhe me rekomandimet që jepen në progres-raportet e BE-së.

Sipas saj, vendi ynë paraqitet në një nivel të mirë krahasuar me rajonin, si për sa i përket legjislacionit, ashtu edhe procesit të përafrimit dhe fuqizimit të mekanizmave për mbrojtjen e konsumatorit.

Megjithatë, Teliti theksoi se nevojitet një qasje më e fortë dhe më vendimtare nga institucionet përgjegjëse për të garantuar zbatimin e ligjit dhe për të rritur mbrojtjen reale të konsumatorëve në treg.