Menu

Drejtore e Përgjithshme

“EU for Youth”/ Bodo: Presim financime ambicioze nga BE në 2026, do kemi 2 mln euro nga buxheti i shtetit për organizatat

Drejtoreshë e Përgjithshme e AKR-së, Sara Bodo, e ftuar në emisionin “ALERT”, tha se po rritet interesi i të rinjve nga diaspora për të kontribuar në Shqipëri.

Ajo bëri të ditur se Këshilli Kombëtar Rinor ka dy përfaqësuese nga diaspora, një nga Kanadaja dhe një nga Anglia.

Sipas saj, të rinjtë jashtë vendit shfaqin dëshirë të madhe për të dhënë kontributin e tyre përmes eksperiencës, studimeve dhe rrjeteve ndërkombëtare që kanë ndërtuar.

Bodo tha se është diskutuar edhe me ministrin për zgjerimin e prioriteteve dhe thirrjeve të ardhshme, duke synuar që Këshilli Kombëtar Rinor të ketë një rol më aktiv në terren, më pranë të rinjve dhe në mbështetje të Këshillave Vendorë Rinorë në çdo bashki.

 

Ajo nënvizoi se Këshilli Kombëtar Rinor do të ketë një rol të zgjeruar, përtej atij të përcaktuar në VKM.

“Ka pasur interes nga Diaspora. Në fakt në Këshillin Kombëtar Rinor kemi dy përfaqësues nga diaspora. Një vajzë nga Kanadaja dhe një vajzë nga Anglia.

Në fakt sot pamë që kishin një dëshirë shumë të madhe për të qenë kontribuues edhe për potencialin që ata kanë jashtë.

 

Me kontaktet, me ato mënyrat që ata kanë jashtë, me çfarë kanë studiuar dhe për të kontribuar në Shqipëri.

 

Sot bëmë dhe një diskutim të gjatë me Ministrin, duke dhënë prioritete, duke dhënë prioritete dhe për thirrje që ne do të hapim. Jo vetëm duke u bazuar në ato rolin standard të Këshillit Kombëtar Rinor, por edhe duke e përdorur këtë Këshill për të ndikuar më shumë në terren. Për të qenë më afër të rinjve dhe për të mbështetur dhe Këshillin vendor Rinor që ne kemi në çdo bashki

 

Kështu që unë e them publikisht, Këshilli Kombëtar Rinor do ketë një rol të zgjeruar përtej VKM-s, që e përcakton rolin e vet.”https://www.youtube.com/watch?v=QAwWZE_i6fE&embeds_referring_euri=https%3A%2F%2Fwww.oranews.tv%2F&source_ve_path=MjM4NTE

Agjencia Kombëtare e Rinisë zgjeron mbështetjen për OJF-të dhe bashkitë, rritet përfshirja e të rinjve

Këtë të premte, në emisionin “Alert” u trajtua tema e rolit të të rinjve dhe përfshirja e tyre në politikat që ndikojnë drejtpërdrejt në cilësinë e jetës, shëndetin dhe sigurinë e konsumatorit. Diskutimi u përqendrua te mekanizmat e mbështetjes institucionale dhe te mënyrat konkrete se si të rinjtë mund të angazhohen më aktivisht në komunitetet ku jetojnë.

Në studio ishte i ftuar Endi Kalemaj, specialist në Sektorin e Projekteve të Brendshme pranë Agjencia Kombëtare e Rinisë (AKR), i cili foli për aktivitetet dhe mbështetjen financiare që institucioni u ka dhënë organizatave rinore dhe bashkive.

Sipas Kalemajt, AKR ka hapur pesë thirrje për aplikim për organizatat rinore dhe bashkitë. Në thirrjen e parë u mbështetën 12 organizata të shoqërisë civile dhe 4 bashki. Në thirrjen e dytë u përfshinë 23 organizata dhe 5 bashki. Thirrja e tretë financoi 23 organizata rinore dhe 6 bashki, ndërsa thirrja e katërt mbështeti 26 OJF dhe 6 bashki. Në thirrjen e pestë janë përfshirë 32 organizata dhe procesi për bashkitë vijon ende.

Ai theksoi se buxheti i institucionit ka qenë gjithmonë në rritje dhe vazhdon të shpërndahet për organizatat e shoqërisë civile dhe bashkitë përkatëse, në funksion të projekteve rinore dhe nismave lokale

Gjatë diskutimit u trajtua edhe çështja e fuqizimit të të rinjve përmes strukturave përfaqësuese. Kalemaj bëri të ditur se aktualisht në Këshillin Kombëtar të Rinisë janë 18 anëtarë aktivë, të përfshirë në mënyrë të vazhdueshme në veprimtari dhe nisma rinore. Ai theksoi se fuqizimi i të rinjve nuk realizohet vetëm përmes OJF-ve, por edhe përmes grupeve joformale, për të arritur aty ku organizatat tradicionale shpesh nuk munden.

Në kuadër të këtyre iniciativave, tre qytete janë përzgjedhur për zhvillimin e workshop-eve: Tirana, Kamza dhe Elbasani. Të rinjtë nga këto qytete mund të kontaktojnë Qendrën Alert për informim dhe përfshirje në aktivitetet e planifikuara.

Nga ana tjetër, drejtoresha e përgjithshme e AKR-së, Sara Bodo, deklaroi në emision se po rritet interesi i të rinjve nga diaspora për të kontribuar në Shqipëri. Ajo bëri të ditur se Këshilli Kombëtar Rinor ka aktualisht dy përfaqësuese nga diaspora, një nga Kanadaja dhe një nga Anglia.

Sipas Bodos, të rinjtë që jetojnë jashtë vendit shfaqin dëshirë të madhe për të dhënë kontributin e tyre përmes eksperiencës profesionale, studimeve dhe rrjeteve ndërkombëtare që kanë ndërtuar. Ajo shtoi se është diskutuar edhe me ministrin për zgjerimin e prioriteteve dhe thirrjeve të ardhshme, me synimin që Këshilli Kombëtar Rinor të ketë një rol më aktiv në terren dhe të mbështesë Këshillat Vendorë Rinorë në çdo bashki.

Në përfundim, u theksua se Këshilli Kombëtar Rinor do të ketë një rol të zgjeruar përtej atij të përcaktuar në VKM, duke u orientuar më shumë drejt angazhimit praktik në komunitet dhe rritjes së pjesëmarrjes së të rinjve në proceset vendimmarrëse që lidhen me interesin publik dhe të konsumatorit.

"Kontribute dhe nga diaspora"/ Bodo: Dy përfaqësues jashtë Shqipërisë për Këshillin Rinor, interesi i të rinjve është shtuar

Drejtoreshë e Përgjithshme e AKR-së, Sara Bodo, e ftuar në emisionin “ALERT”, tha se po rritet interesi i të rinjve nga diaspora për të kontribuar në Shqipëri.

Ajo bëri të ditur se Këshilli Kombëtar Rinor ka dy përfaqësuese nga diaspora, një nga Kanadaja dhe një nga Anglia.

Sipas saj, të rinjtë jashtë vendit shfaqin dëshirë të madhe për të dhënë kontributin e tyre përmes eksperiencës, studimeve dhe rrjeteve ndërkombëtare që kanë ndërtuar.

Bodo tha se është diskutuar edhe me ministrin për zgjerimin e prioriteteve dhe thirrjeve të ardhshme, duke synuar që Këshilli Kombëtar Rinor të ketë një rol më aktiv në terren, më pranë të rinjve dhe në mbështetje të Këshillave Vendorë Rinorë në çdo bashki.

Ajo nënvizoi se Këshilli Kombëtar Rinor do të ketë një rol të zgjeruar, përtej atij të përcaktuar në VKM.

“Ka pasur interes nga Diaspora. Në fakt në Këshillin Kombëtar Rinor kemi dy përfaqësues nga diaspora.

Një vajzë nga Kanadaja dhe një vajzë nga Anglia.

Në fakt sot pamë që kishin një dëshirë shumë të madhe për të qenë kontribuues edhe për potencialin që ata kanë jashtë.

Me kontaktet, me ato mënyrat që ata kanë jashtë, me çfarë kanë studiuar dhe për të kontribuar në Shqipëri.

Sot bëmë dhe një diskutim të gjatë me Ministrin, duke dhënë prioritete, duke dhënë prioritete dhe për thirrje që ne do të hapim. Jo vetëm duke u bazuar në ato rolin standard të Këshillit Kombëtar Rinor, por edhe duke e përdorur këtë Këshill për të ndikuar më shumë në terren. Për të qenë më afër të rinjve dhe për të mbështetur dhe Këshillin vendor Rinor që ne kemi në çdo bashki.

 

Kështu që unë e them publikisht, Këshilli Kombëtar Rinor do ketë një rol të zgjeruar përtej VKM-s, që e përcakton rolin e vet.

 

 

Fuqizimi i të rinjve në Shqipëri/ Kalemaj: 18 anëtarë aktivë në Këshillin Kombëtar të Rinisë

Tre qytete janë përzgjedhur për të zhvilluar workshop-e: Tirana, Kamza dhe Elbasani. Të rinjtë nga këto qytete mund të kontaktojnë qendrën Alert nëse kanë pyetje ose dëshirojnë të përfshihen. Këto iniciativa ofrojnë mundësi të mira bashkëpunimi dhe përfshirjeje për të rinjtë

I ftuar në studion e emisionit Alert ishte Endi Kalemaj, specialist në Sektorin e Projekteve të Brendshme pranë Agjencisë Kombëtare të Rinisë (AKR). Ai foli mbi rëndësinë e fuqizimit të të rinjve dhe angazhimin e tyre në komunitetet ku jetojnë

“Fuqizimi i të rinjve është një mekanizëm i arsyeshëm për t’u dhënë atyre zë, jo vetëm përmes OJF-ve, por edhe përmes grupeve joformale, për të arritur aty ku organizatat tradicionale shpesh nuk arrijnë.

Kemi pasur shumë aplikime nga të rinj që dëshironin të bëheshin pjesë e Këshillit Kombëtar të Rinisë. Aktualisht kemi 18 anëtarë aktivë, mjaft të angazhuar dhe me një përvojë të pasur në aktivitetet rinore,” u shpreh Kalemaj.https://www.youtube.com/watch?v=QAwWZE_i6fE&embeds_referring_euri=https%3A%2F%2Fwww.oranews.tv%2F&source_ve_path=MjM4NTE

AKR rrit mbështetjen për OJF-të dhe bashkitë/ Kalemaj: Buxheti gjithmonë në rritje

I ftuar në studion e Alert, Endi Kalemaj foli mbi aktivitetet e Agjencisë Kombëtare të Rinisë (AKR):

“Agjencia Kombëtare e Rinisë ka lançuar 5 thirrje për organizatat rinore dhe bashkitë.

Në thirrjen e parë u mbështetën 12 organizata të shoqërisë civile dhe 4 bashki. Në thirrjen e dytë, u përfshinë 23 organizata dhe 5 propozime nga bashkitë. Thirrja e tretë financoi 23 organizata rinore dhe 6 bashki, ndërsa thirrja e katërt mbështeti 26 OJF dhe 6 bashki. Në thirrjen e pestë u përfshinë 32 organizata dhe procesi me bashkitë vazhdon ende.Buxheti i institucionit ka qenë gjithmonë në rritje dhe vazhdon të shpërndahet tek OJF-të dhe bashkitë përkatëse,” njoftoi Kalemaj.https://www.youtube.com/watch?v=QAwWZE_i6fE&embeds_referring_euri=https%3A%2F%2Fwww.oranews.tv%2F&source_ve_path=MjM4NTE

Ekspertët në “Alert”: Bujqësia 2025 mes pagesave 100% për fermerët dhe nevojës për kontrata e transparencë në treg

Emisioni “Alert” i kësaj të premteje u fokusua te politikat bujqësore për vitin 2025, pagesat direkte për fermerët dhe rregullimi i tregut bujqësor, me pjesëmarrjen e Ardita Kuçit (AZHBR), Irfan Tarellit (Ministria e Bujqësisë dhe Zhvillimit Rural) dhe Agim Rrapajt (Këshilli i Agrobiznesit Shqiptar).

Në pjesën e parë, Ardita Kuçi bëri të ditur se është miratuar pagesa e plotë 100% për të gjithë fermerët e kualifikuar në skemën kombëtare të pagesave direkte. Sipas saj, nga rreth 69 mijë aplikime të shqyrtuara, janë paguar rreth 65 mijë fermerë me një buxhet prej 2.6 miliardë lekësh, ndërsa me aktin normativ të miratuar do të disbursohet edhe pjesa e mbetur, duke garantuar pagesën e plotë për të gjithë përfituesit që kanë kaluar filtrat e kualifikimit.

Në vijim, Irfan Tarelli foli për një projektligj të ri që synon të vendosë rregulla të qarta në tregun e produkteve bujqësore. Ai theksoi se ligji do të rregullojë marrëdhëniet kontraktuale mes fermerëve dhe blerësve, si dhe do të rrisë transparencën e çmimeve përmes një sistemi informimi në kohë reale, me qëllim funksionimin më të drejtë të tregut dhe mbrojtjen e prodhuesve.

Nga ana tjetër, Agim Rrapaj ngriti shqetësimin se mungesa e kontratave dhe e mekanizmave të arbitrazhit i lë fermerët të pambrojtur përballë tregjeve që, sipas tij, vendosin çmime në mënyrë autoritare. Ai nënvizoi se pa kontrata të detyrueshme dhe pa mundësi gjykimi të tyre, fermerët mbeten në mëshirë të blerësve dhe tregjeve, duke e cilësuar këtë si një problem të vjetër dhe ende të pazgjidhur për sektorin bujqësor

Diskutimi në “Alert” nxori në pah nevojën për ndërhyrje ligjore, transparencë dhe kontrata funksionale, si elementë kyç për stabilizimin e tregut bujqësor dhe garantimin e të ardhurave për fermerët në vitet në vijim.

LIVE/ Alert – Bujqësia 2025 dhe pritshmëritë (19 Dhjetor 2025) https://www.youtube.com/watch?v=IVnqT93AV8E

Rrapaj: Pa kontrata dhe arbitrazh, fermerët mbeten në mëshirë të tregjeve që vendosin çmimet sipas dëshirës

Kryetari i Këshillit të Agrobiznesit Shqiptar, Agim Rrapaj, në emisionin “Alert” në “Ora News” ngriti shqetësime mbi funksionimin e tregjeve dhe mungesën e kontratave në zinxhirin e prodhimit bujqësor, duke e cilësuar situatën si një problem të vjetër për fermerët.

” Autoriteti i Konkurencës e ka bërë punën e vet dhe ka dhënë ato rezultate që ka dhënë. Ky nuk është një problem i sotëm, por është një problem që ka vazhduar prej kohësh dhe vitesh.

Në kohën që kishte Tirana vetëm një treg, edhe mund të flisnim dhe të thonim që ishte një treg monopol dhe vendosin këto çmime. Tashmë është dhe një treg tjetër. 

Këto tregje janë tregje autoritare që vendosin çmime sipas dëshirës së tyre, dhe jo sipas kërkesës dhe ofertës. Kjo e bën më të vështirë problemin për ta gjykuar. Ka një moment që duhet theksuar dhe rregulluar. Që do të ndodhi dhe në të ardhmen kështu, kjo nuk përjashtohet. Por, në qoftë se ne nuk do të bindim prodhuesin, grumbulluesin, transportuesin dhe këtë shitësin përfundimtar që të punojë me kontratë ne nuk kemi për t’ia dal mbanë.

 

E vetmja zgjidhje është kjo që ne të kemi mundësi të gjykojmë kontratën. Kontrata kërkon dhe arbitrazhin. Ne nuk e kemi, por kjo është domosdoshmëri. Këta çojnë mallin atje dhe ai thotë kaq e marr,po deshe merre po deshe jo.

Ky është problem i madh i një grupi të madh të fermerëve”, u shpreh Rrapaj.https://www.youtube.com/watch?v=IVnqT93AV8E

PROJEKTLIGJ I RI/ Tarelli: Ministria e Bujqësisë do të vendos rregulla të qarta mes fermerëve dhe blerësve

I ftuar në emisionin “Alert” në “Ora News”, Irfan Tarelli, Këshilltar i Ministrisë së Bujqësisë dhe Zhvillimit Rural, foli për projektligjin e ri që synon rregullimin e marrëdhënieve kontraktuale në tregun bujqësor dhe rritjen e transparencës së çmimeve përmes një sistemi informimi në kohë reale.

” Ky është një problem që , ka qenë dhe është në mendjhen e Ministrisë së Bujqësisë dhe për informacion të shikuesit të “Ora News”, tashmë ka përfunduar përgatitja e një projektligji që ka të bëj me tregun e produkteve bujqësore.

Një nga çështjet që adreson projektligji ka të bëj me kontratat, pra marrëdhëniet kontraktuale midis prodhuesit, fermerëve dhe blerësit, rregullimin e tyre, megjithë modalitetet e nevojshme.

Aspekti i dytë që rregullon është transparenca e çmimeve. Pra, për gjithë produktet që dalin në treg do të ngrihet një sistem i grumbullimit të informacionit përpunimit dhe komunikimit në kohë reale, e cila ndihmon që rregullat e lojës në treg të zbatohen dhe rrit transparencën e tregut”, u shpreh Tarelli.https://www.youtube.com/watch?v=IVnqT93AV8E

Pagesat direkte për fermerët/ Kuçi: Miratohet pagesa e plotë 100% për të gjithë të kualifikuarit

E ftuar në emisionin “Alert” në “Ora News”, Ardita Kuçi, drejtoresha e përgjithshme e AZHBR-së, dha detaje mbi ecurinë e skemës kombëtare të pagesave direkte, duke theksuar se, me aktin normativ të miratuar, të gjithë fermerët e kualifikuar do të përfitojnë pagesën e plotë 100%.

” Skema kombëtare e pagesave direkte, pra kemi dy skema të cilat janë pagesat direkte për fermerët dhe skemën e investimeve.

Skema e pagesave direkte është hapur në 24 prill të këtij viti dhe është mbyllur më 30 maj.

Deri më sot, nga kontrolli administrativ i 69 mijë e 917 aplikimeve që kemi marrë nga skema direkte janë paguar rreth 65 mijë fermerë me një buxhet total prej 2.6 miliard lekësh, nga buxheti i përgjithshëm 2.99 që ka qenë buxheti fillestar i vendosur në dispozicion nga Ministria e Financave në fillim të vitit dhe në çelje të thirrjes.

Ajo që dhe kryeministi konfirmoi në takimin e Elbasanit të ditës së hënë, por gjithashtu edhe e vendosur sot me Këshillin e Ministrave është akti normativ i cili na jep gjithë diferencën e mbetur të 50% për të paguar në 100% të gjithë fermerët e kualifikuar. Do të thotë që të gjithë fermerët që janë kualifikuar dhe kanë marrë këstin e parë prej 50% të pagesës së tyre të skemës direkte do të paguhen 100% me vlerën e plotë të aplikuar”, u shpreh Kuçi.https://www.youtube.com/watch?v=IVnqT93AV8E

Kuçi: Skema e 2025 garanton mbështetje edhe për fermerët pa certifikatë pronësie, mjafton të vërtetohet përdorimi i tokës

Në pjesën e parë të emisionit “Alert”, moderuar nga Granit Sokolaj, u diskutua për subvencionet në bujqësi dhe masat mbështetëse për vitin 2025. E ftuar ishte Ardita Kuçi, Drejtore e Përgjithshme e AZHBR-së, e cila sqaroi se edhe fermerët që nuk kanë certifikatë të pronësisë së tokës mund të aplikojnë dhe të përfitojnë nga skema e mbështetjes, për sa kohë që vërtetojnë se e punojnë tokën dhe kanë të drejtën e përdorimit të saj.

 

Fermerët duhet të paraqesin dokumentacionin përkatës dhe aktin e marrjes së tokës në përdorim, së bashku me një plan vendosjeje dhe një skicë të verifikuar nga DAMT ose njësia administrative përkatëse. Në rastet kur toka është marrë me qira nga një subjekt tjetër, duhet të ekzistojë një marrëveshje mes palëve, e cila të mbulojë edhe vitin 2025 dhe të jetë e nënshkruar për të paktën një vit, përfshirë vitin e aplikimit.

 

Në rastin e tokës në pronësi të familjes bujqësore, marrëveshja duhet të jetë e nënshkruar nga më shumë se gjysma e anëtarëve të familjes. Kuçi theksoi se skema është konceptuar në mënyrë që asnjë fermer të mos penalizohet apo të mbetet pa përfituar për shkak të mungesës së dokumentacionit formal të pronësisë.