Menu

Të ftuar: Kapllan Sulaj

“Alert” publikon 12 analiza laboratorike: 10 me mbetje pesticidesh, përfshirë substanca të ndaluara

Emisioni “Alert”, i moderuar nga Granit Sokolaj, është i dedikuar mbrojtjes së konsumatorit dhe trajton çdo problematikë që prek sigurinë ushqimore dhe të drejtat e qytetarëve. Për çdo abuzim apo shkelje që hasni në treg, mund të telefononi falas në Linjën e Gjelbër 0800 26 26 dhe rasti juaj do të ndiqet.

Këtë të premte, Qendra Alert prezantoi ekskluzivisht 12 analiza laboratorike të realizuara posaçërisht për emisionin, me fokus turshitë dhe produktet e përpunuara të konsumit të përditshëm.

Analiza nr. 1 – Sottoli Carciofini rezultoi konform, me pesticide nën MRL dhe pa prani të metaleve të rënda.
Analiza nr. 2 – Poli (05.2026) gjithashtu konform, me parametra brenda normave.

Nga Analiza nr. 3 dhe 4 – PEMA, u konstatuan tejkalime të kufijve për pesticide dhe prani e dimepiperatit të ndaluar, ndërsa parametrat e tjerë si pH dhe metalet e rënda rezultuan brenda normës.


Analiza nr. 5 – PEMA sallatë miks marinat evidentoi klorpirifos të ndaluar prej vitesh në BE, si dhe tejkalim për pesticide të tjera, duke kërkuar masa të menjëhershme.

Analiza nr. 6 – MILSA feferoni 200 gr tregoi prani të dimepiperatit, por pa rritje të metaleve të rënda.
Analiza nr. 7 – SACLA kastravec turshi identifikoi pesticide të ndaluara, ndërsa metalet mbetën brenda kufijve të lejuar.

Analiza nr. 8 – WÜZIG kornison 700 gr zbuloi disa pesticide të dedektuara, përfshirë një substancë të ndaluar.


Analiza nr. 9 – TAMEK salatalik turshi evidentoi dimepiperat të paaprovuar dhe prani të difenokonazolit dhe azoksistrobinës.

Analiza nr. 10 – I Troppo Buoni 680 gr rezultoi me dimepiperat dhe azoksistrobin të ndaluar.
Analiza nr. 11 dhe 12 – Kastravec turshi dhe YONCA pickled gherkins konfirmuan sërish prani të dimepiperatit të ndaluar, ndërsa në rastin e YONCA u evidentua edhe kornazol mbi normë.

Në të gjitha analizat, metalet e rënda nuk rezultuan mbi normë dhe parametrat si pH apo kripshmëria, në shumicën e rasteve, ishin brenda kufijve të lejuar. Megjithatë, prania e përsëritur e pesticideve – veçanërisht e substancave të ndaluara – përbën një sinjal serioz për cilësinë e monitorimit në treg.

Në përmbledhje, nga 12 mostra të analizuara, vetëm 2 rezultuan plotësisht konform, ndërsa 10 paraqitën mbetje pesticidesh, disa prej tyre të ndaluara ose mbi normë. Panorama e përgjithshme tregon se nuk kemi të bëjmë me një rast të izoluar, por me një problematikë të përhapur në produkte të zakonshme të konsumit. Mesazhi përfundimtar i emisionit ishte i qartë: siguria ushqimore kërkon monitorim më të gjerë, kontrolle të orientuara nga risku, transparencë institucionale dhe reagim të menjëhershëm sa herë evidentohen substanca të ndaluara, për të garantuar mbrojtjen e shëndetit të konsumatorit.

 

 

 

 

Pilku: Laboratorët në kufi janë të domosdoshëm për të mbrojtur konsumatorin

I ftuar në emisionin “Alert” në “Ora News”, drejtori ekzekutiv i IPQ-së, Ilir Pilku, theksoi domosdoshmërinë e laboratorëve në pikat kufitare për të garantuar sigurinë e produkteve ushqimore të importuara.

” Unë do të jap notat më pozitive. E vlerësoj këtë lloj nisme. Duhet të ishte bërë shumë kohë më parë për të pasur një produkt sa më të sigurtë për konsumatorin.

Kjo do përmirësoj më shumë bazën ushqimore të blegtorisë, pra do të kemi një qumësht më të shëndetshëm. 

 

Ajo që unë do të thoja, të vetmin shqetësim që mund të kisha ishte pse këto ngarkesa pse nuk kthehen mbrapsht, sepse për ne është një kosto shumë e madhe për arsye të groposjes së atij produkti, pra të misrit duke i dhënë dhe konsumatorit një siguri, që këto ngarkesa se janë shumë, janë asgjesuar.

Në Elbasan janë identifikuar 2-3 ngarkesa në  magazinë që kishin hyrë më para.

Ajo që duhet të bëjmë, atë që bëjnë dhe të tjerët me neve është që në kufi identifikohet, prandaj është dhe ajo që ne duhet të kemi patjetër laburator në pikat tona kufitare, ku fluksi tregtar është i lartë dhe aty ku analizat e riskut janë më të larta”, u shpreh Pilku.