Menu

UBT Drita Deçolli

Standardet e sigurisë ushqimore dhe transparenca e etiketimit në fokus të debatit nga ekspertët në “Alert”

Emisioni “ALERT” i kësaj të premteje u fokusua te siguria ushqimore, etiketimi i produkteve dhe cilësia e qumështit e nënprodukteve të tij. Të ftuarit në studio theksuan se ligji kërkon deklarimin e plotë të përbërësve në etiketë, por sipas ekspertëve ka ende paqartësi dhe probleme praktike në zbatim, veçanërisht kur bëhet fjalë për përbërës të grupuar ose të paidentifikuar qartë.

Dekan i Fakultetit të Bioteknologjisë Ushqimore, Kapllan Sulaj, vuri në dukje se deklarimi i përbërësve “të tjerë” në masën 2–3% pa specifikim është non sens dhe përbën problem serioz për transparencën dhe sigurinë e konsumatorit

Ndërkohë, Ilir Pilku, Drejtor Ekzekutiv i IPQ-së, nënvizoi domosdoshmërinë e ngritjes së laboratorëve në pikat kufitare, për të kontrolluar produktet ushqimore të importuara dhe për të garantuar mbrojtjen e konsumatorëve.

Nga ana tjetër, inxhinierja dhe teknologia ushqimore Drita Deçolli sqaroi se kosi tradicional nuk ka nevojë për qumësht pluhur, duke theksuar dallimet mes prodhimit artizanal dhe atij industrial, si dhe rëndësinë e ruajtjes së cilësisë autentike të produkteve tradicionale.

Debati nxori në pah nevojën për kontrolle më të forta, transparencë në etiketim dhe politika më të qarta, në funksion të sigurisë ushqimore dhe mbrojtjes së konsumatorit.

Deçolli: Kosi tradicional nuk ka nevojë për qumësht pluhur

Inxhiniere e lartë, Teknologe, Drita Deçolli e ftuar në emisionin ‘’Alert’’ në Ora News u shpreh se kosi tradicional nuk ka nevojë për qumësht pluhur.

Deçolli: Kosi tradicional nuk ka nevojë për qumësht pluhur sepse është një kos që i del sipërfaqja e yndyrës lart.

Ka hirrën që del kur ne e marrim me lugë.

Është një kos i shijshëm.

Në prodhimin industrial nuk bëhet.

Osë bëhet shumë rrallë.

Pavarësisht se klienti e kërkon.

Pilku: Laboratorët në kufi janë të domosdoshëm për të mbrojtur konsumatorin

I ftuar në emisionin “Alert” në “Ora News”, drejtori ekzekutiv i IPQ-së, Ilir Pilku, theksoi domosdoshmërinë e laboratorëve në pikat kufitare për të garantuar sigurinë e produkteve ushqimore të importuara.

” Unë do të jap notat më pozitive. E vlerësoj këtë lloj nisme. Duhet të ishte bërë shumë kohë më parë për të pasur një produkt sa më të sigurtë për konsumatorin.

Kjo do përmirësoj më shumë bazën ushqimore të blegtorisë, pra do të kemi një qumësht më të shëndetshëm. 

 

Ajo që unë do të thoja, të vetmin shqetësim që mund të kisha ishte pse këto ngarkesa pse nuk kthehen mbrapsht, sepse për ne është një kosto shumë e madhe për arsye të groposjes së atij produkti, pra të misrit duke i dhënë dhe konsumatorit një siguri, që këto ngarkesa se janë shumë, janë asgjesuar.

Në Elbasan janë identifikuar 2-3 ngarkesa në  magazinë që kishin hyrë më para.

Ajo që duhet të bëjmë, atë që bëjnë dhe të tjerët me neve është që në kufi identifikohet, prandaj është dhe ajo që ne duhet të kemi patjetër laburator në pikat tona kufitare, ku fluksi tregtar është i lartë dhe aty ku analizat e riskut janë më të larta”, u shpreh Pilku.

Sulaj: Po t'i referohemi ligjit, në etiketë duhen deklaruar të gjithë ingredientët

Dekan i Fakultetit të Bioteknologjisë Ushqimore, UBT, Kapllan Sulaj i ftuar në emisionin ‘’Alert’’ në Ora News u shpreh se po ti referohemi ligjit, në etiketë duhen deklaruar të gjithë ingredientët.

Sulaj: Në fakt po ti referohemi ligjit, në etiketë duhet deklaruar gjithë ingredientët.

Ligji në një pjesë të vetën ashtu siç shkruhet është non sens.

Sepse 2-3% janë elementë të dedektueshëm të përbërjes kimike të një produkti.

Kështu që ai nuk mund të shkruhet 2-3% elementë të tjerë të pa njohur.

Ose përbërës të tjerë të grupuar pa u specifikuar.

Në këtë aspekt është non sens.

Nuk janë pak 2-3 % e përbërjes.

Kështu që edhe kjo pjesë e deklarimit në etiketë ka një problem në aspektin e sigurisë.