Menu

Turizëm

Qeveria i nxjerr ujërat e zeza nga kanalizimet në sipërfaqe me autobot. Akti Normativ që detyron hotelet të instalojnë impiante individuale

Nga Fotjana Xhani*

“Ky subjekt nuk i trajton ujërat”- ky është shënimi që inspektoret e mjedisit kanë filluar të vendosin në struktura akomoduese mikpritëse të turizmit. Ky shënim filloi pikërisht me çeljen e sezonit turistik dhe erdhi si pasojë e një vendimi qeverie që detyron subjektet të blejnë dhe të instalojnë impiante të përpunimit të ujërave. Impiante të cilat do të grumbullojnë derdhjet e hoteleve dhe më pas do të transferohet në kolektorët apo impiantet e ndërtuara deri më tani.

Kjo situatë e filluar në të njëtën kohë me fillimin e sezonit turistik, ku numrat priten të jenë edhe më të larta se një vit më parë, jo vetëm që është e pashëndëtshme për strukturat që pajisen me këtë shënim, por në tërësi vë në rrezik gjtihë sezonin dhe shëndetin e turistëve dhe lokalëve (vendalinjve).

Ky konkluzion ka ardhur nga shoqatat e turizmit, Shoqata Shqiptare e Turizmit dhe Unioni Turistik Shqiptar,  të cilët në prill të këtij viti, 2024, i kanë dërguar letër kryeministrit, Edi Rama, zëvendëskryeminsitres Belinda Balluku dhe ministers se Mjedisit dhe Turizmit, Mirela Kumbaro, se VKM për detyrimin të rishikohet. Kjo sipas të dy shoqatave të Turizmit, emergjenca mjedisore, sipas raporteve të derdhjeve të ujërave, nuk është nga strukturat hoteliere, por nga mungesa e investiemve të impinateve të pastrimit të ujërave të zeza të qyteteve.

Sipas tyre, Akti Normativ nr 8 dt.28.12.2023 miratuar nga Këshilli i Ministrave, përsa I përket problemit të impianteve individuale si detyrim ligjor për të gjitha strukturat akomoaduese përfshirë edhe ato që nuk shkaktojnë ndotje të ujërave larës (dete/lumenj/liqene).

Por çfarë po ndodh konkretisht, instalimi I këtyre imoianteve, detyron që strukturat akomoduese, duhet që të mbledhin ujerat dhe ti cojnë me makina tek impiantet e bashkive, ku në shumicën e rasteve nuk janë të ndërtuara. Kjo mënyrë e instalimit të impianteve nxjerr nga funksioni systemin e kanalizimeve ku në kushte normale, nga sistemi I kanalizimeve, ujërat e zeza do të qarkullojnë me makina nëpër qytete.

Duke analizuar kushtet dhe bazën ligjore mbi të cilat është mbështetur procedura e ndjekur për rastet e jashtëzakonshme, duke marrë bazë referimi se çështja prioritare ka dalë nga problematikat më cilësinë e ujërave larës, problematikë kjo që trajtohet në formë shteruese nga VKM 797, duke u bazuar nga raportet e hollësishme të situatës dhe të përcaktuara nga Agjencia Kombëtare e Mjedisit dhe nga Instituti i Shëndetit Publik.

Bazuar në raportin e ujërave larës të AKM të vitit 2023, kanë ëprfurmuar “dobët” vetëm 8 zona ujore, kryesisht afër portit të Durrësit, Vlorës, Sarandës apo Pogradecit, të cilat në çdo raport për periudhën 2013-2022 kanë qenë dobët dhe nuk krijojnë kushtet e emergjencës mjedisore.

Sipas raportit të ujërave larës nga Agjensia Europiane e Mjedisit, Shqipëria rezulton me 93.3% e tyre sipas standardeve në dy vitet e fundit dhe vetëm 6.7% ose 8 zona ujëra larës “Dobët”, me një përmirësim të dukshëm nëqoftëse e krahasojmë me 2025, i cili kishte 31 zona që performonin “dobët”.

Në letrën e dorëzuar, shprehimisht thuhet se: Burimet dhe shkaqet e ndotjes të evidentuara edhe në raportet e AKM, si shkaktarët më të mëdhenj të ndotjes janë shkarkimet nga lumenjtë, kanalet që siaps legjislacionit nuk duhet të derdhen në ujërat larës. Pra, thonë ata nuk janë hotelet që kanë lidhur kontratë me ndërmarrjet e ujësjellës-kanalizimeve dhe shkarkojnë në kanalizimet përkatëse.

A janë impiantet zgjidhje?!

Detyrimi i strukturave hoteliere për të nxjerrë ujërat e zeza në sipërfaqe me pretendimin e instalimit të impianteve që kushtojnë nga 15 000 -70 000 mijë euro, do të sjellë që në rrugët e qyteteve turistike bregdetare të shohim makina të mëdha që qarkullojnë nëpër rrugë për të derdhur ujërat që më parë kalonin nëpërmjet sistemit të kanalizimeve.

Kjo sjell që strukturat hoteliere të lidhura sipas ligjit  të në kanalizimet përkatëse nuk janë përgjegjëse në qoftëse kanalet e këtyre zonave urbane sëbashku me stacionet e pompimit derdhin direkt në det dhe jo në zonën e përcaktuar si ujëra pritës.

Drejtues të strukturave akomoduese, edhe pse me kërkesën për të qenë të paindentifikuar, shprhen se kjo është një skemë e re korrupsioni me ligj, për të mbështetur ato pak kompani që shesin impiante, vetëm 4, të cialt edhe vendosin çmimet në treg.

Ky detyrim i ri ligjor, vë në rrezik jo vetëm konsumatorët e turizmit, pra turistët, por sjell një ndotje shumë më të madhe të ujit, ajrit dhe cilësinë në qytete.

Turistët, kryesisht në Shëngjin ku edhe ekziston impianti i përpunimit të ujërave, nxjerrja e ujërave të zeza nga sistemi i kanalizimit në sipërfaqe me autobote, të mbledhura nga impiantet e instaluara privatisht, shprehen se kjo situatë do të sjellë vetëm largimin e turistëve dhe falimentimin, por kryesorja një shëndet publik të cënuar.

Shqipëri turistike me shëndet publik të kërcënuar

Ndotja e mjedisit në këto forma, ku propozimet jo vetëm që nuk mbështesin marketimin e Shqiëprisë si një nga perlat e e pazbuluara, por e ndotin atë në forma dhe mënyra nga më të shëmtuarat, ku pavarësisht rritjes së fluturimeve, apo investimeve private të sipërmarrësve, mundësia për të qenë një turist i mbrojtur dhe i kënaqur do të jetë një nga sfidat.

*Autorja është studente në Fakultetin e Gazetarisë, masteri Komunikim Publik

Media britanike "The Telegraph" shkruan për bukuritë natyrore në Shqipëri

“Karaibet e Evropës i gjeni në Shqipëri,”- shkruan Mark Stratton për median britanike “The Telegraph”.

Me ujërat e tij blu, rërën e bardhë dhe palmat, qyteti bregdetar shqiptar i Ksamilit ofron një version ekonomik të plazheve tropikale. Pashë një postim në Instagram pak kohë më parë që përshkruante qytetin bregdetar shqiptar të Ksamilit si Karaibet e Evropës. Kishte më shumë se një ngjashmëri kalimtare, me palmat, plazhin verbues, detin e kaltër dhe çadrat e diellit me kashtë. Me shqetësimin aktual mbi emigracionin shqiptar që po zien, fillova të imagjinoja një rrëfim alternativ të britanikëve “të uritur” për diell, që dynden në drejtim të kundërt për të kërkuar pak rreze dielli karaibike. Kështu që vendosa të bëj një vizitë, për ta parë tamam se si bëhej ky krahasim. Ksamili është sigurisht më i shpejtë dhe më i lirë për të shkuar se sa ishujt Barbados. Fluturova për në Korfuz, ishulli më i afërt grek me Rivierën Shqiptare, që shtrihet përreth 160 kilometra përgjatë bregut lindor të detit Jon. Nga qyteti i Korfuzit është një kalim me traget për 40 minuta drejt Sarandës.

Atje ka shumë siguri dhe qetësi”, më tha taksisti që më çoi në portin e Korfuzit.

Në Sarandë, guida Gëzim Shimi qeshi kur i thashë komentin e taksistit grek.

“I gjithë publiciteti është i mirë. Gjatë viteve të fundit, unë kam udhëhequr shumë britanikë kureshtarë për të parë se si është Shqipëria në të vërtetë”, më tha Gëzimi.

Udhëtuam 30 minuta në jug të Sarandës për në Ksamil, i cili ndodhet pak mbi kufirin e Greqisë Veriore. Ksamili nuk ekzistonte derisa regjimi komunist i Enver Hoxhës e vendosi atë në vitet 1960 si bazë për prodhimin e vajit të ullirit. “Është vetëm disa milje nga Korfuzi, kështu që vetëm ata me prejardhje të besueshme politike lejoheshin të jetonin këtu gjatë komunizmit”, tha Gëzimi.

“Shqiptarët rrezikonin jetën duke marrë varka të vogla apo edhe duke notuar drejt Korfuzit, për t’i ikur marrëzisë staliniste të Hoxhës”, shton ai.

Ksamili është një qytet i vogël, i mbrojtur nga tre ishuj të gjelbër në det. Plazhi është i mbushur me hotele, restorante dhe bare dhe është i ndarë për përdorim privat, megjithëse shumica ishin të mbyllura kur mbërrita para sezonit. Vetëm një numër i vogël njerëzish ishin të zhytur në shtretër, nën çadra me kashtë.

“Ju mund të shihni se deti dhe rëra e bardhë janë pothuajse si të Karaibeve”, thotë ajo.

”Britanikët, gjermanët dhe italianët zënë tre vendet e para. Njerëzit vijnë për 310 ditë me diell çdo vit dhe çmime vërtet janë të mira”, shtoi ajo.

Sedimentet nga malet e mermerta përreth krijojnë një fund deti me rërë të bardhë që jep një ngjyrë të mrekullueshme qumështi. Dhe dhoma ime dyshe, me pamjen e saj të mrekullueshme të ballkonit drejt Korfuzit, kushton vetëm 80 paund për natë. Përgjatë gjithë kohës, Riviera Shqiptare ka pasur vlera të jashtëzakonshme, veçanërisht kuzhina e ndikuar nga italianët, e pasur me ushqime deti. Në hotel, një vakt me tre pjata me sallatë greke, linguini me midhje dhe levrek të pjekur në skarë kushton vetëm 2250 lekë (17 paund). Megjithatë, nuk kishte asgjë nga Karaibet kur një shi i lehtë filloi të nesërmen në mëngjes. Për fat të mirë, një peizazh historik, aq i mirë sa kudo në Evropë, është pranë Ksamilit, me qytetërimet greke, romake dhe osmane që kanë lënë gjurmët e tyre.

Butrinti është një nga tre vendet e Trashëgimisë Botërore të UNESCO-s të Shqipërisë dhe një vlerë arkeologjike. Virgjili e përmendi atë në “Eneidën” si datimin para rënies së Trojës, por lavdia e vërtetë filloi rreth shekullit III para Krishtit me romakët që u futën brenda dhe lanë struktura karakteristike sublime, përfshirë një teatër 3 000 vendesh me mbishkrime latine. Një orë ecje me makinë na çoi në malet për në Gjirokastër, shtëpitë trekatëshe osmane prej guri dhe kalaja e përmasave të Kështjellës Windsor pothuajse nuk kanë ndryshuar që nga shekulli XVIII. Ajo u njoh nga UNESCO në vitin 2005. Kuzhina është e ndikuar nga osmanët. Për drekë, hëngra imam bajalldi, një pjatë e quajtur sipas emrit të një kleriku mysliman, i cili konsumoi shumë patëllxhanë të mbushur dhe i ra të fikët.

Diku tjetër, plazhi i Porto Palermos mbikëqyret nga një kështjellë me mure të trasha e ndërtuar nga Ali Pashë Tepelena si një mburojë kundër britanikëve në Korfuz. Porto Palermo ka gjithashtu një bazë të braktisur nëndetësesh me një tunel të gjatë. Gëzimi tha se u deshën 30 vjet për ta ndërtuar, kryesisht sepse Hoxha u konfliktua me BRSS-në dhe Kinën, të cilët po financonin ndërtimin e saj. Si kompensim, ai refuzoi të kthente katër nëndetëse sovjetike, shkruan ATSh. Natën e fundit e kalova pranë Vlorës, ku deti Jon takohet me Adriatikun dhe hoteli ”Paradise Beach” ka dhoma dyshe të mëdha me pamje nga deti për 75 paund. Ajri i mbrëmjes ishte i ngrohtë, deti në ngjyrë blu dhe stafi më trajtoi si një mik të humbur prej kohësh. (The Telegraph)

Qendra Alert/Alert.al

Foto/Video - Nis Spring Festival! Në sheshin "Skënderbej" jehojnë shtëpizat dhe skena e muzikës

Spring Festival është një eksperiencë e re e festivali outdoor që mund të përjetoni në zemër të Tiranës. Nga data 5 maj deri më 15 maj në sheshin Skënderbej, në këtë festival mund ta gjejë veten çdokush. Sepse shumëçka do të ndodhë në 11 ditë. Nisi mbrëmjen e parë me muzikën fantastike e zërin unik të Dren Abazit, por do të vijojë me performanca muzikore LIVE nga artistët dhe grupet më në zë, për të kënduar e kërcyer bashkë me mijëra vizitorë që pritet të vizitojnë festivalin. Nuk do të mungojnë shfaqjet teatrale dhe muzikal për fëmijë e të rritur. Dhe po ju zbulojmë se mbrëmjen e dytë skenën e pushton trupa teatrale e Shkupit.

“Skena e madhe ka performanca LIVE të bandave dhe këngëtarëve më të mirë të muzikës LIVE që ne kemi, si edhe dy shfaqje teateale muzikale respektivisht nga Teatri Kombëtar i Kosovës me një trupë të jashtëzakonshme që do të performojë në skenën e madhe si edhe Teatri Kombëtar për Fëmijë dhe të Rinj i Maqedonisë së Veriut”, tregon Uarda Koçi, që është angazhuar të sjellë art dhe kulturë në skenën e vendosur në Sheshin Skënderbej.

Eksperienca kulinarie në shesh mund të kemi shijuar por për herë të parë, organizatorët zbuluan se metropoli do të ofrojë mundësi për të blerë e shitur edhe në një zonë të dedikuar. E kanë quajtur “Garage Sale”, vendin ku çdokush mund të sjellë sendet e objektet të cilat nuk i përdor më dhe t’i rijetësojë duke ia shitur dikujt që ka nevojë për to, ose të blejë gjithçka dëshiron në këtë bazzar në sheshin kryesor të kryeqytetit.

“Në festival do të keni mundësi për të blerë e shitur vepra artistike apo punime handmade nga zonjat duararta”, tregon Uarda Koçi, koordinatorja e këtij eventi që merr jetë me nisjen e pranverës.

Fëmijët janë kryefjala e çdo dite në hapësirën dedikuar tyre.

Sepse pranvera ka ardhur për të gjithë! Spring Festival ka nisur të jehojë! E dëgjoni edhe ju?

Fotot nga Henri Koçi

 

Alert.al

"Fatura" e luftës në turizmin shqiptar

Konflikti Rusi-Ukrainë me Moskën zyrtare që ka nisur prej mëse një jave një sulm të drejtpërdrejtë ushtarak ndaj vendit fqinj do të ketë patjetër impakt në ekonominë globale, dhe atë shqiptare për rrjedhojë në terma afat-mesëm dhe afat-gjatë. “Fatura” e një konflikti që sapo ka filluar është e pamundur të përllogaritet, sidomos duke pasur parasysh pasojat indirekte, siç pritet të jetë edhe rritja e çmimeve të konsumit. Sa i përket pasojave të drejtpërdrejta ndërkohë, turizmi është ndër ata sektorë që mund të vlerësohen paraprakisht humbjet. “Scan Intelligence Unit” ka kërkuar një informacion shtesë nga Instituti i Statistikave në lidhje me hyrjet e shtetasve nga vendet e përfshira në konflikt: Rusia, Ukraina por edhe Bjellorusia. Në Shqipëri gjatë vitit 2021 kanë hyrë plot 110 mijë shtetas ukrainas, rreth 36 mijë shtetas nga Rusia dhe rreth 2500 shtetas bjellorusë.

Sa i përket shtetasve nga Ukraina, viti 2021 ka regjistruar një rritje mjaft të ndjeshme të turistëve në vendin tonë, nga rreth 20 mijë në vitin 2020, apo 41 mijë në vitin 2019, në 110,205 në 2021-shin. Edhe turistët rus kanë regjistruar një rritje, pavarësisht se të lehtë krahasuar me vitin para pandemisë, nga 34,146 në 2019-ën, në 36,475 në 2021-shin. Bjellorusët ndërkohë regjistrojnë një tendencë krejt të kundërt, në rënie të ndjeshme krahasuar edhe me vitin e pandemisë.

Në total, në të gjithë vendin, gjatë vitit të kaluar kanë hyrë 5.68 milionë turistë të huaj, dhe 149,225 turistët nga këto tre shtete përfaqsëojnë 2.6% të totalit. Konflikti aktual, jo domosdoshmërisht do t`i zerojë turistët nga këto vende, por pritet të ketë një impakt domethënës, siç kanë lajmëruar edhe turoperatorët. Këta të fundit deklarojnë se këtë vit pritej një rritje e ndjeshme e kërkesave nga këto vende, dhe se sapo kishin nisur prenotimet. Në total, gjatë 9 muajve të parë të vitit të kaluar, turistët nga jashtë kanë shpenzuar rreth 1.47 miliardë euro në vendin tonë. Sipas një projeksioni të thjeshtë, bazuar në shifrat e tremujorit të fundit të vitit 2020, shpenzimi total i turistëve të huaj në vendin tonë gjatë vitit të kaluar mund të përllogaritet afërsisht në 1.7 mld euro. Me një përfaqësim prej rreth 2.6% të totalit, turistët nga Ukraina, Rusia dhe Bjellorusia, përafërsisht, ku çdo turist vlerësohet të ketë shpenzuar një shifër mesatare, kanë shpenzuar rreth 44 milionë euro gjatë vitit të kaluar. Pra, në rast se konflikti do të shkaktojë ridimensionim edhe të flukseve të turistëve të huaj në vendin tonë, “fatura” e luftës, vetëm në këtë drejtim, mund të jetë mbi 40 milionë euro (Scan tv)

Qendra Alert/Alert.al

Mbështetje financiare për projektet në fushën e turizmit

Ministria e Turizmit dhe Mjedisit nëpërmjet një njoftimi të publikuar në faqen zyrtare ka shpallur thirrjen për përfitimin e mbështetjes financiare të projekteve në fushën e turizmit, të paraqitura nga persona fizikë dhe juridikë, vendas apo të huaj, privatë ose publikë, të cilët kanë në objekt të veprimtarisë së tyre turizmin, në funksion të realizimit të misionit strategjik:

“Shqipëria, një destinacion mikpritës, tërheqës dhe autentik, për zhvillim të qëndrueshëm të potencialeve ekonomike, natyrore dhe sociale të vendit”

Thirrja synon promovimin e destinacioneve, produkteve dhe diversifikimin e ofertës turistike, nëpërmjet zhvillimit të turizmit malor, natyror dhe kulturor, turizmit kulinar, enoturizmit, turizmit nostalgjik, turizmit të aventurës etj.

Thirrja do të qëndrojë e hapur nga data 24 janar deri më datën 23 shkurt, të vitit 2022. Projektet duhet të realizohen brenda vitit buxhetor, gjatë periudhës 24 mars deri më 01 dhjetor 2022.

Prioritetet e Thirrjes për mbështetje financiare të Projekteve në Turizëm, janë:

-Promovimi i destinacioneve, zhvillimi i produkteve turistike dhe brandimi i territorit;

-Digjitalizimi dhe inovacioni

 

Qendra Alert/Alert.al

10 destinacione udhëtimi ku mund të blini një shtëpi për 1 dollar

Për ata që planifikojnë të zhvendosen diku tjetër dhe të fillojnë jetën e tyre nga e para, disa programe qeveritare do t’ju ofrojnë juve dhe familjes suaj një shtëpi nëse qëndroni në vendin e tyre.

Gjërat më të mira në jetë janë falas dhe po kështu është edhe shtëpia juaj e ardhshme e ëndrrave.

Mënyra kryesore për të blerë një shtëpi është nëpërmjet ankandeve të pasurive të paluajtshme. Shtëpitë që janë në proces përmbarimi sekuestrohen nga banka ose pushteti vendor dhe nxirren në shitje.

Meqenëse shumë shtëpi të tilla ndodhen në zona me një aktivitet të ulët ekonomik, ato shiten në ankand. Kjo do të thotë se nëse një blerës është me fat dhe nuk ka blerës të tjerë që duan të blejnë shtëpinë, ata mund ta blejnë këtë pronë fare mirë për vetëm 1 dollar.

Përveç ankandeve, shumë qeveri ofrojnë shtëpi me ҫmime shumë të lira për të rigjallëruar ekonominë, madje disa u japin familjeve edhe një pagesë mujore. Për të gjetur vende që ofrojnë skema të tilla, kërkoni për qytetet me reduktim të shpejtë të aktivitetit industrial, si dhe zonat me nivele të ulëta të lindjeve.

Bashkohuni me ne sot teksa hedhim një vështrim në 10 destinacionet aktuale të udhëtimit ku mund të merrni një shtëpi për vetëm 1 dollar.

 

  1. Qyteti paqësor i Misuri, SHBA

Ju mund të blini shtëpinë tuaj të ëndrrave në St. Louis për 1 dollar, si rrjedhojë e programit të qeverisë për shtëpitë që kushtojnë 1 dollar. St. Louis ka gjithashtu jetën më të mirë të natës në SHBA, me disa klube në qytet që ndodhen jashtë lagjes miqësore.

 

  1. Jeta rurale në Ollolai, Itali

Shtëpia që shihni në foto, sipas një raporti të CNN, supozohet se vlen njëqind mijë euro, megjithëse pronarët janë gati ta shesin atë për vetëm një euro, sepse duan ta heqin qafe.

 

  1. Qyteti multikulturor, Liverpul, Angli

Shtëpitë prej 1$ në Liverpul, në Zonën Webster Triangle, janë ende në shitje, kështu që tani keni shansin tuaj të zotëroni një pronë në qytetin më të bukur të Mbretërisë së Bashkuar. Që nga viti 2018, mbi 20 shtëpi janë nxjerrë në shitje dhe 12 të tjera janë në plan për të dalë në shitje.

 

  1. Qyteti historik i Gary Indiana, SHBA

Ja cila është marrëveshja: të bëheni pronar i një shtëpie në Gary për 1 dollar është shumë e lehtë nëse keni të gjitha dokumentet e duhura, por qeveria pret që ju ta rinovoni shtëpinë brenda një viti, sipas Business Insider. Sfida pranohet. Gary është një qytet shumë i qetë dhe një vend i përsosur për të krijuar një familje.

 

  1. Qyteti i qetë i Cammarata, Sicili

Ky qytet në xhevahirin e Europës, Sicilinë, po ju ofron të qëndroni aty për vetëm 1 euro, sipas një raporti të CNN. Italianët duket se janë njerëzit më bujarë, sepse gjithmonë e më shumë të huaj po i pranojnë këto oferta të mira, ndërsa ata janë të lumtur të heqin dorë nga këto shtëpi.

 

  1. Pranë detit, Antikythera, Greqi

Sipas Irish Times, një ishull në Greqi po jep shtëpi falas dhe madje edhe një shumë të caktuar parash (20,000 dollarë). Por, cili është problemi? Ky është një ishull i largët ku aktualisht banojnë shkencëtarë dhe studiues, si dhe rreth 4 familje. Një numër më i madh njerëzish janë duke pritur që të sponsorizohen. Çfarë po prisni? Futuni në radhë.

 

  1. Një vend i humbur, fshati Ponga, Spanjë

Vetëm në Spanjë mund të bëhesh pronar i një fshati pa asgjë në këmbim. Fshati ka gjithashtu edhe shtëpi, siҫ është rasti i atij në Asturias, sipas thelocal.es. Qeveria thotë se fshati po vuan nga “shpopullimi” dhe ata duan ta luftojnë këtë duke sjellë banorë të rinj, kështu që ky është shansi juaj për të luajtur pak Sim City në jetën reale.

 

  1. Për artdashësit, Roubaix, Francë

Roubaix mund të jetë një nga qytetet më të varfra në Francë, por është gjithashtu një nga më të pasurit për sa i përket trashëgimisë kulturore. Ne akoma nuk mund ta kuptojmë se si mund të quhet i varfër ky qytet (me muzetë e tij, kafenetë e butikut dhe restorantet). Këtu është shumë e lehtë të marrësh në zotërim një shtëpi për 1 dollar, por ka një kusht. Duhet të sillni të gjithë familjen tuaj dhe të jetoni në këtë shtëpi për më shumë se gjashtë vjet, sipas TheLocal.

 

  1. Thjesht e bukur, Çikago, SHBA

Çikago nuk po shet thjesht shtëpi për 1 dollar, por edhe toka të mëdha banimi së bashku me shtëpitë. Këto hapësira janë të përshtatshme për të jetuar, si dhe për të filluar e për të ngritur biznesin tuaj përmes programit të loteve të mëdha, sipas Chicago Tribune. Sot, ka qindra shtëpi që nuk janë në pronësinë e askujt, të cilat janë gati për t’u blerë nga kushdo. Por, kini parasysh se ka një proces të gjatë aplikimi dhe një listë pritjeje, përpara se të mund të merrni këto shtëpi.

 

  1. Shtëpia e fundit e ëndrrave, një kështjellë në Itali

Nëse doni të përjetoni përrallën tuaj të preferuar, atëherë Italia është vendi i duhur. Si rrjedhojë e programit të qeverisë për turizmin, shteti është i gatshëm t’i japë kujtdo kështjella falas, por ka një kusht. Ju duhet të jeni në gjendje të sillni sa më shumë vizitorë që të mundeni. Sipas CNBC, ka mbi 100 kështjella në dispozicion. Pasi të keni provuar se jeni i suksesshëm me sjelljen e vizitorëve, pronësia e kështjellës do të transferohet më pas në emrin tuaj. / The Travel

Qendra Alert/Alert.al

Hapet projekti “Rrjetëzimi dhe Advokim për Aksione Komunitare të Ruajtjes së Burimeve Natyrore Lokale”

Menaxhimi i qëndrueshëm i burimeve natyrore në vendin tonë nuk është ende i integruar si duhet në politikat kombëtare dhe veçanërisht në ato lokale. Mospërfshirja e komunitetit dhe OSHC në vendimmarrjet lokale vjen përgjithësisht si pasojë e kapaciteteve të ulëta dhe mungesës se njohurive në grupet e komunitetit lokal dhe mungesës se koordinimit midis organizatave të shoqërisë civile që i përfaqësojnë. Nga ana tjetër komunitetet lokale nuk janë të mirë informuara mbi mundësitë e përdorimit të qëndrueshëm të burimeve natyrore si potenciale për zhvillimin dhe mirëqenien e tyre. Aktualisht, kjo situatë pengon zbatimin efektiv të politikave lokale të ruajtjes së mjedisit dhe natyrës duke sjellë menaxhim jo të mirë të burimeve natyrore. Fuqizimi i zërit qytetar përmes rrjetëzimit të OSHC-ve lokale dhe kombëtare mbetet një nga sfidat për përmirësimin e demokracisë së brishtë dhe zhvillimin e qëndrueshëm lokal dhe kombëtar.

Instituti për Ruajtjen e Natyrës në Shqipëri (INCA) në bashkëpunim me Klubin Ekologjik – Lezhë, Shoqatën Horizont EU – Lushnje, Shoqatën “Mbrojtja e Mjedisit dhe Zhvillimi i Turizmit-Kukës, kanë nisur zbatimin e projektit “Rrjetëzimi dhe Advokim për Aksione Komunitare të Ruajtjes së Burimeve Natyrore Lokale”. Projekti financohet nga Agjencia Zvicerane për Zhvillim dhe Bashkëpunim (SDC) në kuadër të projektit “Projekti LëvizAlbania”

Projekti synon të kontribuojë për ndërtimin e një qytetarie (lëvizje komunitare) aktive, partnere e njohur në procesin e qeverisjes dhe zhvillimit të qëndrueshëm në nivel lokal dhe kombëtar. Ai do të nxisë dhe mbeshtesë koalicionet e organizatave përmes qasjes së shkëmbimit te informacionit  dhe rrjetëzimit për të arritur objektiva konkretë sa i përket demokracisë dhe angazhimit qytetar në nivel vendor në bashkinë e Lezhës, Divjakës dhe Hasit. Kjo nismë do të forcojë legjitimitetin rrjeteve lokale dhe zgjerojë hapësirën ndërvepruese për të ndërmarrë veprime konkrete mbi çështje të zhvillimit të qëndrueshëm të burimeve natyrore lokale me rëndësi për komunitetet që ata përfaqësojnë.

Grupet e synuara në këtë projekt përfshijnë (i) Shoqëria shqiptare, veçanërisht komunitetet lokale, (ii) Sektori i OShC-ve shqiptare duke përfshirë OMSHC-të dhe (iii) Institucionet vendore – janë institucione publike lokale që janë në përmirësim të strukturave të tyre organizative në funksion të zbatimit të ligjit të vetqeverisjes vendore.

Advokimi dhe lobimi për të përmirësuar transparencën e vendimmarrjes mbi përdorimin e qëndrueshëm të burimeve natyrore do të jetë thelbi i kësaj iniciative. Aktivitetet e projektit do t’i shërbejnë këtij qëllimi kryesor, duke vepruar në dy drejtime kryesore: Të nxisë rrjetëzime kombëtare dhe lokale aktive të OSHC-ve për ruajtjen e natyrës dhe partneritetin e tyre në programe pune afatgjatë advokimi për përdorimin e qëndrueshëm të burimeve natyrore; dhe të rrisë angazhimin qytetar/komunitar dhe mediatik në aktivitetet advokuese të OSHC-ve për të siguruar përdorimin e qëndrueshëm të burimeve natyrore lokale, duke përdorur të drejtën për informacion dhe pjesëmarrje mbi procesin e zbatimit të politikave dhe vendimmarrjes që ndikon në burimet natyrore lokale. Gjatë zbatimit të projektit do të synohet rrjetëzimi dhe forcimi i bashkëpunimit mes OMSHC-ve lokale në tre drejtime kryesore: (i) koordinim të programeve të përbashkëta, (ii) marrjen e njohurive dhe shkëmbimin e eksperincave, si dhe (iii) përfshirjen në aksione/aktivitete të përbashkëta. Çdo aktivitet mbështet këtë qëllim thelbësor, përmes pesë metodave të zbatimit: 1) ndërtimi/zgjerimi dhe fuqizimi i rrjeteve lokale dhe kombëtare OMSHC-ve për të mbrojtur advokuar dhe lobuar në mënyrë efektive duke siguruar mjete dhe informacione, përfshirë informacione në lidhje me kuadrin ligjor për përdorimin e qëndrueshëm të burimeve natyrore dhe metodat e pjesëmarrjes publike në vendimmarrjet lokale, 2) përcaktimin e qëllimit/mesazhit duke identifikuar dhe shpërndarë gjerësisht rekomandimet për të përmirësuar transparencën e vendimmarrjes për përdorimin e qëndrueshëm të burimeve natyrore; 3) sigurimi i një platforme për dialog të fuqishëm midis të gjitha grupeve të interesit: OMSHC, media, autoritetet kombëtare dhe lokale, komuniteti rinor dhe gratë; 4) krijimi i  forumeve rinore dhe 5) Aksione konkrete në secilën zonë. INCA dhe OJF-të partnere mbi bazën e mediave potenciale të perzgjedhura, lokale apo kombëtare, do të bashkëpunojnë për t’i nxitur në realizimin e ndërhyrjeve mediatike sipas tematikave të problematikave të identifikuara përgjatë vlerësimit të situatës në zonat pilote të projektit, si dhe nisma të rrjetit në nivel kombëtar. Bashkëpunimi me këto media do të jetë i dedikuar në kohë televizive përmes kronikave dhe vëzhgimeve për promovimin e nismave të OSHC-ve dhe problematikave që lidhen me përdorimin e qëndrueshëm të burimeve natyrore dhe demokracinë në vendimmarrje. Në këtë kuadër përgjatë jetës së projektit do të synohet realizimi i 8 publikimeve në mediat të ndryshme lokale e kombëtare me fokus advokimin për ruajtjen e natyrës shqipëtare. Në përfundim të projektit do të mundësohet organizimi dhe zhvillimi i konkursit “Gazetaria më e mirë e advokimit mediatik për ruajtjen e natyrës”.

Takimi i sotëm ka për qëllim prezantimin e objektivave dhe rezultateve të pritshme të projektit,  si dhe informimin dhe bashkëpunimin gjithëpërfshirës me Organizatat e Shoqërisë Civile rreth ndikimeve direkte dhe indirekte, që do të ketë zbatimi i projektit në forcimin e kapaciteteve të tyre.

Ky aktivitetet u realizua nga INCA në kuadër të projektit “Rrjetëzimi dhe Advokim për Aksione Komunitare të Ruajtjes së Burimeve Natyrore Lokale”, me mbështetjen financiare të LevizAlbania, një projekt i Agjencisë Zvicerane për Zhvillim dhe Bashkëpunim, SDC.

Qendra Alert/Alert.al

Lituania ofron akomodim falas për të nxitur sektorin e turizmit

Lituania po ofron një natë akomodimi falas për 10,000 pushues në një përpjekje për të rifilluar sektorin e saj të turizmit.

Njerëzit do të duhet të regjistrohen në mënyrë që të marrin natën e tyre të tretë falas, në një nga më shumë se 500 hotele midis 1 Shtatorit dhe 8 Nëntorit të këtij viti.

Vitin e kaluar Lituania humbi 47.33% të turistëve të saj ndërkombëtarë, dhe deri më tani dhe gjatw kwtij viti  ajo ka pritur vetëm 8% të asaj që kishte vendi në vitin 2019.

Në të njëjtën kohë, turistët e ardhur kalojnë mesatarisht vetëm 2.45 netë në vend.

alert.al