Meta, Apple dhe Alphabet (Google) ka të ngjarë që nuk po përputhin plotësisht politikat e tyre me Aktin e Tregjeve Dixhitale bazuar në përditësimet që tre ofruesit kanë bërë së fundmi në planet e tyre të pajtueshmërisë. Pavarësisht përmirësimeve të planifikuara në disa fusha, të tilla si ekranet e përzgjedhjes së shfletuesit nga Apple dhe ndërfaqja e përdoruesit të ndërveprimit të mesazheve të Meta, ka ende elementë që sugjerojnë se, tri kompanitë po shkelin ligjin historik të BE-së për të hapur tregjet dixhitale ndaj më shumë konkurrencës.
Në këtë raport të ri, ne përmbledhim disa çështje të vazhdueshme me Apple, Alphabet (Google) dhe Meta, të cilat Komisioni Evropian duhet t’i shqyrtojë në bord për të vlerësuar pajtueshmërinë e tyre me detyrimet.
Ky raport prek disa fusha që BEUC trajtuar më parë në analizën e vet më të gjerë të mospërputhjes së mundshme në shtator 2024, për të pasqyruar ndryshimet që Apple njoftoi në gusht 2024 në zgjedhjet e paracaktuara të shfletuesit dhe aplikacioneve, si dhe planet e Meta të shpallura në shtator 2024 mbi ndërveprueshmërinë për mesazhe të çastit dhe duhet parë si një plotësues i raportit tonë të shtatorit 2024 në fushën e vetë-preferencës nga Google.
Raporti nuk mbulon çështjet e vazhdueshme me Meta-n mbi politikën e saj të pagesës, pëlqimit ose gjetjet paraprake të Komisionit kundër Apple në lidhje me lejimin e zhvilluesve të aplikacioneve që t’i drejtojnë lirshëm konsumatorët drejt kanaleve alternative për oferta dhe përmbajtje. Të dyja këto çështje u trajtuan në analizën tonë të mëparshme.
Meta ka njoftuar ato që duken të jenë disa zgjedhje pozitive të dizajnit të ndërfaqes së përdoruesit për të përmbushur detyrimet e saj, për t’i bërë ËhatsApp dhe Messenger të ndërveprueshëm me shërbimet e mesazheve të çastit të palëve të treta. Megjithatë, për të vlerësuar plotësisht nëse është në përputhje efektive, Meta duhet ende:
Të demonstrojë se ka kryer testime të drejtpërdrejta për përdoruesit e ndërfaqeve të saj, për të siguruar që konsumatorët mund të bëjnë lehtësisht zgjedhje të vërteta të informuara mbi ndërveprueshmërinë.
Të japë informacion dhe pamje nga ekrani për të gjithë hapat në udhëtimin e përdoruesit.
Të demostrojë se, disa nga zgjedhjet e dizajnit që ka bërë mbështesin aftësinë e konsumatorit për të zgjedhur ndërveprueshmërinë e mesazheve.
Apple duket se po bën përmirësime drejt pajtueshmërisë me DMA në lidhje me aftësimin e përdoruesve për të ndryshuar shfletuesit dhe aplikacionet e tyre të paracaktuar dhe për t’a bërë më të lehtë çinstalimin (fshirjen) e aplikacioneve në pajisjet e tyre Apple. Megjithatë, çështjet mbeten, veçanërisht:
Apple ende ofron shumë pak informacion për të vlerësuar plotësisht, nëse udhëtimi i propozuar i përdoruesit për ndryshimin e aplikacioneve të paracaktuar është në përputhje.
Apple ofron shumë pak informacion në lidhje me udhëtimin e përdoruesit për të përcaktuar nëse përdoruesit mund të “çinstalojnë lehtësisht” aplikacionet e Apple.
Apple duhet të shfaqë ekranin e zgjedhjes së shfletuesit menjëherë pas përditësimit të IOS, dhe jo kur përdoruesi të nisë Safari-n për të hyrë në ueb.
Google duhet, në mënyrë që të respektojë ndalimin e DMA për vetëpreferencën në faqet e tij të rezultateve të kërkimit, të respektojë pesë parime për të siguruar që konsumatorët të kenë zgjedhjet më të mira në përgjigje të pyetjeve të tyre të kërkimit në afat të shkurtër dhe afatgjatë, përmes krijimit të një fushë loje e barabartë për të gjithë ofruesit e shërbimeve në internet.
Sa i përket Meta-s, për të demonstruar pajtueshmëri efektive, si Apple ashtu edhe Google duhet të tregojnë se kanë testuar implementimet e tyre për të siguruar që ndërfaqet e tyre të zgjedhura të përdoruesit janë në përputhje me kërkesat e DMA.
Burimi: Beuc.eu
