Author Archives: Admin1

Sektori i bletarisë  për herë të parë do të funksionojë me rregulla të mirëpërcaktuara nga ligjin e ri  i cili është botuar në Fletoren Zyrtare dhe hyn në fuqi në fund të muajit Prill.  Ky ligj është konsultuar për afro dy vite dhe tashmë ka marrë formë finale, dhe është i detyrueshëm për tu zbatuar nga çdo bletërritës në vend.

Sipas ligjit, “çdo  bletar  që  merret  me  bletari,  që  zotëron  një  ose  më  shumë  zgjoje është  i  detyruar  të regjistrohet në regjistrin e fermës dhe në regjistrin  e  blegtorisë,  që  mbahet   në  institucionin  përgjegjës  për  veterinarinë  deri  në  datën 30 prill të çdo viti kalendarik, për numrin dhe  vendndodhjen e koshereve të bletëve. Bletarët kanë detyrim të njoftojnë vendndodhjen dhe numrin e si   dhe  ndryshimin  e  vendndodhjeve  të  tyre  brenda  datës 30 prill të çdo viti. Me ligjin e ri, bletët nuk mund të vendosen pa kriter.

Parku  i  bletëve  vendoset  jo  më  afër  se  10 metra nga rrugët dhe 5 metra nga pronat kufitare. Shtegtimi bletëve bëhet me kërkesë parake në institucionet përgjegjëse dhe vetëm pas pajisjes me certifikate veterinare.  Po ashtu, në ligj përcaktohet se importi  dhe  tregtimi  i  mbretëreshave  dhe  i  familjeve  të  bletëve  bëhet  vetëm  nga  subjektet  e  regjistruara  dhe  t ë  licencuara  sipas  legjislacionit  në fuqi   për   importin   e   kafshëve   të   gjalla, nën një kontroll të rreptë.

Ndërkaq, për bletarët do të vihen në dispozicion kurse kualifikimi dhe trajnimi nga Universiteti Bujqësor i Tiranës dhe Shoqatat e Bletërritësve. Me hyrjen në fuqi të ligjit nuk do të mund të tregtohen më produkte të bletës të pa etiketuar, ku të jenë të pasqyruara të gjitha elementët e nevojshëm, që nga subjekti, origjina, përbërësit, etj.

Bletërritësit e kanë të ndaluar që të ushqejnë bletëve  me  sherbet/sheqer  apo shurupe të tjera gjatë periudhës së  lulëzimit  kryesor  të bimëve  mjaltëdhënëse  dhe mbledhjes së nektarit nga bletët. Ligji përcakton edhe kushtet e ruajtjes së mjaltit, i cili duhet të ruhet në vende të thata, të errëta, në  temperaturë  më  të  ulët  se  25°C  dhe  lagështi  relative të ajrit nga 65% deri në 80%.

Ushtrimi  i  veprimtarisë  në  kundërshtim  me ligjin; vendosja   e   parkut   të   bletëve   pa   ruajtur  distancat; shtegtimi i bletëve pa miratimin e institucionit  përgjegjës;   mosnjoftimi  i  institucionit  përgjegjës  në  rast dyshimi  të  sëmundjeve dënohen me gjoba 2 mijë deri në 40 mijë lekë, ku më pak të penalizuar janë bletarët amatorë dhe më shumë ata profesionistë.

Qendra Alert/Alert.al

Helmi i akrepit konsiderohet si lëngu më i shtrenjtë në botë, me një gram të vetëm që kushton disa milionë dollarë. Kjo mund të jetë një surprizë për shumë njerëz, pasi akrepat në përgjithësi nuk konsiderohen krijesa me vlerë.

Për të kuptuar pse helmi i akrepit është kaq me vlerë, është e rëndësishme që fillimisht të kuptoni se çfarë është dhe për çfarë përdoret. Helmi i akrepit është një përzierje komplekse e proteinave dhe enzimave të prodhuara nga gjëndrat e helmit të akrepave.

Përdoret nga akrepat si një mekanizëm mbrojtës kundër grabitqarëve dhe për të kapur gjahun. Helmi shpërndahet përmes thumbit të akrepit, i cili e injekton helmin në objektivin e tij.

Pavarësisht natyrës së tij vdekjeprurëse, helmi i akrepit është zbuluar se ka një sërë përfitimes të mundshme medicinale. Studiuesit kanë zbuluar se helmi përmban komponime që kanë aftësinë të synojnë dhe vrasin qelizat e kancerit, si dhe të trajtojnë një sërë sëmundjesh, përfshirë artritin, diabetin dhe sklerozën e shumëfishtë.

Vetitë unike të helmit të akrepit e kanë bërë gjithashtu një mjet të vlefshëm për studiuesit që studiojnë sistemin nervor dhe zhvillojnë ilaçe dhe trajtime të reja. Një nga arsyet kryesore pse helmi i akrepit është kaq i shtrenjtë është se është tepër i vështirë për t’u nxjerrë.

Akrepat prodhojnë sasi shumë të vogla helmi dhe procesi i nxjerrjes kërkon kohë dhe është i rrezikshëm. Kërkon pajisje shumë të specializuara dhe profesionistë të trajnuar, të cilët duhet të nxjerrin me kujdes helmin pa dëmtuar akrepin ose pa dëmtuar gjëndrat e helmit.

Një faktor tjetër që kontribuon në koston e lartë të helmit të akrepit është  fakti që është shumë i rallë.

Jo të gjitha llojet e akrepave prodhojnë helm që është i dobishëm për qëllime mjekësore, dhe ato që prodhojnë shpesh gjenden në zona të largëta ose të paarritshme. Kjo e bën të vështirë dhe të shtrenjtë mbledhjen dhe transportimin e helmit në laboratorë dhe objekte kërkimore në mbarë botën.

Së fundi, kostoja e lartë e helmit të akrepit mund t’i atribuohet gjithashtu kërkesës së tij të lartë nga studiuesit dhe shkencëtarët. Me potencialin e tij për të trajtuar një gamë të gjerë sëmundjesh, helmi i akrepit është bërë një produkt i kërkuar në komunitetin mjekësor. Kjo ka çuar në një treg konkurrues për helmin, duke e rritur edhe më shumë çmimin e tij.

Qendra Alert/Alert.al

Ajo që është e sigurt është se numri i derrave të egër të ngordhur që gjenden në disa vende të Italisë, si Liguria dhe Piemont dhe Lazio po rritet në mënyrë eksponenciale dhe sipërfaqja për t’u kontrolluar po zgjerohet, kështu që mbikqyrja bëhet gjithnjë e më e komplikuar”. Kështu fillon intervista me Andrea Mazzatenta të Universitetit ‘G. d’Annunzio’ Chieti-Pescara, një nga ekspertët e paktë në Itali, që argumenton se përpjekja për të frenuar epideminë e etheve të derrave duke vrarë derrat e egër dhe vendosjen e rrjetave nga gjuetarët është një strategji humbëse. Nga ana tjetër, numri i derrit të egër të ngordhur vazhdon të rritet. Sot është lajmi për 16 raste të reja në zonën e infektuar, 7 në Piemont dhe 8 në Liguria të vërtetuara nga Instituti Eksperimental Zooprofilaktik i Piemontit, Ligurias dhe Valle d’Aosta për një total prej 550 kufomash të gjetura vetëm në këto rajone. Problemi po keqësohet dhe vendimet e marra deri tani kanë dalë krejtësisht të paefektshme në luftën kundër epidemisë. Territori ynë është ideal për këto kafshë, të cilat fshihen shumë mirë në pyje dhe rrjetat vetëm mund t’i ngadalësojnë, por sigurisht nuk i ndalojnë. Derrat e egër të pranishëm në Itali janë me të vërtetë shumë, por shifra prej 1.5 milionë nuk është e saktë sepse një sondazh serioz, duke përdorur metoda objektive të tilla si imazhet e fituara me dron nuk është bërë kurrë. Nga ana tjetër, këto kafshë janë sjellë në Itali që nga vitet ‘50 për qëllime gjuetie dhe tani numri i tyre është rritur në mënyrë dramatike pavarësisht gjuetisë.

Tani, me ethet afrikane të derrave, ato janë bërë një problem sepse janë përhapësit kryesorë të një sëmundjeje të sjellë në Itali nga njeriu, e cila megjithatë prek vetëm kafshët. Paradoksi është se në fakt gjuetia për të vrarë kafshët në mënyrë selektive nuk është shumë e dobishme sepse është e vështirë të vriten të gjitha kafshët dhe ata që arrijnë të shpëtojnë riprodhohen shpejt duke ndihmuar përhapjen e etheve të derrave në territore të tjera dhe në një masë më të madhe.

“Derri i egër është një kafshë sedentare”-shpjegon Mazzatenta dhe jo shumë pjellore, për këtë arsye tufat priren të mbeten në territorin e tyre dhe në çdo familje riprodhimi i është besuar matronit (femrës më të vjetër) dhe mashkullit dominues (gjithashtu të moshuar) që zakonisht nuk janë shumë pjellorë. Kur janë planifikuar fushata gjuetie për të frenuar përhapjen e etheve të derrave ndodh kaos. Është e vërtetë se shumë kafshë vriten, por derrat e egër, veçanërisht të rinjtë janë shumë të aftë për t’u fshehur dhe mostrat që i shpëtojnë kapjes formojnë grupe që shkojnë për të pushtuar territore të reja. Derrat e rinj të egër çiftohen pa dallim dhe kjo përfshin formimin e familjeve shumë të mëdha. (IlFattoAlimentare)

Qendra Alert/Alert.al

Një studim dhe analizë do të kryhet për fshatrat me potencial turistik të cilët kanë problem me të dhënat kadastrale të pasurive të paluajtshme private apo shtetërore. Kjo, me qëllim tërheqjen e investimeve dhe përmirësimin e cilësisë së jetesës në rajonet e Shqipërisë, FSHZH ka hapur tenderin mbi kufirin e lartë monetar “Mbështetje me ekspertizë për bashkitë për regjistrimin fillestar / përmirësimin e regjistrit të pasurive të paluajtshme në territorin e fshatrave me potencial turistik” në të cilin kërkon një subjekt që të kryejë këtë studim, analizim në funksion të procesit të regjistrimit fillestar që kryhet prej vitesh nga Kadastra.

Procesi i regjistrimit fillestar të pronave është cilësuar thelbësor nga FSHZH për realizimin e investimeve të parashikuara, si dhe do t’i hapë rrugë investimeve të reja publike apo private. Për këtë arsye do të ndërmerret projekti që do të mundësojë realizimin e procesit të regjistrimit  fillestar sistematik të pasurive të paluajtshme brenda një kohe të shkurtër .

Fondi Shqiptar i Zhvillimit do të kryejë studime analiza dhe masterplane në zonat kadastrale të territorit të fshatrave me potencial turistik, përfshirë edhe territorin e 100 fshatrave në zonat me potencial zhvillimi dhe ku vlerësohet që ky investim i është i nevojshëm për realizimin e projekteve të ndryshme të aplikuara në këto zona.

Sistemi i vjetër i Hipotekës (aty ku ekziston) do të mbyllet dhe, të gjitha dokumentet e arkivuara sipas sistemit të Hipotekës do të jenë transferuara dhe arkivuar sipas sistemit të ri të regjistrimit.

Procesi i Regjistrimit Fillestar apo Përmirësimit për çdo zonë kadastrale apo bllok kadastral do të përmbajë fazat si grumbullimi i Dokumentacioneve nga ekipi i përcaktuar i punës, informimi i pronarëve gjatë procesit të matjeve në terren për përcaktimin e kufirit të ZK, skanimi i dokumentacionit tekniko-ligjor, përgatitja e Hartës Kadastrale (HK) dhe Librit të Ngastrave dhe përfshirjen e Regjistrimit Fillestar ekzistues në Regjistrimin Fillestar Sistematik.

Kohëzgjatja e procesit të regjistrimit fillestar apo të përmirësimit do të jetë 24 muaj nga data e lidhjes së marrëveshjes kuadër. Në tetor të vitit 2022, Fondacioni Shqiptar i Zhvillimit hapi gjithashtu tenderin me vlerën rreth 500 milionë lekë për rigjallërimin ekonomik të fshatrave me potencial turistik. (Scan)

Qendra Alert/Alert.al