Menu

ALERT-E

KUJDES! Nga kullat e fëmijëve, te bizhuteritë e kozmetika kancerogjene, deri te kroskoti i makinave që mund të mos funksionojë, ja Alert-et e fundit të Komisionit Evropian

Qindra lloje produktesh joushqimore të përdorimit të përditshëm e deri te lodrat e fëmijëve apo edhe makinat, vazhdojnë të raportohen të pasigurta e që përbëjnë rrezik për konsumatorët. RAPEX i Komisioni Evropian ka raportuar sot për një agmë të gjerë produktesh që nuk janë konform rregulloreve të BE të sigurisë dhe që duhen hequr nga tregu apo nga përdorimi.

Një nga produktet e përhershme në raportimet e RAPEX janë kulluat e fëmijëve dhe lodrat e ndryshme. Dhe një prej raportimeve të fundit bën fjalë për kullulla, që përmbajnë një sasi të tepërt të di-2-etileksil ftalatit (DEHP) (vlera e matur deri në 38.3% ndaj peshës). Ky ftalat mund të dëmtojë shëndetin e fëmijëve, duke shkaktuar dëme të mundshme në sistemin e tyre riprodhues.

Cigaret elektrike raportohen gjithashtu si produkt që përmban vaj (vlera e matur deri në 55.4%), kryesisht në formën e acidit kaprilik dhe acidit kaprik. Këto mund të dëmtojnë mushkëritë kur thithen.

Kozmetika apo pafdumet janë sërish në listën e produkteve të pasigurta. Sipas RAPEX, një parfum përmban 2-(4-tert-butilbenzil) propionaldehid (BMHCA), i cili është i ndaluar në produktet kozmetike, pasi mund të dëmtojë sistemin riprodhues, mund të dëmtojë shëndetin e fëmijës së palindur dhe mund të shkaktojë ndjeshmëri të lëkurës.

Në kategorinë e bizhuterive, mes tyre veçojmë një byrzylyk, që ka një përqendrim të tepërt të kadmiumit (vlera e matur deri në: 85 % ndaj peshës). Kadmiumi është i dëmshëm për shëndetin e njeriut, sepse grumbullohet në trup, mund të dëmtojë veshkat dhe kockat dhe mund të shkaktojë kancer.

 

Si gjithmonë, edhe makinat përbëjnë rrezik për përdoruesie tyre. Dhe, rasti i fundit i raportuar nga RAPEX bëhet fjalë për një makinë Volvo XC40 elektrike. Ekrani qëndror i saj (kroskoti) mund të mos funksionojë për shkak të një problemi me softuerin. Kjo mund të bëjë që ekrani të mos funksinojë, duke errësuar leximin e shpejtësisë së makinës dhe duke penguar aftësinë e shoferit për të monitoruar shpejtësinë. Kjo rrit rrezikun e vozitjes me shpejtësi të papërshtatshme që mund të shkaktojnë aksidente dhe lëndime.

Produktet e raportuara nga RAPEX nuk detektojnë Shqipërinë si vend ku janë shpërndarë, por kjo nuk e përjashton mundësinë që të ndodhen dhe në tregjet tona.

Gamën e gjerë të produkteve që përbëjnë rrisk me detajet e secilit prej tyre, mund t’i gjeni në linkun e mëposhtëm.

https://ec.europa.eu/safety-gate-alerts/screen/search?token=17349998034B4BF2A21828F4797C05DD

Masakër në Korçë nën hundën, me dijeninë dhe mbështetjen e zyrtarëve të lartë, importohen e hyjnë në Shqipëri kafshë pa matrikuj, pa origjinë e me brucelozë. Një çeshtje e re që duhet rë hapë SPAK

Një skandal që prek direkt sigurinë ushqimore të çdo familjeje Shqiptare ka ndodhur në Korçë, më saktë në pikën kufitare të Kapshticës përfshirë gjithë institucionet përgjegjëse për kontrollin e kafshëve për konsum.

Njerëz me influenca të forta, për pasurimin e tyre dyshohet se po helmojnë tregun vendas duke futur viça, keca e dele të pakontrolluara, pamatrikulluara, pavaksinuara, shpesh kontrabandë… gjithnjë në qëllim të pasurimit personal. Instancat e Shtetit, në fillim kanë funksionuar, por më pas të presionuara nga pushteti politik, janë zmbrapsur!

Sipas dokumentave më poshtë, në datë …., pasi Frontex ka ndalur një tufë me 29 bagëti ardhur nga Kapshtica, shtetasi Baki Myrtollari me detyrë Veterineri i Shërbimit në kufi, në fshatin Poncar (Korçë) pranë Bilishtit, ku ka konstantuar së jane futur në Shqipëri në një kamion me kafshë të dyshuara të sëmura me brucelozë dhe viruse të tjera, të pamatrikuluara nga vendi i origjinës, i cili ende nuk dihet cili është. Kamioni me mbi 29 keca e qingja etj, bllokohet dhe veterineri kërkon që të çohet për karantinim dhe analiza bio-kimike sipas ligjit.

Por, personat që ishin në pronësi të këtij kamioni, Festim dhe Sokol Dinoshi përveç akti më sipër, duket se ushtruan dhe presion ndaj nënpunësit të Shtetit. Vëllezërit Dinoshi janë kapur edhe herë të tjera duke transportuar bagëti të pamatrikuluara dhe me dokumentacion të plotë vaksinimi, por nuk janë ndëshkuar asnjëherë, falë lidhjeve politike. Emrat e dyshuar si lidhje politike në këto skema janë baxhanaku i ministrit të Mbrojtjes Niko Peleshi: Spartak Meraku, si dhe Ylli Cenkolli me detyrë Inspektor Veterinar në komunën Hocisht dhe Bilisht, si dhe zv.ministrit të Bujqësisë Ajran Jaupllari.

Një tjetër rast flagrant dhe i rrezikshëm për shëndetin e konsumatorit, është kapja në kufi e një kamioni me Qingja e Rurza pa Çertefikatë Lëvizje dhe pa Matrikulluara, nga shtetasi Martin S, nga Rakicka Devoll, nga veterineri i zonës Baki Myrtollari. Pas ketij veprimi, Spartak Meraku dhe Ylli Cenkolli dyshohet se kanë kërcënuar fizikisht në publik, në mes të Bilishtit, veterinerin Baki Myrtollari.

Por skandalet vazhdojnë, nuk bëhet fjalë për një episod, por për një sistem. Zyrtarët Ylli Cenkolli dhe Spartak Meraku vazhdojnë të kërcënojnë me jetë veterinerin përgjegjës Baki Myrtollari.

Këtë herë në fshatin Çetë Bilishtit, shtetasi Ilirjan M, futi kontrabandë 520  krerë zgjedhë të imëta, përsëri pa çertifikata vaksinimi, pa dokumentacion të vendit të origjinës dhe kontrolli shëndetësorë sigurie.

Ngarkesë e kontrolluar nga veterineri përgjegjës, Ylli Cenkolli edhe pse nuk ishte zona dhe detyra e tij, por e veterinerit pergjegjes Baki Myrtollari.

Duke mos patur çertifikatë origjine për 520 krerët e bagëtive, u krijua një artificë e cila duket se është në vetvete një fallsifikim, sikur bagëtitë u rimatrikualuan me justifikimin fals se i kishin rënë matrikujt nga veshet e kafshëve,  e më pas morën dritën jeshile për t’u tregëtuar në Korçë e gjetkë në Shqipëri.

Në këtë skemë hyn në lojë dhe zv.ministri i Bujqësisë, Arjan Jaupllari. Zv.ministri duker se është në konflikt të plotë interesi pasi dyshohet se licenson një stallë në pronësi të vëllait të tij, në fshatin Drithos pranë kufirit me Greqinë dhe Maqedoninë.

Stalla e vëllait të zv.ministrit të bujqësisë përdoret për të importuar kafshët, si në rastin e një tjetër kamioni kontrabandë me kafshë të pa vaksinuara dhe matrikuluara në një stallë për mbarështimin e kafshëve në pronësi të Fatos Sh. alias Petro Sh., i cili njihet si lidhje e afërt e drejtorit të AKVMB.

Kjo skemë e futjes kontrabandë, pa vend origjine (nga Maqedonia dhe Bullgaria) dhe mbi të gjitha të pamatrikuluara e shpesh të dyshuara të sëmura të kafshëve, preu dhe kokën e veterinerit të shtetit, Baki Myrtollari.

Episod tjetër skandaloz është ai i futjes nga Kapshtica të kamionit të shtetasit Aleksander L., me 40 lope të shkruara ne dokumentat e origjinës dhe certifikaten veterinare greke, por që në fakt në hyrje të Republikes së Shqipërisë rezultuan, 37 lope.

Pas një kontrolli të urdheruar “nga lart” që mesa duket duhet të jetë bërë formal pasi veterinerët e AKU-se Kapshticë nuk kan verejtur që 5 lope nuk i kishin nr, e matrikujve si ato të përshkruarat në certifikatën veterinare greke dhe që në bazë të ligjit nuk duhet të lejoheshin të futeshin në teritorrin e Republikës së Shqipërisë pasi konsideroheshin kontrabandë dhe të pakontrolluar nga shërbimet veterinare greke për ndonjë semundje ngjitëse si: bruceloza, tuberkulozi dhe semundje tjetër e rrezikshme dhe e transmetueshme tek njerëzit. P[rgjegjësit e AKU do duheshin ti kthenin mbrapsht në Greqi mqs dokumentacioni nuk ishte i rregullt, por lejuan futjen e tyre.

Per te mos mjaftuar gjithe kjo ngarkesë me 37 lope që në fakt ne dokumentat e zhdoganimit figuronin 40 lopë u çua për karantinim në kundershtim me ligjin në një stalle në fshatin Vernik, stallë e cila nuk ishte licensuar më parë nga ana e AKVMB-se siç e përcakton ligji. Përseri në lojë futet Ylli Cenkolli i cili në kundërshtim me ligjin, pasi subjekti Aleksander L. duhet ti dërgonte në ambientin në të cilin ishte licensuar për të zhvilluar këtë aktivitet dhe të plotesonte kushtet e karantinimit aty, por veterineri Ylli Cankolli edhe pse e ka evidentuar qe ky subjekt ishte në kundërshtim me ligjin i ka plotësuar fiktivisht certifikatën e karantinimit në kundërshtim me ligjin, pa percaktuar vendin e karantinimit si dhe nuk merr asnjë masë administrative për subjektin për 5 lopët të cilët nuk korrespondonin nr e matrikujve me ato të certifatikates Greke. Dhe kjo kishte një arsye të fortë, pasi në ngarkesën më poshtë:

Dergese e dates 11/Prill 2024 ku jane kapur 19 lope e vica.

Pas presionit të tregetarëve të zones ndaj drejtorit rajonal Fatmir Ozunit,janë kryer analizat biokimike vetëm 4  prej lopeve, dhe te 4 lopet kane rezultuar me brucelozë. Por procedura ligjore duket se nuk është zbatuar në kompleksitet, pasi duhet të kryheshin dhe analiza për turbekulozë.

Ligji detyron në raste të tilla IKV-ne të njoftojë me alarm AKU-ne, AKVMB-ne dhe te merret masa e ndalimit të ngarkesës. Gjithashtu ligji parashikon 90 ditë karantinim dhe pezullim aktiviteti të subjektit duke lënë hapësirën kohore ku të groposen lopët e sëmura ndërsa bagetitë e tjera duhet të rikryejnë analizat e gjakut çdo  muaj, por drejtori Fatmir Ozuni dhe inspektori veterinar Ylli Cenkolli duket se nuk e kanë zbatuar ligjin në këtë rast, duke rrezikuar shhëndetin e qytetarëve, pasi Aleksander L. ka sjellë ngarkesën e sipercituar dhe e shperndarë në rrethin e Korçës. Ndërkohë qe ndaj tij është marre vetem nje mase qesharake prej gjobe 20 mije lek te reja…sa një gjobë parkimi.

Pra, pas 22 diteve i është plotësuar një tjetër certifikate levizje në drejtim të Gjirokastrës dhe këto lopë janë dërguar në drejtim të jugut për tu shitur atje dhe për të furnizuar tregun e këtij qyteti, por pa u caktuar emri i subjektit nisës, sepse Cenkolli duket se i trembej ndonje kontrolli rutine rrugës ku do zbulohej përgjegjësia e tij. Analizat që Lopët rezultuan bruceloze (Prill 4 lopë, e në Maji 4 lop) janë tërhequr po nga Y.Cenkolli pranl IKV-se Tiranë, siç rezulton edhe në regjistrin e hyrje e daljeve të analizave laboratorit Tiranë.

Disa ditë më vonë po i njëjti subjekt ka tentuar të fusë në territorin e Republikës së Shqiperisë tre kamionë të mbushur me lopë e vica të cilet jane bllokuar nga ana e veterinereve te AKU-se dhe drejtorit ne doganen e Kapshtices pasi nr e matrikujve te ata dispononin nuk korespondonin me nr e matrikujve ne certifikatat veterinare greke! Në këtë rast të ri skandaloz, ka ndodhur dhe ngordhja e nje prej lopeve te ngarkeses se Aleksander L…mesa duket e semurë. Pasi është nxjerrë jashtë kamionit, është tërhequr nga A.L. privatisht në sy të inspektorëve të AKU.

 Ligji kerkon qe dergesa te ndalohet dhe te hyje ne karantinim 2 ditor nga pala greke. Por ne kete rast kjo nuk u aplikua aspak, pasi në lojë u fut ortaku grek i Aleksandër L. qe njihet si Zisi (nofkë), i cili dyshohet se shpesh zgjedh tufat e sëmura në Greqi dhe i transporton në Shqipëri me dokumenta të fallsifikuara me kamionet e tij për çmime tepër të ulëta. Në këtë rast, dërgesa ose tufa u çuan në një stallë në Ersekë të palicensuar nga AKVMB-ja, stallë e cila kishte thjeshtë një kontrate fiktive qiraje mes palëve në momentet e fundit para se tufa të arrinte në stalle.

Shtetasi Aleksandër L. ka edhe lidhje të tjera të forta me ministrin Niko Peleshi, pasi aktualisht dyshohet se po ndërton një ndërtim paleje në zonën e Bilishtit dhe IKMT-ja nuk ndërhyn.

Stallë e cila me datë 13 Maji 2024 ishte thuajse e përfunduar si ndërtim, ndërkohe që lejen e ndërtimit e ka marrë 10 ditë pas ndërtimit, me 23 Maji.

FENOMENI

Drejtor Fatmir Ozuni në dt.10 Maji 2024 ka urdhëruar veterinerin e shërbimit Baki Myrtollari që në bazë të një informacioni të mberritur tek ky i fundit për një tufë me lope e vica plot 78 copë qe do futeshin kondrabandë ne zonën e Ersekës, nga vija e gjelbert, që të bënte c’mos që të kapeshin dhe te kërkonte ndihmën e Policise së Shtetit, dhe më konkretisht të asaj të kufirit dhe në fakt operacioni u finalizua me sukses dhe në brendësi të territorit tonë u kapën 78 lopë e vica kontrabande.

Për këtë sukses dhe konflikteve Në MinIstrinë e Bujqësisë, drejtori i Përgjithshëm Fatmir Ozuni shkarkoi nga detyra Baki Myrtollarin, përse kreu detyrën e tij për tufen e lopeve në Ersekë.

Skemë kriminale e cila helmon familjet shqiptare me mish të sëmurë! Skemë e cila do demaskohet me të tjera dokumenta, fakte dhe të tjerë personazhe që shkelin ligjin dhe sigurinë ushqimore.

Faksimile të dokumentave të Autoriteteve Doganore dhe procesverbaleve të Veterinerëve Kufitarë Greke të përmendura më sipër:

Burimi: Faktor.al

ALERT! E bardhë veze e pasterizuar me Salmonela Infantis nga Italia në Shqipëri, AKU asnjë informacion për konsumatorët

Autoriteti Kombëtar i Ushqimit, më 31 maj është njoftuar nga sistemi RASFF për një produkt ushqimor me probleme, i prodhuar në Itali dhe i importuar dhe nga kompanitë shqiptare.

Bëhet fjalë për të bardhë veze të lëngshme të pasterizuar.

Autoritetet në Itali e kanë zbuluar këtë produkt me probleme gjatë kontrolleve në marketed he analizave, rezultatet e të cilave janë 25 për gram mikroorganizma patogjene, ndërkohë që rezultati duhet të jetë zero.

Vendit tonë i është kërkuar menjëherë tërheqja e produktit nga tregu, ndërsa Autoriteti Kombëtar i ushqimit nuk ka shpërndarë asnjë informacion për konsumtorit me imazhin e produktit dhe të dhënat tjera, si loti, afatet e përdorimit etj.

Ndërkohë, në faqen e AKU, njoftimi i fundit nga RASFF mban datën 28 shkurt 2024.

E bardha e vezës, si në rastin konkret, pas ndarjes nga e verdha dhe pasterizimit nuk shkon vetëm për industrine e përpunimit të ëmbëlsirave, makaronave etj, por shitet dhe në markete në paketime plastike apo tetrapak.

©Qendra ALERT

Pjatat plastike të prodhuara në Shqipëri hiqen për të dytën herë nga tregu Italian. Po në tregjet tona a gjenden? Institucionit, asnjë komunikim për konsumatorët

Ministria italiane e Shëndetësisë ka raportuar tërheqjen nga tregu të pjatave plastike të thella dhe të sheshta të markës “Rey Natura”, pjatave të ëmbëlsirave të markës “Rey Desserts” dhe pjatave të ushqimit “Rey Natura T500” të prodhuara nga kompania “Rey Plastica” në Durrës (përditësuar më 17/05/2024). Arsyeja e përmendur në njoftimin e tërheqjes është një shkallë e përgjithshme e migrimit që tejkalon kufijtë e lejuar. Pjatat në fjalë nuk janë në përputhje me dispozitat ligjore (neni 3, germa b, e rregullores KE 1935/2004), sipas të cilës materialet në kontakt me ushqimin në kushte normale përdorimi nuk duhet të transferojnë përbërës në sasi si p.sh. për të çuar në një modifikim të papranueshëm të përbërjes së tyre (migrim i substancave kimike).

Produktet e prekura shiten në pako prej 20 copë, të barabarta me 300 gram (poshtë dhe sipër) dhe 25 copë, të barabarta me 550 gram (ëmbëlsirë). Njoftimet në portalin e Ministrisë tregojnë se pllakat plastike të tërhequra mund të mos kenë numër grupi, ose, vetëm për ato të poshtme, i përkasin loteve P000001 OP02 05/12/2023 dhe P.09/10/2023 OP_2 (përditësuar 20 / 05/2024).

Kompania Rey Plastica SHPK prodhoi pjatat plastike të tërhequra në një fabrikë në Durrës, Shqipëri (shenja identifikuese L71325502Q).

Janarin e kaluar, Ministria në Itali kishte raportuar tërheqjen e pjatave të sheshta plastike Rey Natura, së bashku me ato të markës Super Rey, për shkak të migrimit të tepërt të substancave kimike (lexoni artikullin për tërheqjen e parë të pjatave të kompanisë Rey Plastica) .

Prandaj, si masë paraprake, rekomandohet të mos përdorni pllaka plastike me karakteristikat e treguara më sipër. Konsumatorët që mund të kenë produktet e tërhequra mund t’i kthejnë ato në pikën e blerjes, raporton Ilfattoalimentare.it

Për pjatat plastike të prodhuara në Durrës, Ministria e Shëndetësisë në Itali ka njoftuar që në janar dhe njoftimin e dytë për një tjetër sasi e ka bërë në muajin maj. Ndërkohë, autoritetet në Shqipëri nuk kanë pasur asnjë njoftim zyrtar nëse këto produkte me përmbajtje materialesh kimike a ndodhen në tregjet e marketet shqiptare? Përsa kohë kompania prodhon dhe eksporon në Itali, dyshimi i arsyetuar qëndron edhe në faktin se këto produkte janë të disponueshme për përdorim edhe në treg në Shqipëri e ndoshta dhe në Kosove e rajon.

@Qendra ALERT – Dedikuar Konsumatorit

Enë kuzhine plastike të markës “Mastërshef” të prodhuara në Kinë hiqen nga tregu

Ministria e Shëndetësisë në Itali ka raportuar tërheqjen nga tregu të një grupi enësh kuzhine plastike të markës “Masterchef” të prodhuara në Kinë dhe të shitura nga zinxhiri Action. Arsyeja e treguar në njoftimin për tërheqje është “migrimi i aminës aromatike parësore përtej kufijve ligjorë”. Seti në fjalë përbëhet nga lugë, skamer dhe shpatull, me numër loti 2023-10207.

Pavarësisht datës 24.04.2024, Ministria e Shëndetësisë e publikoi dispozitën vetëm sot, më 20.05.2024, me gati një muaj vonesë.

Kompania Arovo BV importoi kompletin e enëve plastike të tërhequra nga Kina. Selia e kompanisë është e vendosur në Doblijn 26, Amsterdam, Holandë.

Si masë paraprake, Action rekomandon të mos përdorni grupin e enëve të kuzhinës me numrin e mësipërm të lotit. Konsumatorët që mund të kenë produktin mund ta kthejnë atë në çdo pikë shitje të zinxhirit, ku do të rimbursohet edhe pa paraqitur faturën, njofton Ilfattoalimentare.it

Megjithëse nuk ka një Alert zyrtar për Shqipërinë apo Kosovën, këto produkte mund të gjenden edhe në tregjet apo marketet e vendeve tona. Ndaj, konsumatorët duhet të tregojnë kujdes duke verifikyar numrin e lotit. E kujdesi duhet të jetë më i madh nga blerjet online apo nëpërmjet telemarketingut.

@Qendra ALERT – Dedikuar Konsumatorit

 

Bustina çaji me Sibutraminë të ndaluar nga BE që në vitin 2010. Kujdes, ja ku gjendet

Ministria e Shëndetësisë së Italisë ka publikuar një alarm sigurie në lidhje me sekuestrimin e qeseve (bustinave) të çajit nga Turqia me një substancë të ndaluar. Në fakt, qeskat përmbajnë një ilaç me veprim dobësues. Produkti ka markën Meridetox Tea Premium (shih foton më poshtë) dhe mund të blihet në faqe të ndryshme të tregtisë elektronike, thotë Ministria. Italia e raportoi produktin në Sistemin Evropian të Paralajmërimit të Shpejtë për Ushqimin dhe Ushqimin Rasff (njoftim 2024.3007) më 15/04/2024. Megjithatë, paralajmërimi për konsumatorët është publikuar vetëm sot, më 30.04.2024.

Grupi i Policisë Financiare të Triestes dhe Seksioni Kundër Mashtrimit dhe Kontrollit Doganor zbuluan qeskat në fjalë të çajit të fshehura në një automjet që vinte nga Turqia që zbarkoi në portin e qytetit. Në total, autoritetet italiane sekuestruan 14,400 qese çaji Meridetox Tea Premium. Nga analizat e kryera në laboratorin e Doganës së Triestes u konstatua prania e sibutraminës, një substancë me aktivitet farmakologjik dobësues. Përdorimi i këtij përbërësi aktiv është i ndaluar në ushqime dhe suplemente ushqimore.

Sibutramina është një ilaç për uljen e oreksit që përdoret për trajtimin e obezitetit. Pas një rivlerësimi të sigurisë dhe efektivitetit të sibutraminës, Komiteti i Agjencisë së Barnave të Agjencisë Evropiane të Barnave arriti në përfundimin se përfitimet e ilaçit nuk i tejkalojnë rreziqet e mundshme. Prandaj, në vitin 2010, Bashkimi Evropian vendosi të pezullojë të gjitha autorizimet e marketingut për barnat që përmbajnë sibutramine, shkruan IlFattoalimentare.it

Këto çajra orfohen të shiten online dhe për Shqipërinë dhe Kosovën e ndoshta gjenden dhe në tregjet tona.

Fatkeqësisht, sibutramina përdoret ende si një shtesë për ilaçet bimore ose edhe në suplementet sportive. Dhe prodhuesit e tyre nuk raportojnë praninë e një substance të ndaluar në ushqim.

Lista e efekteve anësore nga përdorimi i sibutraminës është mjaft e gjatë. Ndër to janë:

Rritja e presionit të gjakut dhe rritja e rrahjeve të zemrës;

Rritja e rrezikut për goditje në tru, sulme në zemër;

nauze, diarre;

Agresiviteti, mungesa e kontrollit mbi sjelljen, ankthi;

shqetësim i shijes, humbje e oreksit, tharje e gojës;

Çrregullim i gjumit;

Vizion i paqartë;

Shkelje të termorregullimit, ndezje të nxehta, djersitje;

Shkelje e ciklit menstrual, impotencë;

Çrregullime mendore, depresion;

Varësia.

Përdorimi i sibutraminës është veçanërisht i rrezikshëm tek njerëzit me sëmundje të zemrës dhe hipertension. Edhe doza të vogla mund të çojnë në vdekje.

@Qendra ALERT

Abuzimi me blerjet online në “stratosferë”, qytetarët nuk denoncojnë, flasin ekspertët: Si të mbrohemi nga faqet e rreme

Nga Fation BINJAKU*

‘Shopping online’ po rezulton gjithnjë e më shumë në një tregti mashtrimi kundrejt qytetarëve. Të fshehur pas Instagramit apo Facebook-ut shumë prej subjekteve që tregtojnë veshje, produkte ushqimore apo elektronike, nuk janë të regjistruara në Qendrën Kombëtare të Biznesit, duke abuzuar kështu me të drejtat e konsumatorit.

Nëse bën një monitorim të thjeshtë nëpër faqe të tilla kupton se i njëjti produkt që ti do të blesh ka një diferencë në çmim me mesatarisht 10 deri 15 euro, dhe ky është vetëm një element mashtrimi kundrejt klientit. Kështu ka ndodhur me rastin që po ju rrëfejmë më poshtë. ‘’Për ditëlindjen e vazjës sime zgjodha të blija një fustan online, për arsye kohe me tepër. U nisa ta blija te një faqe e njohur që ka produkte të bukura dhe të mira. Kushtonte 35 euro. Ndërkohë që po lundroja në internet pashë se i njëti fustan pa asnjë ndryshim shitej në një tjetër faqe me çmimin 20  euro. Vendosa ta marr te kjo e fundit, dhe fustani ishte perfekt. Por nëse do e blija te faqja e parë do e merrja 15 euro më shtrenjtë plus dhe shërbimin për postën. Që atëherë vendosa që të ‘gërmoj’ gjithandej kur dua një produkt, dhe e porosis ku ta gjej më lirë,’’ thotë L.Zaimi, mami i dy vajzave.

Ankesat e konsumatorëve

Është e vështirë ti gjurmosh faqet online dhe të kërkosh ti kthesh produktin në rast se del i dëmtuar apo nuk vjen ashtu si ti e ke porositur në foton e reklamuar, kjo pasi jo vetëm që nuk kanë të dhëna të sakta  tek emërtimi i faqes dhe as numër kontakti, por edhe shkruajnë në krye të faqes se produkti i porositur nuk mund të kthehet apo të ndërrohet. Sipas të dhënave nga Ministria e Ekonomisë, (sektori që merret me monitorimin e subjekteve që operojnë online dhe mbrojtjen e konsumatorit), në vitin 2023 janë raportuar 85 ankesa, ku 20  prej tyre kanë qenë vetëm për blerjet online, ndërsa për 3 mujorin e parë të vitit 2024, janë listuar 14 ankesa për tregtinë online.  ‘’ Në përgjithesi per blerjet online është shumë e vështirë të zgjidhet një ankesë pavarësisht inspektimit që niset, pasi faqet nuk janë të regjistruara dhe nuk kanë NIPT. Konkretisht nga 14 ankesa që kanë ardhur për vitin 2024, vetëm 1 rast është zgjidhur, për shkak se nuk gjenden të dhënat e faqes si biznes,’’ shprehen specialistë pranë Ministrisë.

Edhe vetë qytetarët ankohen në denoncimet e tyre se në rastet e tregtisë/blerjeve të produkteve online hasin në mungesë informacioni në lidhje me identitetin e pronarit, kontaktet e tij, karaktersitikat e produkit, çmimi, mënyra e pagesës, trajtimi i ankesës apo koha e dorëzimit të porosisë. Gjithashtu një tjetër problematikë e vënë re është edhe mungesa e kuponit tatimor në momentin e dorëzimit të mallit, gjë që sjell më pas vështirësi në identifikimin e subjektit tregtar, në rast të një ankese nga konsumatori, sidomos në rastet e blerjeve në rrjetet sociale.  Për më tepër subjektet nuk njohin dhe nuk vënë në zbatim periudhën e garancisë ligjore të produktit 6 muaj deri në 2 vjet, për detyrimin e përputhshmërisë së mallrave, në rastet e blerjeve nga konsumatori të mallrave  të dëmtuara gjatë kësaj periudhe.

Si të mbrohemi nga mashtrimet online

Sipas Denisa Kele, pedagoge dhe eksperte e teknologjisë dhe inovacionit edhe vetë qytetarët duhet të bëjnë kujdes me ‘online shopping’ pasi krahas rasteve me mallra të dëmtuar vidhen edhe të dhënat personale duke i shtuar vetes edhe një tjetër risk.

‘’Entuziastët e fishing po fokusohen gjithnjë e më shumë drejt online shopping, duke sjellë kështu risqe të asociuara me vjedhjen e të dhënave personale. Por të gjithë duhet të mbajmë parasysh disa këshilla eseneciale për të kuptuar nëse një website/faqe online është mashtrim apo jo. Së pari le të bëjmë verifikimin e autenticitetit të faqes, duke kontrolluar për një adresë fizike në website, një numër kontakti dhe informacione të kompanisë. Bizneset e ligjshme janë transparente me të dhënat e tyre. Tjetër element është edhe siguria e faqes, pra të sigurohemi që faqja përdor enkriptim SSL duke kontrolluar për “https”. Gjithashtu ka edhe shumë domaine të faqeve të rreme: Domainet e faqeve të rreme zakonisht janë të ngjashme me ato të markave prestigjioze, duke e plotësuar me një shtesë, e cila në shikim të parë nuk shkakton shqetësim për blerësin (si p.sh. “Zaraitaly”, “Zarasales”). Domaini kryesor përmban emrin zyrtar, plus “.com” për kompani ose .org për organizata etj, si dhe vendin ku operon i licensuar .al në vendin tonë,’’ shpjegon Denisa.

Ka edhe të tjerë elementë për të cilat nëse informohemi paraprakisht na mbajnë larg risqeve dhe mashtrimeve me tregtinë online. Një ndër to janë edhe procesorët e pagesave, çka do të thotë se konsumatori duhet të përdorë procesorë të sigurt të pagesave si PayPal për të shmangur vendosjen e të dhënave të kartës. ‘’Nëse nuk keni një procesor të tillë, pagesa duhet të kryhet me një kartë krediti me limit të caktuar dhe jo me kartë debiti, e cila është e lidhur me llogarinë rrjedhëse,’’ thotë më tej ekspertja e cila rekomandon gjithashtu edhe shmangien e Wi-Fi së lire (free) në vende publike gjatë blerjeve online, pasi hackerat mund të krijojnë Wi-Fi të rreme për të aksesuar të dhënat tuaja. ‘’Para blerjes, kontaktoni me shërbimin për klientët për të bërë pyetje rreth produktit. Një përgjigje e shpejtë dhe e saktë ju jep informacionin e nevojshëm, dhe bëni kujdes ndaj emaileve apo ofertave promocionale, duke mos klikuar në emaile të tilla, veçanërisht kur ato ju prezantojnë me oferta me alogjikë mbi çmimin  e produktit,’’ këshillon më tej Denisa.

G.Treska e cila ka vite që merret me shitje online, thotë se është shumë e rëndësishme të jesh serioze me klientët për të patur sukses në biznesin online. ‘’Jam e gatshme që ti kthej përgjigje çdo pyetje që ata kanë mbi produktin, edhe t’ua jap mundësinë e kthimit apo ndërrimit në rast se nuk iu përshtatet produkti për arsye të ndryshme dhe kështu kam krijuar një raport besimi me klinetët e mi që më japin dhe siguri për vijimin e punës sime, ndërkohë që sa vjen edhe kemi konkurencë në  tregun online se çdo ditë po hapen shumë faqe, dhe mendoj që ky raport besimi dhe serioziteti me klientët është çelësi i suksesit për ecurinë e një biznesi jo vetëm online por edhe fizkisht,’’ thotë G.T, e cila ka rreth 3 vite që tregton online produkte kozmetike por edhe veshje ‘second hand’.

Apeli për të rritur denoncimet

Rastet dhe eksperiencat janë të shumta, po ashtu edhe abuzimi në kurrriz të qytetarëve. E.Canaj prorositi një dhuratë për ditëlindjen e mbesës së saj, një kostum të një marke të njohur ndërkombëtarisht, por kur produkti erdhi në shtëpi dhe ajo hapi paketimin, pa që etiketa ku shkruhej emri i firmës ishte e prerë me gërshërë. E irrituar kontaktoi faqen duke i kërkuar llogari, dhe për ditë të tëra nuk mori përgjigje. Vetën në momentin që i shkruajti se do ta denonconte faqen pranë organeve kompetente sipas ligjit atëherë i kthyen përgjigje duke i kërkuar falje me arsyetimin se produkti nuk është i dëmtuar por se në doganë u presin etiketën, meqënese mallart që ata furnizojnë nuk janë produkte origjinale të markës në fjalë.

Nga ana tjetër edhe vetë qytetarët apo klientët kanë peshën e tyre të fajit sepse nuk vijojnë me hallkat e denoncimit sipas rastit, por mjaftohen me faktin që e bëjnë block faqen me të cilin nuk janë të kënaqur, bëjnë review negative, dhe nuk porositin sërish aty. Sipas të dhënave zyrtare nga Autoriteti Kombëtar i Ushqimit, numri denoncimive është shumë i ulët në raport me pakënaqësitë e njerëzve që dëgjojmë rreth e rrotull nesh. Për vitin 2023 janë evidentar vetëm 4 denoncime për raste të mashtrimeve me blerjet online për produkte ushqimore. ‘’Në rastet e denoncimeve të mashtrimit të blerjeve të produkteve online, procedura e ndjekjes për verifikim nga Autoriteti Kombëtar i Ushqimit, në të tilla raste është e njëjtë me procedurën normale për verifikim të denoncimeve që vijnë pranë AKU nga kanale të ndryshme komunikimi; Krijimi i çështjes;Delegimi në qarkun ku ndodhet subjekti; Verifikimi nga qarku (nipt, adresë dhe aktivitet që ushtron subjekti. Gjatë vitit 2023 janë evidentuar 4 raste të tilla të denoncuara nga konsumatorët pranë AKU,’’ thonë autoritetet zyrtare pranë AKU, ndërsa ftojnë çdo qytetar që të mos ngurrojë të bëj denoncimin në rrugë zyrtare duke adresuara problematikën konkrete.  Denoncimet e qytetarëve në AKU vijnë në kanalet e saj të komunikimit:[email protected]; Numri i gjelbër 08007575; Në rrjetet tona sociale; Në mënyrë shkresore. Lidhur me masat e reja që do të ndërmerren gjatë ketij viti për ta reduktuar këtë fenomen, Autoriteti Kombëtar i ushqimit u bën thirrje konsumatorëve që të jenë sa më vigjilent në blerjen e produkteve si dhe ti drejtohen institucionit në të gjitha rastet kur pretendohet për cenim të sigurisë ushqimore apo produkteve të tjera.

*Autori i shkrimit është gazetar me perfoje 15 vjeçare ne mediat e shkruara dhe elektronike. Aktualisht drejton median online Panorama.

 

 

 

** Ky publikim është prodhuar në kuadër të projektit “ALERT pë mbrojtjen e konsumatorit”, me mbështetjen e Programit #SustainMedia, i bashkëfinancuar nga Bashkimi Evropian dhe Qeveria Gjermane. Përmbajtja e tij është përgjegjësi e vetme e Qendrës ALERT dhe nuk pasqyron domosdoshmërisht pikëpamjet e BE-së ose të qeverisë gjermane.

Vëzhgimi i “Alert”/ Trendi i markave të produkteve kozmetike të rrugës, ‘kurth’ për shëndetin e lëkurës dhe të xhepit. Ja çfarë duhet të keni kujdes

Nga Biora Vojka*

Trendi i kohëve ka qenë dhe mbetet bukuria, e thënë ndryshe të jesh gjithmonë i ri. Por, bukuria vjen edhe me një faturë të kripur nga ana shëndetësore dhe ajo ekonomike. Kryesisht femrat shndërrohen në klientë potencialë të një çante tualeti të mbushur, që nxjerr në pah tiparet e fytyrës, duke rënë kështu pre e tregut kozmetik të rrugës që disponon variacione produktesh të markave të shtrenjta. Në pamundësi ekonomike për të aksesuar produktet kozmetike me çmimin real të firmave që i sjellin në treg, shpesh bëhen edhe kompromise të rrezikshme me blerjen e imitimeve. Pasi nëse kërkon të përdorësh një produkt cilësor dhe të efektshëm fatura e tij është pak e kripur dhe jo gjithmonë e përballueshme.

Përgjatë një vëzhgimi të Qendrës “Alert” u vunë re tregje informale, apo tezga ku tregtohen kremra nga të gjitha llojet, buzëkuq, fondatina, rimel, penel, tone, parfume, manikyr, qerpikë, thonj etj. Përveçse mund t’i gjesh shumë lehtë, pasi gati në çdo rrugë të kryeqytetit, ato janë edhe shumë të lira. Çmimet e tyre variojnë nga 100 deri në 1200 lekë. Problemi i këtyre produkteve është se tregtohen në kushte të papërshtatshme dhe shpeshherë janë mallra të dyshimtë dhe pa vend origjine.

Oksidimi shkak për alergjizma

Dermatologia Blerta Gjoni  këshillon që të bëhet kujdes në përzgjedhjen e produkteve që shiten në kushte të papërshtatshme pasi mund të kthehet në rrezik serioz për trupin, sidomos në rastet kur produkti oksidohet. Aroma dhe ngjyra e një produkti kozmetik janë faktorë që duhen patur në vëmendje. Por duhet të theksoj që mbrojtja e oksidimit të lipideve tek kremerat është e rëndësishme, pasi shumë prej tyre kanë jetëgjatësi të kufizuar për shkak të oksidimit të eksponentëve, gjë që mund të rezultojë në ndryshimin e tyre dhe rrjedhimisht shkakton probleme të alergjizimit në fytyrë qafë e dekolte. Kjo problematikë mund të shfaqet, edhe pas disa ditësh të përdorimit të këtyre produkteve pa e kuptuar që në fillim, se nuk është ai i duhuri për tipin e lëkurës, moshës po ashtu edhe për problemet e lëkurës që zgjedhin për t’i përdorur, në mënyrë që t’i japin zgjidhje problemeve si : aknet, njollat në fytyrë, rrudhat e para tek syri apo mbulimi i këtyre probleme me kremra tinted ( me ngjyrë).

Mund të them që përbërësit më të ndjeshëm tek kremerat janë ingrendientët si retinoli, çaji jeshil, vitamina C dhe vajra të pangopura që oksidohen më shpejt, dhe nëse nuk mbahen në kushte të duhura përdorimi i tyre shkakton probleme të alergjive të formave nga më të lehta deri të moderuara me përhapje dhe sistemike të alergjisë në zonat e kyqeve të ekstremiteteve të trupit. Përveç këtyre mund të krijojnë edhe njolla hiperpigmentimi ose akne e folikulit . Kini kujdes kur serumi i vitamines C merr ngjyrë kafe të errët, pasi tregon se serumi i është oksiduar dhe nuk do të jetë aq efektiv dhe duhet të hidhet poshtë. Parandalimi i oksidimit të kremrave dhe serumeve të kujdesit të lëkurës bëhet në disa mënyra si:

 1-Të zgjidhni kremëra me përmasa më të vogla nëse nuk e përdorni produktin çdo ditë.

2-Ekspozimi ndaj dritës dhe ajrit mund të shkaktojë oksidim, ndaj mos harroni të mbyllni fortë paketimin.

3- T’i mbani ato në një vend të freskët. Ruajtja në një frigorifer specifik për kujdesin e lëkurës është më e mira që mund të bëni.

4-Shmangni vendosjen e tyre direkt sapo dilni në rrezet e diellit.

5-Një mënyrë tjetër, është të kërkoni produkte me formula të qëndrueshme të vitaminës C, si acidi etilik askorbik. Këto janë më pak të prirur ndaj oksidimit.

Njohja e shenjave kremrave dhe serumeve të oksiduar dhe marrja e masave parandaluese siguron që regjimi juaj i kujdesit të lëkurës të mbetet efektiv. Nëse vëreni prishje të ngjyrës, lëngëzim të kremrave, ndjarje të pjesëve në të ngurtë dhe të lëngshme, ose tharje të produktit, mos i injoroni ato!

Kurat e shtrenjta

Farmacistja Oltjana Miftari tregon për “Alert” se trajtimi i alergjive i shkaktuar nga produktet kozmetike varion nga 500-1200 kur përfshin vetëm krem për trajtim lokal dhe në gjendje më të rënduara kur arrin 2000-4000 trajtimi që ka domosdoshmëri edhe për medikamente orale. Ndër të tjera Miftari shpjegon se risku i produkteve kozmetike të lira që nuk kalojnë në asnjë rrjetë kontrolli, mbartin rrezik të madh, edhe sa i përket sasisë së duhur të përbërësve, si parabene, formaldehid, mërkur,arsenic etj,. të cilat mund të shkaktojnë dëmtime të përhershme në lëkurë  si: Tharje të lëkurës dhe plakje të parakohshme, akne dhe inflamacione të lëkurës. “Në farmaci më ka ndodhur shpesh të më vijnë pacientë, të cilët kanë pasur probleme dermatologjike të rënda nga produkte kozmetike, ndaj është e rëndësishme ndërgjegjësimi,por edhe kontrolli nga autoritetet përkatëse, që janë në zinxhirin fillestar të përgjegjësisë”, tha ajo.

Ligji për mbrojtjen e përdoruesve nga kozmetika zbatohet vetëm në letër

Ligji i ri nr. 26/2017 date 16.03.2017 “Për produktet kozmetike” përcakton kërkesat që duhet të përmbushë çdo produkt kozmetik i vendosur në treg me qëllim mbrojtjen e shëndetit të përdoruesve dhe garantimin e funksionimit të tregut të brendshëm. Por në praktikë , tezgat me produkte të pasigurta po cenojnë rëndë shëndetin e qytetarëve.

*Autorja e këtij shkrimi është gazetare me eksperiencë 5-vjeçare në media të shkruara dhe online. Aktualisht punon në Gazetën Telegraf.

 

** Ky publikim është prodhuar në kuadër të projektit “ALERT pë mbrojtjen e konsumatorit”, me mbështetjen e Programit #SustainMedia, i bashkëfinancuar nga Bashkimi Evropian dhe Qeveria Gjermane. Përmbajtja e tij është përgjegjësi e vetme e Qendrës ALERT dhe nuk pasqyron domosdoshmërisht pikëpamjet e BE-së ose të qeverisë gjermane.

Alert nga RASFF: Kroacia kthen mbrapsht ngarkesën me lakra nga Shqipëria, me përmbajtje të lartë pesticidesh

Perimet shqiptare vazhdojnë të rezultojnë me probleme në vendet e Bashkimit Evropian. Sistemi i Alarmit të Shpejtë i Komisionit Evropian për produktet ushqimore, RASFF, ka publikuar së fundmi se më 26 mars është kthyr për në vendin e origjinës një ngarkesë nga Shqipëria me lakra të freskëta. Sipas njoftimit, autoritetet e Kroacisë, pas kontrollit kufitar dhe analizave pa u fundit ende në terrirotin e këtij vendi, ka rezultuar se ngarkesa e lagrave nga Shqipëria është e kontaminuar dhe ka rezultuar me përmbajtje të pesticidit Metalaxyl, një fungicide ky që po sipas faqs së RASFF, nuk ka një normativë, por nuk duhet të ketë mbetje në të. Sipas analizave të autoritetve kroate, ka rezultuar se prania e Metalaxyl është 0.15 mg/kg, shifër kjo shumë e lartë edhe nëse normative e mëhershme e lejueshme prej 0.01 mg do të ishte ende e lejuar.

Njoftimi për refuzimin në kufi është publikuar nga RASFF më 26 mars, ndërsa kamionët për analiza janë marrë më 21 mars.

Qendra ALERT

 

ALERT!!! Këta tasa pkastikë kinezë me përmbajtje të lartë të melaminës, mund t’ju rrezikojnë shëndetin. Gjenden dhe në Shqipëri

Produktet në kontakt me ushqimin vazhdojnë të paraqesin rreziqe për konsumatorët. Njoftimi i fundit që ka ardhur pra autoriteteve shqiptare, konkretisht pranë Autoritetit Kombëtar të Ushqimit nga RASFF I Komisionit Evropian, është për një seri tasash plastikë me origjinë nga Kina, në të cilët, prezenca e melaminës dhe migrimi I saj në ushqim, përbëjnë rrezik serioz për shëndetin.

Sipas njoftimit të RASFF, i datës 5 mars 2024, në tasat e melaminës, pas analizimit, u demonstrua migrimi i tepërt i melaminës, (kalimi në ushqim pas kontaktit me produktin) në sasi të mëdha dhe konkretisht, 2,6 +/-0,7; 5,2 +/-1,3; 1,8+/- 0,5 mg/kg – ppm nga 2.5 mg/kg.

Bëhet fjalë për tasat e zi që shikoni në foto, me numër artikulli T8164Z, Kodi EAN: 8024112006042 dhe numër loti: 22/01.

Supas njoftimit të RASFF, i cili e konsideron si rrezik serioz, autoritetet duhet të ndërhyjnë për heqjen nga tregu, ose konsumatorët që mund ta kenë në shtëpitë e tyre, të mos e përdorin.

Shqipëria është një ndër ato vende ku është shpërndarë ky produkt dhe mund të jetë importuar nga Italia apo Polonia, nga dy subjekte që kanë bërë distribucionin në Evropë, ndërsa produkti është i prdhuar në Kinë.

Megjithëse si produkt në kontakt me ushqimin, njoftimi i ka ardhur AKU-së, institucioni që ndërhyn për heqjen nga tregu është Inspektoriati Shtetëror i Mbikqyjres së Tregut, pasi është pridukt joushqimor.

Megjithatë deri sot, nga ky inspektoriat nuk ka bërë asnjë njoftim për konsumatorët, as në faqen e tij për konsumatorët apo masat e marra.

Po çfarë është Melamina?

Ajo është një përbërës me bazë azoti që përdoret nga shumë prodhues për të krijuar një sërë produktesh, veçanërisht enët plastike. Ndërsa melamina gjendet gjerësisht në shumë artikuj, disa njerëz kanë ngritur shqetësime për sigurinë, pasi përbërja mund të jetë toksike.

Çështja e sigurisë është se melamina mund të migrojë nga pjatat në ushqim dhe të çojë në konsumim aksidental. Administrata e Ushqimit dhe Barnave në SHBA, (FDA) ka kryer teste sigurie mbi produktet me melamine. Shembujt përfshijnë matjen e sasisë së melaminës së depërtuar në ushqim kur melamina është mbajtur në temperatura të larta për disa orë.

FDA ka zbuluar se produktet acidike, të tilla si lëngu i portokallit ose produktet me bazë domate, priren të kenë nivele më të larta të migrimit të melaminës sesa ato jo acide.

A ka ndonjë rrezik apo efekte anësore?

Shqetësimi kryesor me melaminën është se një person mund të përjetojë helmim nga melamina.

Një problem tjetër me toksicitetin e melaminës është se mjekët nuk i kuptojnë plotësisht efektet e ekspozimit kronik të melaminës. Shumica e hulumtimeve aktuale vijnë nga studimet e kafshëve. Ata e dinë se disa shenja të helmimit me melaminë përfshijnë: gjak në urine; dhimbje në krahë; presion të lartë të gjakut; nervozizëm; nevoja urgjente për të urinuar.

©Qendra ALERT