Gripi i shpendëve H5N1 u konfirmua për herë të parë në Shqipëri këtë sezon në fillim të marsit 2025, duke ngritur shqetësime mbi ndikimin e tij në sektorin e shpendarisë dhe shëndetin publik. Autoritetet veterinare zbuluan vatrën e parë në një stabiliment të madh prodhimi, duke nisur menjëherë masat për kontrollin dhe izolimin e sëmundjes.
Ndërsa situata dukej nën kontroll, një tjetër goditje erdhi me konfirmimin e gripit të shpendëve në stabilimentin e kompanisë AIBA, një nga operatorët kryesorë në sektorin e shpendarisë në Rrashbull, Durrës. Brenda një kohe të shkurtër, 1,848 pula ngordhën si pasojë e infeksionit, duke e detyruar Ministrinë e Bujqësisë dhe Zhvillimit Rural të shpallte gjendjen e karantinës në këtë fermë.
Autoritetet reaguan duke vendosur ndalimin e menjëhershëm të shitjes dhe tregtimit të shpendëve të gjallë në disa njësi administrative përreth Durrësit, përfshirë Sukthin, Manzën, Katundin e Ri, Mamimasin, Gjepalajn, Rashbullin, Thumanën, Bubqin, Prezën dhe Vorën. Shërbimi veterinar rajonal dhe ekspertët e Autoritetit Kombëtar të Veterinarisë dhe Mbrojtjes së Bimëve nisën kontrolle të detajuara në fermat e tjera për të parandaluar përhapjen e mëtejshme të sëmundjes.
Përhapja e virusit nuk u ndal me kaq. Brenda pak ditësh, një vatër e tretë u konfirmua në pula shtëpie në fshatin Maliq Muço, pjesë e njësisë administrative Rashbull. Ky zhvillim ngriti alarmin për mundësinë e transmetimit të infeksionit në fermat e vogla familjare, duke e bërë situatën edhe më të ndjeshme për sektorin bujqësor dhe tregun e mishit të shpendëve.
Përballë përhapjes së gripit të shpendëve, Ministria e Bujqësisë dhe institucionet përkatëse thirrën mbledhjen e Qendrës Kombëtare të Krizës, me pjesëmarrjen e përfaqësuesve nga Ministria e Mjedisit dhe Turizmit, Ministria për Pushtetin Vendor dhe Instituti i Shëndetit Publik. U vendosën masa të reja për kufizimin e lëvizjes së shpendëve, rritjen e kontrolleve sanitare dhe testimin e shpendëve përpara çdo lëvizjeje në treg.
Shërbimi veterinar po vijon monitorimin e fermave në zonat e mbrojtjes dhe mbikëqyrjes, duke marrë mostra dhe duke kryer analiza laboratorike për të shmangur përhapjen e mëtejshme. Deri më tani, janë inspektuar mbi 200 ferma dhe janë testuar mijëra shpendë për praninë e virusit.
Autoritetet u bëjnë thirrje fermerëve dhe shpendërritësve të jenë vigjilentë dhe të raportojnë çdo rast të dyshimtë të ngordhjes së shpendëve në shërbimin veterinar rajonal, duke shmangur kontaktin me kafshët e infektuara. Numri i gjelbër 08003366 dhe adresa e emailit [email protected] janë
