Tema: Ushqimi për kafshë dhe konsumatori Të ftuar: Festim Shytaj

Në emisionin Alert, të moderuar nga Granit Sokolaj, këtë të premte po diskutohet tema “Ushqimi për kafshë dhe konsumatori”.

Gjatë bisedës, Polikseni Drazho, nga Sektori i Aktivitetit Shkencor dhe Komunikimit me RASFF në AKU, shpjegoi procedurat ligjore dhe teknike për kontrollin e lëndëve të para të importuara. Ajo tha se:

• Nëse një kamion rezulton pozitiv, ai bllokohet menjëherë,

• Vetëm nëpërmjet gjurmueshmërisë së plotë mund të identifikohet burimi i problemit,

• Gjurmueshmëria është e vlefshme vetëm kur analizat kryhen nga një laborator i palës së tretë dhe i paanshëm,

• Në rast se lind dyshim për fletën e analizës që shoqëron misrin e importuar, ngrihet një denoncim zyrtar.

Nga ana tjetër, në debat u përfshi edhe Dashamir Çela, përfaqësues i Shoqatës “Blegtorët Prodhues të Qumështit”. Ai u shpreh se fermerët kanë dyshime serioze mbi fletët shoqëruese të misrit të importuar, pasi rezultatet e analizave shpesh nuk përputhen me cilësinë reale të produktit.

Sipas Çelës, kjo situatë u shkakton fermerëve humbje dhe rrezik për sigurinë ushqimore, ndaj kërkohet kontroll më i rreptë doganor dhe verifikim i dokumentacionit që shoqëron çdo ngarkesë.

Në emisionin Alert, të moderuar nga Granit Sokolaj, këtë të premte po diskutohet tema “Ushqimi për kafshë dhe konsumatori”. I ftuar në studio Festim Shytaj, Përgjegjës i Sektorit të Ushqyerit të Kafshëve në Ministrinë e Bujqësisë dhe Zhvillimit Rural.

Gjatë diskutimit, Shytaj foli për gamën e produkteve ushqimore që përdoren në blegtori, si ato të prodhuara brenda vendit ashtu edhe ato të importuara. Ai sqaroi se:

• Pjesë e ushqimeve dhe lëndëve të para vijnë nga vende si Argjentina, një pjesë si produkte të gatshme dhe një pjesë si lëndë të përpunueshme,

• Shtesat ushqimore të lejuara në Shqipëri janë të listuara qartë, dhe çdo subjekt duhet të veprojë në përputhje me këtë listë zyrtare.

Shytaj theksoi se ushqimet e medikuara, të cilat mund të ndikojnë në rritjen e rezistencës mikrobiale, përdoren vetëm:

• Me recetë të veterinerit,

• Në raste të justifikuara mjekësore,

• Deri në eliminimin e plotë të produktit nga organizmi i kafshës.

Në vijim ai u ndal te veçoria e prodhimit vendas. Sipas tij, Shqipëria është e bekuar që prodhon vetë voluminozët ushqimorë, si misrin, jonxhën dhe foragjere të tjera, megjithëse kjo kërkon:

• Kosto më të larta të ujitjes,

• Kosto shtesë të analizimit të ushqimit,

• Rritje të shpenzimeve për prodhimin vendas.

Megjithatë, theksoi ai, kjo vetëprodhimësi rrit sigurinë dhe gjurmueshmërinë e ushqimit për kafshët dhe, në fund, cilësinë e produkteve që marrin konsumatorët.

Në emisionin Alert, të moderuar nga Granit Sokolaj, këtë të premte u diskutua  tema “Ushqimi për kafshë dhe konsumatori”. I ftuar në studio ishte i ftuar  Festim Shytaj Përgjegjës i Sektorit të Ushqyerit të Kafshëve në Ministrinë e Bujqësisë dhe Zhvillimit Rural.

Gjatë diskutimit, Shytaj sqaroi mënyrën se si funksionon plani i monitorimit të bizneseve që operojnë në sektorin e ushqimit për kafshë. Ai tha se çdo subjekt inspektohet në bazë të:

• Historikut të kontrollit, që mund të jetë 1-vjeçar ose 3-vjeçar,

• Frekuencës së shkeljeve ose konstatimeve të mëparshme,

• Rrezikut që paraqet biznesi në tregun ushqimor.

Sipas tij, nga këto kontrolle përcaktohet nëse subjekti rezulton “00”, pra pa asnjë ngarkesë, ç’ka i lejon të vijojë normalisht aktivitetin. Në rast të konstatuar shkeljesh, tha Shytaj, biznesi bllokohet deri në plotësimin e detyrimeve ligjore dhe eliminimin e rrezikut.

Ai nënvizoi se qëllimi i këtij monitorimi është të garantojë sigurinë e ushqimit për kafshët dhe, rrjedhimisht, sigurinë ushqimore për konsumatorin.

Në emisionin Alert, të moderuar nga Granit Sokolaj, këtë të premte U diskutua  tema “Ushqimi për kafshë dhe konsumatori”. I ftuar në studio është edhe Dashamir Çela, nga Shoqata “Blegtorët Prodhues të Qumështit”.

Gjatë bisedës, Çela ngriti shqetësimin e fermerëve lidhur me cilësinë e misrit të importuar, i cili sipas tyre shpesh nuk përputhet me të dhënat e deklaruara në fletën shoqëruese të produktit.

Sipas tij:

• Analizat e kryera jashtë vendit kanë treguar devijime nga cilësia e deklaruar,

• Për këtë arsye, fermerët kanë ndërprerë përdorimin e misrit të importuar për të ulitur nivelin e aflatoksinës në ushqimin e blegtorisë,

• Kjo situatë ka sjellë kosto të shtuara për fermerët, të cilët detyrohen të gjejnë alternativa sigurie.

Çela theksoi se kontrolli rigoroz në doganë është domosdoshmëri, në mënyrë që produktet jo të sigurta të mos përfundojnë në fermë dhe fermerët të mos detyrohen të hedhin poshtë qumështin apo të pësojnë humbje të tjera ekonomike.