Menu

Uncategorized

Çmimi i domates me 20 lekë/ Në Petovë fermerët hedhin në kanal prodhimin: S’ka treg

Mbi 100 fermerë në Petovë të Fierit kanë investuar në sera për kultivimin e perimeve. Ata ankohen se nuk po gjejnë treg, ndërsa janë detyruar të hedhin me qindra kilogram domate. Në prag të sezonit të festave, fermerët thonë se tregu është i bllokuar dhe produktet e tyre nuk shiten. Sezoni i tyre duket i dështuar dhe fermerët nuk kanë siguruar as shpenzimet e mbjelljes dhe rritjes së produktit të domates. Ndihma nga shteti nuk duket gjëkundi sipas prodhuesve të perimeve, të cilët kërkojnë që produktet e tyre të mos të përfundojnë në kanale.

“Të vijë dita që ta bësh prodhimin të mirë dhe ta shesësh me 10, 20 lekë, nuk ja vlen fare për ne fermerët. Plehrat për ne janë shumë të shtrenjta. Nuk arrijmë dot të përballojmë cmimin e plehut duke shitur domate”- tha një fermere.

“Ishte 20 ditë çmim shum i mirë. Shkoi 20 lekë. Ne nuk na leverdisë pasi nuk del kostoja. Shteti nuk na ka ndihmuar, as me subvencionime. Para disa ditësh i hodha domatet se nuk kishte treg”- tha një fermer.

Kjo nuk është hera e parë kur fermerët e zonës së Lushnjes, Fierit, Beratit, Korçës, ankohen për mungesën e tregut për prodhimet e tyre. Shpesh tregu gjendet i bllokuar dhe çmimi i perimeve bie në mënyrë drastike. E njejta gjë nuk ndodh për konsumatorët të cilët gjejnë në tezgat e tregtarëve fruta-perime me çmim nga 70 deri në 120 lekë.

Marrë nga: News 24
Qendra Alert / Alert.al

VIDEO/ Në kulmin e sezoni të shitjeve, fermeri ankohet se në serat e tij ka prodhim por s’ka treg

Fusha e Myzeqesë edhe këtë vit ka prodhim të bollshëm të perimeve. Fermerët kanë kultivuar në sera varitete të ndryshme të perimeve, por kryesisht domate e kastraveca. E në një kohë kur ky prodhim është rritur dhe gati për t’u hedhur në treg, fermerët e kanë të vështirë të gjejnë blerës. Kjo për faktin se kërkesa për këto produkte është nën kosto. Kështu, rasti konkret vjen nga fermeri Vladimir Çela. Në serat e tij ai ka kultivuar këtë vit kastraveca.

Arkat janë mbushur plot por çmimi i këtij produkte nuk justifikon mundin e vitit. Nëpërmjet një video denoncimi në rrjete sociale, fermeri ankohet se me çmimin aktual pre 20 lekësh, ai nuk mbulon dot as kostot e prodhimt. Kryesisht fermerët e zonës e blejnë farë, po ashtu edhe produktet plehrues si dhe ilaçet e ndryshme për spërkatje të bimës. Të gjitha këto kost, Vladimir Çela thotë se është e pamundur t’i kompesosh me çmimin e tregut.

Në këtë pikë fermerët kërkojnë ndërhyrjen e qeverisë dhe Ministrisë së Bujqësisë për të ndërhyrë në rregullimin e tregut. Nëse flasim për kryeqytetin, një kilogram kastravec shitet nga 70 deri në 100 lekë, ndërkohë që fermeri nuk e shet dot as me 20 lekë. Diferenca është e madhe. Pa harruar dhe eksportin e perimeve shqiptare drejt Ballkanit dhe Europës. Të shumta kanë qenë rastet kur fermerët janë detyruar t’i hedhin në kanal prodhimet e tyre për shkak të mungesës së tregut.

Qendra Alert / Alert.al

"Sistemet zgjedhore dhe komunikimi politik", zhvillohet kursi i dytë i Shkollës së Studimeve Politike

“Përgatisim brezin e ri të liderve” është slogani i Shkollës së Studimeve Politike, e cila prej vitit 2007, ka edukuar e diplomuat qindra lider të rinj, projekt i Akademisë së Studimeve Politike. Në këtë kuadër, fundjavën e kaluar u zhvillua kursi i dytë kombëtar i Shkollës Shqiptare së Studimeve Politike me temë, “Sistemet zgjedhore dhe komunikimi politik” u zhvillua në datat 25-26 shtator 2020 në ambjentet e hotel Rogner në Tiranë.

Florian Hobdari, eksperti i çështjeve zgjedhore pranë Prezencës së OSBE në Tiranë, prezantoi në ditën e parë të kursit një analizë të rekomandimeve të raporteve të OSBE/ODIHR për zgjedhjet në Shqipëri. Diskutimi ndihmoi për të hedhur gjithashtu më shumë dritë mbi ecurinë e reformës zgjedhore aktuale dhe rolin e faktorit ndërkombëtar në arritjen e një konsensusi mbi këtë reformë. Diskutimi mbi sistemet zgjedhore u plotësua më tej falë sesionit të ekspertit të reformave zgjedhore, z. Kastriot Islami, duke trajtuar problematikat e hasura në sisteme të ndryshme zgjedhore në 30 vitet e fundit.

Politologu Afrim Krasniqi trajtoi gjithashtu në këtë kurs temën e “Sistemit të vlerave dhe karrierës në partitë politike”, të lidhura ngushtësisht me demokracinë e brendshme partiake, si parakusht për të garantuar një përfaqësim më të mirë të vullnetit të qytetarëve dhe cilësine e listave të kandidatëve.

Moduli i dytë i kursit u fokusua në komunikimin politik dhe fushatat elektorale. Z. Neritan Sejamini, ekspert i politikave publike, solli një analizë kritike mbi strategjitë e komunikimit të partive politike, si një faktor i rëndësishëm për fushatat elektorale dhe rezultatet e zgjedhjeve.

Teknikat e komunikimit politik u plotësuan më tej më një diskutim online nga SHBA me konsulentin politik Jim Arkedis, me mbi 15 vite eksperiencë në fushatat politike amerikane. Z. Arkedis solli një panoramë të mesazheve dhe strategjive që po përdorin kandidatët në fushatën elektorale presidenciale në Shtetet e Bashkuara, duke ofruar një qasje krahasimore me eksperiencën e komunikimit në Shqipëri.

Qendra ALERT / Alert.al

Shkëndija e Tetovës, i vetmi ekip shqiptar që kualifikohet në raundin e tretë të Europa Lague dhe sjell në Shkup Totenham. Ja si festohet... Foto/Video

Klufi i futbollit “Shkëndija” e Tetovës, duket se po bën historinë. Ekipi tetovar, i financuar nga Ecolog International  është kualifikuar në rundin e tretë eliminator të Ligës së Evropës, pasi ka mundur në Rumani klubin e Botosanit.

Shkëndija është i vetmi ekip shqiptar i mbetur në turin e tretë, pasi edhe tri ekipet nga Shqipëria, Kukësi, Laçi dhe Teuta janë eleminuar në turin e dytë, nga skuadrat, respektivisht, Wolfsburg, H.Beer Sheva dhe Granada.

Skuadra e Ernest Gjokës ka mposhtur Botosanin në Rumani me rezultat 0:1 ndërsa në turin e tretë e pret ekipi britanik, Totenham.

Momendi i golit nga Ibrahimi:

Golin e vetëm dhe të fitores për tetovarët e shënoi Besart Ibraimi në minutën e tretë të ndeshjes.

Pas ndeshjes, futbollistët e Shkëndijës festuan me të madhe në zhveshtoret e stadiumit në Rumani.

Me këtë fitore, Shkëndija kualifikohet në rundin e tretë eliminator.

Shkëndija e Tetovës do të presë në kryeqytetin e Maqedonisë së Veriut, Shkup ekipin legjendar britanik, në një lojë që do të shënohet si një ndër sukseset e radhës së ekipit. Kjo, pasi Shkëndija solli në Maqedoni edhe skuadra të mëdha të futbollit me emër botëror dhe evropian, si Milan, Gent, Aberdeen apo Salzburg.

Në videon e mëposhtme, festa e stafit dhe futbollistëve të Shkëndijës në dhomat e zhveshjes, pas fitores së mbrëmshme.

Alert.al

Eksperti ngre alarmin: Blegtoria në gjendje dëshpëruese, kemi rënie drastike të krerëve

Viti 2019 ishte negativ për sektorin e blegtorisë, madje në këto 3 vitet e fundit ka shënuar një rënie drastike të krerëve dhe të prodhimit të qumështit. Sipas të dhënave të INSTAT, vitin e kaluar u regjistrua një rënie e numrit të krerëve te bagetive dhe e prodhimit për shumicën e produkteve të blegtorisë. Produkti kryesor i këtij sektori, qumështi pësoi një rënie të prodhimit me gati 3% për vitin e kaluar dhe sasia vjetore e prodhuar zbriti në 1.11 milionë tonë. Kjo rënie i detyrohet sidomos pakësimit drastik të numrit të gjedhëve. Sipas Instat, numri i përgjithshëm i gjedhëve ra në 416 mijë krerë, 11% më pak krahasuar me vitin 2018. Kjo ka një ndikim përcaktues në prodhimit e qumështit në vend, duke qenë se lopët janë mbi 85% të prodhimit.

Por, nga ana tjetër, edhe numri i bagëtive të imta pësoi rënie, me rreth 6%, si për delet, ashtu edhe për dhitë. Përveçse te qumështi, rënia e numrit të krerëve u pasqyrua edhe në prodhimin e mishit në vend, që u tkurr me 3% krahasuar me një vit më parë.

Rënie të lehtë për vitin e kaluar pësoi madje edhe numri i derrave dhe i shpendëve, çka tregon një tendencë të përgjithshme rënëse të blegtorisë në vend. Kjo tendencë negative e blegtorisë prek në mënyrë direkte industrinë e përpunimit të qumështit, që është një ndër segmentet më të zhvilluara të agro-përpunimit në vend.

Por, për ekspertin Ervin Resuli gjendja është më shumë alarmante nga çfarë e paraqet INSTAT, që sipas tij po fsheh shifrat. Ai deklaron se nëse blegtoria degradon më tutje do kthehemi në fasoneri të përpunimit të qumështit në rajon.

Qendra Alert/Alert.al

Qindra tableta mbërrijnë në Shqipëri nga Ecolog dhe filantropi Lazim Destani, dhuratë për nxënësit nga familje në nevojë

Qindra tableta, donacion i Kompanisë “Ecolog International” dhe familjes së filantropit Lazim Destani, mbërrijnë në Shqipëri dhe do t’u dhurohen nxënësve të shkollave 9-vjeçare, që vijnë nga familje me nevoja të theksuara ekonomike. Tabletat janë të pajisura me karta SIM, me qëllim që nxënësit të kenë mundësi të ndjekin mësimin online në programet dhe platformat e ofruara nga Ministria e Arsimit, Sportit dhe Rinisë.

Përgjatë periudhës që po përballemi me pandeminë, Ecolog International dhe filantropi Destani, iu kanë ardhur në ndihmë me donacion mijëra nxënësve në nevojë në Maqedoninë e Veriut, Kosovë dhe tani në Shqipëri,. Siç dihet tashmë, ndër masat për parandalimin e përhapjes së virusit Covid-19 erdhi dhe ndërprerja e mësimit në shkolla për të kaluar në formën e mësimit online. Kalimi i mësimit në këtë formë ua bëri të pamundur ndjekjen e mësimit shumë nxënësve që u mungonin pajisjet adekuate teknologjike e që familjet e tyre nuk ishin në gjendje t’ua siguronin këto.

Përmes këtij donacioni përmes qindra tabletash në Shqipëri, synohet zbutja e kësaj situate, duke jua mundësuar ndjekjen e mësimit nga shtëpia edhe nxënësve nga kjo kategori shoqërore.

Sa i përket prokurimit, logjistikës dhe implementimit, ky projekt u zhvillua brenda disa javësh nga resurse plotësisht të brenshme të kompanisë “Ecolog”, në bashkëpunim me institucionet relevante shtetërore që kishin siguruar evidencën e familjeve në nevojë sipas zonave. Kjo ndodhi edhe në Shqipëri, në bashkëpunim me Ministrinë e Arsimit.

Filantropi Lazim Destani e çmoi dhe i falënderoi institucionet shtetërore për mbështetjen e ofruar. Sa i përket natyrës së donacionit ai tha se, “arsimi dhe shkenca janë pistonët kryesorë të një shoqërie, investimet dhe mbështetjet e këtyre segmenteve janë mbështetja më e madhe që mund t’i bësh një kombi. Prandaj, vendosëm që këtë donacion t’ua dedikojmë nxënësve që për shkak të mungesës së pajisjeve të nevojshme teknologjike, mbetën jashtë procesit arsimor. Digjitalizimi është gjithashtu një proces i pashmangshëm i një shoqërie, andaj edhe donacionin e shohim me kuptim afatgjatë”.

Ndërsa drejtuesit e kompanisë thanë se, projektet e dedikuara për fëmijët në përgjithësi, ndërsa për nxënësit në veçanti, janë pjesa kryesore e filozofisë së përgjegjësisë shoqërore të kompanisë sonë.

“Ky projekt ka qenë një sfidë e rrallë logjistike, por edhe një emocion i veçantë. Jemi shumë të kënaqur që përkrah vështirësive të mosfunksionimit të rregullt të tregjeve arritëm ta finalizojmë projektin e furnizimit të paisjeve elektronike për fëmijët në nevojë edhe në Shqipëri. Lehtësimi i familjeve dhe gëzimi në fytyrat e fëmijëve, është kënaqësia jonë më e madhe”, thanë drejtuesit e Ecolog.

Ky donacion është rrjedhojë e aksionit disajavor të shpërndarjes së mijëra tabletëve për nxënësit që mbetën jashtë procesit arsimor në Maqedoni, Kosovë e tani në Shqipëri, ndërsa përgjegjësia shoqërore e Ecolog International në shumicën e rasteve ka qenë e orientuar drejt të rinjve në përgjithësi dhe nxënësve e studentëve në veçanti.

Nga ana tjetër përmes angazhimeve private të vet filantropit Lazim Destani dhe përmes sipërmarrjeve të familjes së tij, vetëm gjatë pandemisë së Covid-19 janë mbështetur edhe shumë segmente tjera të shoqërisë si shëndetësia apo familjet në nevojë.

Qendra ALERT / Alert.al

Abuzimi me dezinfektantët, Ersida Teliti: Konsumatori i lënë pas dore, të rriten kontrollet

Në një lidhje Skype për emisionin “Alert” në News24 nga Granit Sokolaj, drejtoresha ekzekutive e Qendrës “Konsumatori Shqiptar”, Ersida Teliti ka folur për konsumatorin, sa i mbrojtur është në kohën e pandemisë së coronavirusit dhe abuzimi me dezinfektantët. Teliti tha se në kohën kur e gjithë vëmendja e institucioneve shtetërore u përqendrua tek çështja e COVID-19 dhe te numri i të prekurve, u la pas dore mbrojtja e konsumatorit.
“Çështje të tjera me rëndësi ishin edhe emigrantët e bllokuar në kufij, çështjet e sigurisë ushqimore që lidhen edhe me dezinfektantët, kjo e fundit u shtrua kur me rritjen e kërkesës patëm një abuzim me çmimet. Mashtrimi i konsumatorit u vërtetua nga përgjigjia që u dha për përmbajtjen e alkoolit në dezinfektantë nga një laborator i certifikuar. Në qendren tonë ka ardhur një ankesë se ajo që kishin blerë në vend të dezinfektantit ishte raki e holluar. Ne nuk patëm mundësi të bënim analiza, për shumë rrethana por kjo që u bë nga ana juaj merr shumë vlerë. Në ditët e para kur u shpallen masat e qeverisë, qytetarët vërshuan në farmaci apo markete për dezinfektantët pa patur informacion mbi përmbajtjet, pra konsumtarët të çorientuar dhe pa patur siguri në dezinfektantët që po blejnë, nëse do kishin efekte pozitive apo negative”-tha Teliti.
Ersida Teliti tha se është detyrim i Institutit të Shëndetit Publik që të bëjë analizat
fiziko-kimike si dhe të monitorojë etiketimin e dezinfektantëve në gjuhën shqipe.
“Sipas legjislacionit është Instituti i Shëndetit Publik që duhet të bëjë analizat fiziko-kimike. Nuk kemi informacion as për paketimin, ruajten e dezinfektantëve si dhe për etiketimin në gjuhën shqipe. Kemi patur ankesa nga qytetarët për mungesën e etiketave në gjuhën shqipe, duke marrë parasysh se shumë dezinfektantë importohen edhe nga vende jashtë BE dhe mospërkthimi në gjuhën shqipe e bën të vështirë për konsumatorin që ta kuptojë përbërjen e dezinfektantëve. Inspektoriati Shtetëror Shëndetësor duhet të shohë edhe dezinfektanët që kanë kaluar datën e skadencës dhe në vend që të bëjë efektin mbi virusin, na shkakton rrezik për shëndetin. Jemi pro produkteve shqiptare, ka një numër tregtarësh që po plotësojnë legjislacionin në fuqi dhe kështu ndihmojnë ekomoninë vendase”-u shpreh Teliti.

Qendra Alert/Alert.al

Simptoma e re e coronavirusit, shfaqet tek shputa e këmbës

Simptomat e sëmundjes së coronavirusit ndryshojnë nga një person tek tjetri, por ekspertët spanjollë tani po i hulumtojnë lezionet (infeksione, plagë) në shputa të këmbëve, të cilat janë shfaqur te disa pacientë në fazën e hershme të sëmundjes

Në të vërtetë, fjala është për lezionet të cilat ngjasojnë me fruthin, theksohet në raportin e Këshillit të ekspertëve të sëmundjeve të shputave të Universitetit për Pediatri.

Siç theksohet, në Itali, Francë dhe Spanjë janë raste të shumta të të sëmurëve të cilët kanë qenë të sëmurë me coronavirus të cilin e kanë pasur në këmbë, për të cilat dëshmojnë dermatologët.

Kjo simptomë posaçërisht është veçuar te fëmijët dhe adoleshentët, mirëpo edhe disa të rritur kanë patur shenja të ngjashme në shputa.

Shkencëtarët kanë tërhequr vërejtjen që ende nuk mund të flasim për fakte shkencore përse është kështu, mirëpo kërkojnë që t’i kushtohet kujdes edhe kësaj simptome.

Pra, provat e tyre janë paralajmëruese pasi Federata Ndërkombëtare e Podologëve ka publikuar artikullin në të cilin raportojnë për rastin e një 13-vjeçari, tek i cili janë vërejtur këto simptoma që prej 8 marsit, por për të cilin dyshohet se i është shkaktuar nga pickimi i merimangës. Mirëpo, adoleshenti pastaj është diagnostikuar me coronavirus, pasi ka patur edhe simptoma të tjera. Burimi: www.mirror.co.uk

Qendra Alert/Alert.al

Veterinerët peticion qeverisë: Na lejo të ushtrojmë profesionin

Pjesë e urdhrit të qeverisë për kufizimin e lëvizjes pēr mbrojtjen ndaj coronavirusif janë edhe veterinerët. Ata i kanë drejtuar një peticion qeverisë, ku parashtrojnë kërkesat e tyre dhe gjetjen e një marrëveshje të përbashkët.
Peticioni
Lejo veterinerët të ushtrojnë profesionin
PETICION DREJTUAR QEVERISË

Ne veterineret private te praktikes te Shqiperise, ne ndryshim edhe me koleget kosovare, ato te Malit te Zi dhe Maqedonise se Veriut, pa permendur vendet e tjera Evropiane, ndjehemi krejt te braktisur ne kete situate pandemie. Koleget tone ne mbare vendin po penalizohen ne perpjekjet e tyre per ti sherbyer kafsheve dhe fermereve ose pronareve. Sherbimi jone eshte ne situate kolapsi te plote, si ne drejtim te sherbimeve qe ne na kerkohet te ofrojme ashtu edhe ne lidhje me ecurine ekonomike tonen. Kafshet bujqesore dhe ato te shoqerimit jane jashte cdo mbikqyrje dhe perkujdesi veterinar. Ne jemi pro masave te marra te kufizimeve te levizjes por kerkojme qe brenda nje marrveshje me Qeverine te na krijohen disa mundesi qe ne cdo kohe, te mund te levizim me mjetet tona ne sherbim te kafsheve te semura, tju pergjigjemi nevojave te tyre mjeksore qe jane 24 orarshe. Theksojme se OIE Organizata Botrore per shendetin e Kafsheve shprehet se, puna e veterinerve eshte thelbesore ne kete situate.
Kjo situate duhej ngritur me pare nga Urdheri i Mjekut Veterinar, por duke qene se zyrtaret e Urdherit i njohin pak ose aspak problemet e veterinerit praktik, e kane lene jashte konsiderate kete situate.

Ftojme te gjithe mjeket veterinare te praktikes, kudo qe ato punojme ti bashkengjiten ketij Peticioni per ti kerkuar Qeverise qe sebashku te mundesojme nje menyre levizje per ti sherbyer kafsheve bujqesore dhe atyre te shoqerimit (qen dhe mace) ne ndihme te fermereve dhe pronareve te kafsheve te shoqerimit.

https://www.oie.int/en/for-the-media/press-releases/detail/article/covid-19-and-veterinary-activities-designated-as-essential/

Qendra Alert/Alert.al

Habiten banorët, në vend të ujit, në rubineta del alkool

Banorët e një blloku pallatesh u habitën ku në rubinetat e tyre dilte ujë me ngjyrë ku më pas kuptuan se ishte alkool.  Ata njoftuan autoritete ndërsa pas kontrolleve u zbulua se stafi i një lokali aty pranë kishte hapur një gropë dhe kishte derdhur birra, rum dhe brendi.  Ato ishin përzierë me ujin e një pusi aty pranë që shërbente si furnizues për banesat.

Në total ishin hedhur 6000 litra pije alkoolike të cilat përfunduan në tubat që dërgonin ujë në shtëpitë e njerëzve. Një zyrtar i Policisë vendase tha për CNN se pijet ishin të skaduara dhe qëndronin të magazinuara që prej vitit 2014.

Autoritetet lokale janë detyruar të dërgojë ujë me bote për banorët, deri sa të pastrohet pusi që i furnizon me ujë të pastër.