Menu

Uncategorized

“Individë që do të denoncojnë”, Rama: Rrjet antikorrupsion në të gjithë institucionet

Individë që do të vendosen në çdo institucion publik do të kenë detyrën e vetme që të bëjnë të mundur denoncimin e çdo akti korruptiv për të ndarë ‘të njomin nga i thatë’, siç i quajti Kryeministri Rama trë korruptuarin nga atë që e bën në mënyrë të ndershme punën e tij. Lajmin për këtë rrjet antikorrupsion që Qeveria do të ngrejë e dha sot vetë Rama në ceremoninë e nisjes së punimeve për rikontruksionin e maternitetit ‘Mbretëresha Geraldinë’.

“Ne jemi në proces të ndërtimit të një rrjeti antikorrupsion në të gjithë sistemin tonë publik. Kjo do të jetë vetëm nga ana jonë, jo ai i drejtësisë. Kjo është arsyeja që edhe në spitale do të shtrijmë deri në fund, si në të gjitha institucionet, rrjetin e individëve që do të jenë aty vetëm për këtë punë, për të ndarë dhe për të kontribuar në ndarjen e të njomit nga i thati. Lufta do të bëhet brenda. Vetëm kështu rriten të ardhurat, vlerësimit, dinjiteti dhe respekti”, tha Rama në vendosjen e gurit të themelit për ndërtimin e maternitetit të ri të Tiranës “Mbretëresha Geraldinë”, ku e pranishme është edhe ministrja e Shëndetësisë, Ogerta Manastirliu.

Kryeministri Rama e ka konsideruar si shokues deklaratën pak ditë më parë të një mjeku në Spitalin e Traumës i cili i cili tha se ‘ryshfeti’ duhet të dorëzohet te recepsioni. Rama tha se kjo vërteton edhe domosdoshmërinë e lëvizjes së re të qeverisë kundër korrupsionit.

“Një mjek që kërkonte legalizimin e ryshfetit. Është vërtet mbresëlënës për nga niveli i kurajos dhe për nga paturpësia e propozimit. Patjetër që niveli i shpërblimit të mjekëve duhet rritur dhe ne do ta rrisim ashtu sikundër e kemi rritur. Është një zotim që ne e kemi bërë që pagat për bluzat e bardha të rriten 40%. Të paguhen edhe sipas mundit, volumit dhe cilësisë së shërbimit që bëjnë individualisht.  Të thuhet që ka ardhur koha të legalizojmë ryshfetin është vërtet një mesash kuptimplotë për domosdoshmërinë e lëvizjes antikorrupsion në të gjithë sistemin tonë shtetëror që ka filluar të ndihet edhe më thellë. Nuk mund të ketë barazi për të gjithë bluzat e bardha se ‘të gjithë janë njësoj’ dhe të gjithë fusin duart në xhepat e pacientëve. Kjo nuk është e vërtet”, tha Rama.

alert.al/

LSI, Endrit Braimllari: SPAK ta ngrejë stekën në Korçë, ka kallëzim për kryetarin e bashkisë

Menjëhere pas arrestimit nga SPAK të Valter Gorës, drejtorit të Postës Shqiptare, dega Korçë, ka ardhur një reagim nga LSI. Endri Brahimllari, në një postim të Facebook shkruan se SPAK duhet ta ngrejë stekën dhe të hetojë drejtues më të lartë të Rilindjes në Korçë.

Postimi i plotë
SPAK te ngreje steken ne Korçe.
Ne sirtare ka kallezim per shperdorin detyre, kryetare bashkie dhe drejtora instuticionesh qe abuzojne çdo dite ne emer te qytetareve Korçare.
Tendera klienteliste pa gare, abuzime me pushtetin, emerime ne kundershtim me ligjin dhe ndihme ekonomike fiktive.
Emerimet me para ne dore jane fenomen i Rilindjes ne Korçe.

Ambasadorja Yuri Kim: Studentët mund të ndikojnë në drejtimin e vendit

Ambasadorja e SHBA-ve, Yuri Kim ka zhvilluar sot një takim me klasën e Programit LEAD Albania të Fondacionit Shqiptaro-Amerikan të Zhvillimit për vitin 2021-2021. Ata diskutuan një sërë temash, duke përfshirë korrupsionin, reformën në drejtësi, integrimin në BE dhe mbështetjen e Shteteve të Bashkuara të Amerikës për Shqipërinë.

Ambasadorja theksoi se kjo është një kohë e rëndësishme për Shqipërinë dhe se studentët kanë aftësinë të ndikojnë në drejtimin e vendit. Ajo i nxiti ata që të merrnin parasysh rolin e tyre në ndërtimin e një të ardhmeje më të ndritur.

LEAD Albania është një program për zhvillimin e udhëheqjes, i cili synon të ofrojë përvojë konkrete në procesin e qeverisjes së Shqipërisë për profesionistë të rinj e të talentuar.

alert.al/

Pergjimet/ Si u zbulua Rovena Voda, vëlla e motër u dhanë ryshfet prokurorit Kariqi dhe zv.ministres

Detaje të reja kanë dalë në lidhje me përgjimet që çuan në arrest shtëpie ish zv.ministren e brendshme, Rovena Voda. Emri i saj doli nga përgjimet që SPAK kishte nisur për prokurorin e Kukësit, Edmond Karriqi, i cili u arrestua në Kavajë pak ditë më parë nën akuzën e korrupsionit.

Karriqi akuzohet se ka marrë 2 mijë euro për pushimin e një çështje të disa të arrestuarve për trafik droge në Kukës. I arrestuar së bashku me prokurorin ishte edhe Emirjan Beu, i cili është një biznesmen që zotëron karburante dhe kompani të tregtimit të peshkut. Emirjan Beu kishte ndërhyrë te prokuroi Karriqi për pushimin e një çështje ku disa persona ishin arrestuar pasi ishin kapur me drogë në Kukës. Emirjan Beu është vëllai i Florida Beut, avokate, e cila gjithashtu është në “arrest shtëpie” pasi akuzohet se i ka dhënë 2 mijë euro ish zv.ministres së Brendshme, Rovena Voda për ta punësuar në Ministrinë e Brendshme. Pikërisht nga përgjimet  e Emrijan Beut dhe lidhjeve të tij me prokurorin Karriqi, është zbuluar edhe rasti i Vodës.

alert.al/

Petrit Vasili denoncon aferën 2 miliardë euro në Portin e Durrësit: Janë kompani të Parajsave Fiskale

Deputeti i zgjedhur i LSI-së, Petrit Vasili denoncon aferën e kompanive guacka të regjistruara në Parajsat Fiskale. Sipas deputetit, këto kompani po pastrojnë para në Portin e Durrësit përmes koncesioneve që u jep qeveria. Vasili akuzon organet e reja të Drejtësisë, si SPAK-u që sipas tij drejtohen me regji të qeverisë.

Postimi i plotë
Drejtesia me regji, asnje fjale per aferen mafioze prej 2 miliard euro te Portit te Durresit!
Porti i Durresit dhe afera prej 2 miliard euro eshte ne duar te Kompanive guacke te regjistruara ne Parajsa Fiskale duke konfirmuar gjithshka qe u dyshua qe ne fillim te saj.
Nje investim prej 2 miliard euro shume i erret dhe i kompromentuar rende ne çdo pikpamje.
Nje investim strategjik i nje rendesie te jashtezakonshme ne duart me te keqia te mundshme, qe krijojne hapesira pa fund pastrimi parash nga qeveria dhe nje korrupsioni gjigand e te pakontrolluar ne favor te saj.
Sekretarja amerikane e Thesarit, Janet Yellen tha pak dite me pare se: “Ndalimi i përdorimit të parajsave fiskale do t’i lejojë vendet të konkurojnë bazuar mbi parimet ekonomike”.
Marreveshja per Portin e Durresit shkel hapur Marreveshjen e Stabilizim Asocimit dhe saktesisht Nenin 71 pikat 1.2.3 si dhe nenin 74.
Prandaj BE deklaroi pak muaj me pare:
“BE-ja është në dijeni të marrëveshjes së përfunduar në nëntor të vitit të kaluar midis Shqipërisë dhe Emirateve të Bashkuara Arabe, e cila përfshin një rizhvillim të madh të portit të Durrësit. BE-ja u ka kërkuar autoriteteve shqiptare të japin sqarime për të vlerësuar përputhjen e marrëveshjes me Marrëveshjen e Stabilizimit dhe Asociimit midis BE-së dhe Shqipërisë.”
Shqetesimi eshte shume i madh dhe te gjithe prisnin reagimin e SPAK.
Prisnin sic eshte bere e modes ne Shqiperi edhe ndonje reagim nga nderkombetaret
” çuditerisht” patetike, indiferente dhe “shume te heshtur” sa here behet fjale per ceshtje te renda korruptive ne Shqiperi.
SPAK-u duhej te fillonte urgjentisht hetimin kryesisht per kete skandal te permasave gjigande ku implikimet jane gjithefaresh, qe nga qeveria, parlamenti dhe bota e erret mafioze kombetare dhe nderkombetare.
Mbyllja e syve nuk e shpeton dot as qeverine as SPAK-un vete nga kjo pergjegjesi shume madhe.
Sot estradat e Drejtesise me Regji, qe fillon cfaqjet ne Lushnje udheton ne Pogradec dhe ndalon tek arkat me peshk nuk mashtrojne dot njeri.
Te vertetat kane dale sheshit dhe Porti i Durresit eshte nje pa asnje diskutim kulmi i korrupsionit qeveritar gjigand.
Mirenjohje pa fund medias se pavarur, qe denoncon, ndonese e pakte ne numer.
Neveri per median me regji si zgjatim i mafies qeveritare dhe e bashkeinkriminuar me te kunder popullit shqiptar.

Arrestohet i riu me 2 emra në Durrës, ishte dënuar me 5 vite burg për kanabis dhe kokainë

Një i ri ka rënë në prangat e policisë, pasi ishte shpallur në kërkim për prodhim dhe shitje droge. Burime zyrtare nga policia e Durrësit bënë me dije se Elvis (Vasil) Mërtiri, 32 vjeç, banues në Durrës, ishte dënuar nga Gjykata e Shkallës së Parë Durrës e ka dënuar me 5 vjet burgim për veprën penale “Prodhimi dhe shitja e lëndëve narkotike”.

Ky shtetas, më datë 13 mars të 2017-ës, është kapur me një sasi lënde narkotike kannabis sativa dhe një sasi lënde narkotike kokainë.

Materialet i kaluan Prokurorisë së Rrethit Gjyqësor Durrës, për veprime të mëtejshme.

alert.al/

Sot temperaturat ulen me 2 gradë, mot i kthjellët në bregdet

Moti sot në vendin tonë do të karakterizohet nga kthjellimet, këto kushte atmosferike mbeten deri orët e para të pasdites kur në zonat malore shfaqen vranësia kalimtare, të cilat gradualisht përfshijnë edhe zonat e ulëta. Ndërsa vija bregdetare mbetet me kthjellime. Këto kushte atmosferike vijojnë edhe gjatë natës.

Sipas Meteoalb, sot temperaturat do të kenë një rënie të lehtë ku do të variojnë: në zonat malore, nga 19°C në 29°C, në zonat e ulëta nga 24ºC në 37°C dhe në zonat bregdetare nga 27°C në 38°C.

Era do të fryjë në drejtim Veriperëndimor ndërsa forca e valëzimit në det do të jetë deri në 3-4 ballë.

alert.al/

"Si të fitosh një mandat të tretë", Rama leksion PASOKU-t, në simpoziumin e organizuar nga Papandreou

Kryeministri Edi Rama ka marrë pjesë sot në edicionin e 23-të “Symi Symposium”, në Athinë organizuar e drejtuar nga ish-kryeministri grek George Papandreou dhe me pjesëmarrje personalitetesh të njohura të politikës, ekonomisë e botës akademike ndërkombëtare, mbi sfidat dhe projektet e post-pandemisë.

Pas komplimenteve të shumta në drejtim të kryeministrit shqiptar, Papandreou i kërkoi Ramës të flasë se si ka arritur të marrë mandatin e tretë për të qeverisur për 4 vitet në vijim.

Rama tha se mbi të gjitha PS dhe ai ia doli për mandatin e tretë pasi ka luftuar që të mbetet në sytë e njerëzve partia e ndryshimit.

“Është kënaqësi që kthehem këtu dhe pse nuk është e lehtë të kuptosh që jemi më të vjetër, sërish jam mjaft i lumtur që pata mundësinë të vij dhe të ndaj me ju disa momente mjaft të këndshme.

Ne fituam mandatin e tretë dhe besoj se mbi të gjitha ia dolëm pasi gjatë gjithë kohës kemi luftuar që të mos bëhemi asnjëherë një parti që identifikohet me pushtetin, por të mbetemi në sytë e njerëzve partia që identifikohet me ndryshimin dhe për ta bërë këtë kemi luftuar gjatë gjithë kohës për të ndryshuar e ndryshuar partinë tonë. Jemi përpjekur të sjellim njerëz nga fusha të ndryshme të jetës dhe të kemi një sinergji në sytë e publikut midis çfarë dhe kujt identifikohet partia dhe atyre që shihen si përfaqësues të drejtpërdrejt të njerëzve. Kjo mendoj ka qenë e para”, tha Rama.

Tjetra, sipas tij ka të bëjë me atë çka ka bërë PS. “Me sa duket për njerëzit është më në fund e qartë se kjo është rruga drejt progresit dhe se puna duhet përfunduar. Shumë gjëra janë më mirë nga ç’ishin, por ka shumë gjëra që duhet të jenë më mirë. Jemi përpjekur të jemi përherë mjaft të sinqertë me njerëzit duke iu thënë se nëse e krahasojmë atë çka kemi bërë me atë që duhet të bëjmë jemi ende larg të themi po ia dolëm. Sigurisht ajo që kemi bërë mjafton jo për të qenë t’u kënaqur por për të qenë të sigurt se kjo është rruga. mendoj se rezultatet janë të dukshme për të krijuar mendimi ne përgjithshëm se puna është në progres dhe është në drejtimi ne duhur. Kemi pasur një perceptim mjaft të qëndrueshëm për këtë drejtim të duhur që ka qenë njëfarësoj gjithmonë rruga për ne”, u shpreh kryeministri.

Ai deklaroi më tej se ka qenë një fushatë mjaft e çuditshme dhe përgjithësisht një luftë e çuditshme dhe për shkak të COVID dhe për shkak se po kërkohej një mandat i tretë që nuk është e lehtë. “Por ia dolëm por tashmë jam mjaft optimist sepse kemi mjaft punë të rëndësishme për mjedisin, energjinë, infrastrukturën dhe po kështu shumë themele të mira për kulturën tonë dhe teknologjinë e informacionit ia kemi dalë të kryejmë një ndryshim të shpejt për qeverisjen elektronike”, tha Rama.

alert.al/

Mandati i kryetari nuk kufizohet, Komisioni Statutor i PD-së kalon vetëm propozimet e Bashës, rrëzohen draftet e Kadillit dhe Harxhit

Në një mbledhje më shumë se dy orë, Komisioni i Përhershëm statutor shqyrtoi mes katër propozimesh idetë reformuese të Lulzim Bashës, Fatbardh Kadillit, Edit Harxhit dhe një anëtari të këshillit Kombëtar, teksa vendosi të kalonte për miratim, vetëm propozimet e bëra nga kryetari i PD.

Nga zgjerimi i kryesisë, shtimi i sekretariateve dhe kalimi i kompetencës së vendosjes për marrëveshjet politike te Këshilli Kombëtar, e deri mos-prekja e mandatit të kryetarit të Partisë, u panë nga 9 anëtarët e Komisionit Statutor si të duhurat për demokratizimin e mëtejshëm të PD.

Anëtari i Komisionit të Përhershëm Statutor, Enno Bozdo tha se ky komision vendosi të kalonte propozimet e Bashës që rregullojnë dhe harmonizojnë statutin aktual, por shprehu skepticizmin e tij lidhur me rrëzimin e propozimeve të lëna nga Fatbardh Kadilli në tryezën e komisionit. Ai tha se propozimet politike të anëtarit të kryesisë kanë vlerë.

Nesër në orën 18:00 do të jetë kryesia blu që do të kalojë një për një në diskutim të 11 propozimet e kryedemokratit Basha, ndërsa të shtunën këto propozime do të duhet të marrin edhe dritën jeshile të Kuvendit Kombëtar.

Të përbashkëtat dhe ndasitë e propozimeve të Lulzim Bashës, Fatbardh Kadillit dhe Edith Harxhit

Në tërësinë e tyre, të tre propozimet kishin në thelb demokratizimin e PD dhe hapjen e partisë, por ndryshe nga Basha, Kadilli dhe Harxhi propozojnë sanksionimin në statut të kufizim të mandatit të kryetarit të partisë në 4 vjet në rast të humbjes së zgjedhjeve, propozim ky që nuk preket aspak nga Basha.

“Kryetari i Partisë zgjidhet për një mandat katër vjeçar, i cili mbaron ose rinovohet automatikisht me shpalljen e rezultatit të zgjedhjeve; Kryetari i Partisë ose bëhet Kryeministër, ose largohet nga drejtimi i partisë pa pasur të drejtë të marrë pjesë në garën e radhës”, tha Kadilli.

Ndërsa sipas Harxhit dikusht duhet të mbajë përgjegjësi në rast të humbjes së zgjedhjeve dhe për këtë ajo thotë: “Sot, kur ne kemi tre zgjedhje të humbura dhe jemi jashtë pushtetit qendror dhe vendor për arsye të vendimmarrjes së gabuar politike të Kryetarit dhe disa mbështetësve të tij, do të duhej që ne ta kufizojmë mandatin e Kryetarit të Partisë vetëm në një palë zgjedhje të humbura, sepse përfundimisht dikush duhet të mbajë përgjegjësi për humbjet e njëpasnjëshme të partisë sonë”.

Nga ana tjetër, Basha propozon që kreu i PD të zgjidhet me votim të të gjithë anëtarëve të PDSH dhe modalitetet e procesit të përcaktohen nga Rregullorja e Brendshme e PDSH.

“Kryetari i Partisë zgjidhet me votim të të gjithë anëtarëve të PDSH, sipas parimit “Një anëtar, Një votë”. Modalitetet e procesit përcaktohen nga Rregullorja e Brendshme e PDSH”, tha Basha.

Basha e Kadilli bashkohen në një pikë, në hartimin e listave të kandidatëve për deputetë, dhe kandidatët për kryebashkiakë, për të cilën vulën duhet ta japë kryetari i partisë, ndërsa Harxhi kërkon që zgjedhja e kandidatëve për deputetë, anëtarë të këshillave bashkiake, kryetarë bashkish, duhet të jetë e lidhur drejtpërdrejtë me anëtarin e Partisë Demokratike dhe jo të emërohen nga Kryetari i Partisë.

Ndërkohë, si Basha edhe Harxhi kërkojnë që të sanksionohet në Statut se vendimmarrja për çdo marrëveshje politike, koalicion para apo pas zgjedhor dhe nismë të rëndësishme politike duhet të jetë atribut vetëm i Këshillit Kombëtar të PDSH-së.

alert.al/

Zbardhen përgjimet e SPAK për Rovena Vodën, mori 1 mijë euro, 1 telefon dhe 1 arkë me peshk për një punësim në MB

Zbardhen detaje të reja nga dosja e SPAK, që “fundosën” ish-zëvendësministren e Brendshme, Rovena Voda, ndaj së cilës GJKKO caktoi mbrëmjen e kaluar “arrest shtëpie”.

Përgjimet e SPAK zbulojnë se si ish.zv/ministrja ka marrë ryshfet dhe dhurata për të punësuar një grua në Ministrinë e Brendshme. Siç raporton gazetarja Lala, hetimi nga SPAK ka nisur në vitin 2019, për një çështje tërësisht tjetër, që në fakt zbuloi rastin e ish-zv.ministres së Brendshme.

Sipas SPAK, nga hetimi dhe përgjimet ka rezultuar se Voda i kishte premtuar Florida Beut ta punësonte si specialiste në Ministrinë e Brendshme, duke i marrë njëherë shumën prej 1 mijë eurosh, më pas një telefon dhe një arkë me peshk.

Në dosjen e SPAK thuhet se pavarësisht se ajo ka aplikuar në 11 vende pune për t’u emëruar si specialiste, ajo nuk ka kaluar as në fazën e dytë, duke mos e përfituar vendin e punës. Por, pavarësisht kësaj, Voda ka përfituar dhurata prej saj, ndaj dhe e ka konsumuar veprën penale.

Sipas SPAK, më 13 shkurt 2020, Majlinda Hasani, avokate, është takuar me Florida Beun dhe zv.ministren e kohës, Rovena Voda. Florida i ka kërkuar Vodës t’i gjente një vend pune. Ajo ka telefonuar një person, që kishte dijeni për vende pune. “Shefe nuk e bëj dot, por do ta rregulloj si specialiste”, ka thënë ajo.

Më tej, në përgjimet e SPAK, është edhe momenti kur Beu dëgjohet t’i thotë Hasanit ““Më ngeli mendja, mos duhet të jepnim më shumë, të na vendoste në një vend të hajrit”.

Ato i kanë dhënë Vodës shumën prej 1 mijë eurosh dhe sipas SPAK ky moment është filmuar, ndonëse eurot ishin në zarf. “Leku e hedh ujin përpjetë”, thotë më tej ajo.

SPAK thotë se ato i kanë bërë dhe një telefon dhuratë Vodës. Sipas SPAK, të tre gratë janë takuar edhe në një ambient të MB.

Ndërsa, takimi i fundit mes tyre është bërë më 06.03.2020, ku Voda shfaqet me makinën e saj, në Durrës, dhe ku Beu i ka dhënë dhe një arkë me peshk.

alert.al/