Menu

ANILA DENAJ

Nga e hëna prodhimet nga ferma vetëm me certifikatë sigurie, ministrat dalin në kontroll

Ministri i Financave dhe Ekonomisë, Petrit Malaj dhe ajo e Bujqësisë dhe Zhvillimit Rural, Anila Denaj, dolën sot në terren për të inspektuar mbi shitjen e produkteve ushqimore të sigurta dhe ndërgjegjësimin për sigurinë ushqimore, formalizimin dhe kontrollin e produkteve. Në takimet në biznese tregtare vëmendje tw veçantë ia kushtuan produkteve të ndjeshme si mishi, qumështi dhe prodhimet bujqësore, për të cilat u kërkua rritje e përgjegjësisë dhe transparencës në zinxhirin e furnizimit.
Ministrja Denaj theksoi se çdo produkt duhet të shoqërohet me një faturë fiskale dhe certifikatwn e veterinerit, ku pasqyrohet rruga që ka ndjekur nga ferma deri te konsumatori. Ajo tha se pa këtë dokumentacion nuk mund të flitet për siguri ushqimore reale, dhe se rregullsia në treg është një detyrim i përbashkët i të gjithë zinxhirit.
Ministri Malaj u shpreh se Ministria e Financave, në bashkëpunim me strukturat tatimore, është duke punuar për të evidentuar dhe verifikuar origjinën e produkteve, për të garantuar cilësinë dhe për të forcuar sigurinë për konsumatorin. Ai theksoi se ndjekja e këtij procesi është thelbësore për të mbrojtur tregun dhe për të vendosur rregulla të barabarta për të gjithë.
Ndërkohë, përfaqësuesi i administratës tatimore shtoi se qëllimi i strukturave të tatimeve është të informojnë sa më shumë shitësit dhe fermerët për rëndësinë e faturave, jo vetëm për mbledhjen e të ardhurave në buxhet, por edhe për aspektin e sigurisë ushqimore. Ai tha se verifikimi i këtyre faturave do të shtrihet deri te vetë fermeri, për të siguruar që dokumentacioni që shfaqet në treg është i saktë dhe i bazuar në transaksione reale.
Një prej bizneseve u shpreh se ndërgjegjësimi i fermerëve është në përparim dhe se shumë prej tyre tashmë janë më të vetëdijshëm për detyrimet që kanë përballë ligjit dhe konsumatorit.
Këto deklarata u bënë në kuadër të një aksioni informues të zhvilluar sot në Durrës nga përfaqësues të qeverisë. Një ditë më parë, kryeministri Edi Rama paralajmëroi se duke filluar nga e hëna, çdo produkt bulmeti dhe qumështi që tregtohet pa faturë do të sekuestrohet menjëherë, pa asnjë paralajmërim, si pjesë e masave për rritjen e kontrollit dhe respektimit të ligjit në tregun ushqimor.

“ALERT”/ Murtaja Afrikane e Derrave, Sherifi: Aktualisht Kosova është e pastër, pasi dhe numri i derrave të butë është shumë i vogël

Murtaja Afrikane e Derrit është shfaqur pak doitë më parë në Malin e Rrenzit në Lezhë, ku deri më tani janë konstatuar disa derra të ngordhur.

Pas identifikimit të rastit, Shërbimi i Veterinarisë në Lezhë është vënë menjëherë në lëvizje dhe nga analizat e kryera ka rezultuar se derrat kanë ngordhur nga murtaja afrikane.

Ndërkohë pjesa e Malit të Rrenzit në Shëngjin në një perimetër prej 10 kilometrash ku është konstatuar vatra e sëmundjes është shpallur zonë e kuqe, ku do të kalojë në sitë nga veterineret për të parë nëse ka sërish derra të ngordhur brenda këtij perimetri.

Pikërisht kjo problematikë u trajtuar në emisionin e kësaj të premte “Alert” në “Ora News”, ku i ftuar ishte nga Kosova, Kurtesh Sherifi, Profesor i Mjekësisë Veterinare në Universitetin e Prishtinës.

I pyetur nga moderatori Granit Sokolaj, Sherifi na njohu me situatën e këtij virusi në shtetin fqinj.

Sa i përket Murtajës Afrikane të Derrave rastet e paraqitura ishin edhe në Kosovë vitin e kaluar, në korrik 2023, u paraqitën rastet e shpërthimit në një rast i një sipërmarrjeje familjarëve, ku rasti u paraqit tek derrat e butë.

Duke u nisur nga marrja e informacioneve nga autoriteti dhe në bashkëbisedim me kolegët u konstatua se rasti në fjalë ka ardhur si pasojë e lëvizjes së njerëzve dhe mjeteve të cilët kanë komunikuar me një rajon të Serbisë, ku atje ka pasur shumë raste të shpërthimit si tek derrat e butë dhe ato të egër.

Dhe në një rajon të Kosovës Juglindore, në një vendbanim që quhet Kllokot, i cili është i banuar kryesisht nga komuniteti serb, të cilët mbarështojnë derra të butë, por me një numër të kufizuar.

Dhe kjo ka bërë që shkëmbimet dhe lëvizjes e njerëzve dhe makinave të futet edhe në shtetit të Kosovës.

Dhe rast tjetër nuk ka pasur rast tjetër që pas kësaj ngjarjeje.

Në Kosovë aktualisht nuk kemi paraqitje të Murtajës Afrikane të Derrave, dhe konsideroj që kemi një avantazh pasi numri i derrave të butë është jashtëzakonisht i vogël.

Edhe rriqrat mund të kenë një rol të transmetimit të virusit, por raste të tilla tek ne nuk ka”, u shpreh ndër të tjera profesor Sherifi.

NDIQNI MË POSHTË TË GJITHA DISKUTIMET MBI MURTAJËN AFRIKANE TË DERRAVE NË EMISIONIN “ALERT”

 

Murtaja afrikane e derrave/ Petani: Kemi ngritur grupin e punës, deri tani situata paraqitet e qetë

Murtaja Afrikane e Derrit është shfaqur në Malin e Rrenzit në Lezhë, para 10 ditësh, në një tufë të vogël prej 7 derrash të egër, e indentifikuar nga gjahtarët e zonës. Kjo murtaj nuk përbën rrezik për sigurinë ushqimore

E ftuar në emisionin “ALERT” me Granit Sokolaj, për të folur për këtë temë ishte Kristiana Petani, Përgjegjëse e Sektorit të Shëndetit të Kafshëve, AKVMB.

“Në datën 25.11.2024 disa gjahtarë kanë lajmëruar Shërbimin Veterinarë të Qarkut Lezhë, se kishin parë disa kadavra të kafshëve derra, të cilët ndodheshin në malin e Rrenzit, në lartësinë e kodrës së zezë.

Shërbimi veterinar ka shkuar tek vendi dhe ka vendosur koordinatat, kanë gjetur 7 kadavra të derrit të egër, kanë marrë mostrat, i kanë dërguar në laboratorin e referencës në ISUV dhe nga laburatori kemi marr njoftimin se ka dalë murtaja afrikane e derrave.

Kjo ka ndodhur vetëm tek derrat e egër, kemi bërë ndarjen e rrezes 3 km dhe 10 km. Kemi ngritur grupin e punës për qendrën rajonale të krizës ku informohemi për çdo problematik të hasur në terren. Deri tani situata paraqitet e qetë”, u shpreh Petani.

NDIQNI MË POSHTË TË GJITHA DISKUTIMET MBI MURTAJË AFRIKANE TË DERRAVE NË EMISIONIN “ALERT”

Murtaja afrikane e derrave në Lezhë/ Koleci: Për këtë sëmundje nuk ka mjekim, masat e vetme janë...

I ftuar në emisionin “ALERT” me Granit Sokolaj, për të folur për murtajën afrikane të derrit, e cila është shfaqur para 10 ditësh në Malin e Rrenzit në Lezhë, në një tufë të vogël prej 7 derrash të egër, ishte Xhelil Koleci, Profesor i Sëmundjeve Infektive, në UBT.

 

Tashmë risku është evident, i lartë, përderisa e kemi në rajon, e kemi në vend. Mënyra sesi erdhi në vendin tonë ndoshta është pak e habitshme, por ka ardhur pikërisht aty ku popullata e derrave është e përhapur, për shkak të besimit që ato kanë. Deri më sot për sëmundjen e murtajës afrikane nuk ka mjekim, nuk ka vaksinë të suksesshme. Masat e vetme janë të biosigurisë”, u shpreh Koleci.

Teliti: Mbyllja rrjeteve nuk duhet parë si cenim i privatësisë, teknologjia ka shkuar përtej

Në “Alert” nga Granit Sokolaj, Ersida Teliti, Drejtoreshë Qendra Konsumatori Shqiptar tha se mbyllja e këtyre rrjeteve nuk duhet parë si cenim i privatësisë, sepse teknologjia është duke shkuar përtej asaj që është krijuar.

Teliti: Unë kam vetë një djalë në moshën e djalit të vrarë që e ka përjetuar këtë tragjedi. Kjo është një situatë që ehte prezente e cila nuk kërkon dhe nuk jepet zgjedhje me mbylljen e rrjeteve sociale.

Këto janë rrjetet sociale që janë duke u përdorur nga persona për të arritur objektivat e tyre dhe për të dhënë modele jo cilësore dhe të mira. Mbyllja e këtyre rrjeteve në gjykimin personel nuk duhet parë si cenim i privatësisë, sepse teknologjia ehte duke shkuar përtej asaj që është krijuar.

 

Konfirmohet Gripi i Shpendëve në Tiranë, ja urdhëri i ministres Denaj dhe masat e marra

Moderatori i emission ‘’Alert’’ në Ora News, Granit Sokolaj dha lajmin se para pak ditësh është konfirmuar një vatër me grip spendësh në Tiranë.

Sokolaj: Para pak ditësh është konfirmuar një vatër me grip shpendësh në Tiranë.

Konkretisht në Mëzez, në zonën e Kasharit.

Njoftimi është zyrtar, në fakt nuk është publikuar nga Ministria e Bujqësisë.

 

Nuk mund të them që është mbajtur I fshehtë sepse zytarisht është publikuar në uebsajtin e ministrisë.

Pra ligjërisht janë korrektë por nuk është një lajm që është bërë publikisht masivisht për popullatën.

Për ata që kanë dyshime mund të njoftojë në autoritetin kombëtar të veterenarisë dhe mbojtjes së bimëve në numrin e gjelbër: 08003366 ose me email.

Por mund të njoftojnë edhe veterinerin e zonës.

Sokolaj lexoi edhe urdhërin e ministrisë së Bujqësisë

 ‘’Në raport me sigurinë ushqimore, ministria thotë së ministria informon se situata e garantimit të zinxhirit të  sigurisë ushqimore është nën kontroll.

Deri tani nuk ka prova epidemiologjike dhe shkencore se ky virus transmetohet nëpërmjet konsumimit të produkteve me origjine shtazore dhe rekomadohet që konsumi i këtyre produkteve të bëhet pas trajtimit termik me me temperaturë të lartë mbi 75 gradë’’.

Denaj: Rritja e Sigurisë Ushqimore përmes Investimeve në Pikat Kufitare

Në një intervistë për emisionin “ALERT” të moderuar nga Granit Sokolaj, Ministrja e Bujqësisë, Anila Denaj, theksoi rëndësinë e forcimit të kontrolleve në pikat kufitare për të rritur sigurinë ushqimore dhe për të mbrojtur konsumatorët nga produktet e cilësisë së dyshimtë. Kjo iniciativë është e mbështetur nga Ministria e Bujqësisë, me fokus të veçantë në monitorimin e produkteve ushqimore, që shpesh kanë shkaktuar shqetësime për cilësinë dhe autenticitetin.

Ministrja njoftoi se për të ulur shkallën e alarmit dhe për të përmirësuar sigurinë ushqimore, do të bëhet një investim prej gati 20 milionë eurosh në bashkëpunim me Bankën Botërore. Ky investim do të përqendrohet në ngritjen dhe modernizimin e laboratorëve në pikat kufitare, duke përmirësuar kapacitetet e kontrollit dhe garantuar cilësinë e produkteve që hyjnë në vend.

Denaj shpjegoi se pikat kufitare ndihmojnë që produktet e dyshimta të mos afrohen fare në vend. Nëse ndodhin përjashtime dhe këto produkte kalojnë, ato do të kapen në një kufi tjetër, duke siguruar kështu një mbrojtje të dyfishtë.

Ajo theksoi se këto janë masat për të ulur nivelin e alertit dhe se ne po përpiqemi për këtë gjë. Ministrja gjithashtu theksoi rëndësinë e denoncimeve për të mbështetur këto kontrolle dhe për të identifikuar çdo abuzim që mund të ndodhi. Për më tepër, do të ketë masa të rrepta për punonjësit që do të punojnë në këto sektorë, për të garantuar që ata të veprojnë në përputhje me standardet më të larta të etikës dhe profesionalizmit.

Kontrolli i rreptë dhe denimi i abuzimeve janë thelbësore për të siguruar një treg të drejtë dhe transparent. Këto masa, së bashku me një mbikëqyrje të kujdesshme, do të ndihmojnë në promovimin e cilësisë në tregun e ushqimeve dhe do të mbrojnë interesat e konsumatorëve.

 

Më posht ndiqni intervistën e plotë të Ministres së Bujqësisë, Anila Denaj, në emisionin “ALERT” të moderuar nga Granit Sokolaj

 

Denaj: 25 milionë euro investim në 4 porte për infrastrukturën dhe markatot e peshkut

Ministrja e Bujqësisë Anila Denaj e ftuar në emisionin ‘’ALERT’’ moderuar nga Granit Sokolaj,bëri të ditur se, qeveria ka ndërtuar tashmë markatat e peshkimit në Vlorë, sipas standardeve më të mira, teksa parashikon që nëpërmjet projektit “Ekonomia Blu” me vlerë 25 milionë euro të investojë në portin e Shkodres Durrësit dhe të Sarandës, krahas infrastrukturës portuale edhe për ndërtimin e markatave të reja.

Denaj: Do te kemi 4 markata dhe 9 njesi artizanale ne toke qe jane pjese e ketij projekti qe ndihmone ne perpunimin dhe mirmbajtjen

Sipas saj, projektet e reja synojnë transformimin tërësor të porteve të peshkimit në vendin tonë ku do të investohet për zgjerimin e mëtejshëm të bankinave të ankorimit, me qëllim që të përballojnë nevojat në rritje të flotës së peshkimit dhe zhvillimin e këtij sektori.
Projekti “Ekonomia Blu” do të shtrihet në disa vite zbatimi, duke i ardhur në mbështetje sektorit të peshkimit sipas kërkesave që kërkon koha.

Konsumi vjetor i produkteve të peshkut në vendin tonë arrin në 12 mijë tonë peshk, ndërsa flota e peshkimit numëron mbi 230 anije që përfitojnë naftë pa akcizë, që ndihmon peshkimin të ketë rritje nga viti në vit.

Markata të reja do të ndërtohen në Shkodër, Sarandë dhe Durrës. Ky projekt ofron lehtësi për bizneset, duke u mundësuar atyre të blejnë sasi peshku direkt nga këto tregje dhe synon të mbështesë zgjerimin e sektorit të peshkimit në vend. Administrimi i këtyre tregjeve do t’u lihet në ngarkim bashkive.

 

 

Më posht ndiqni intervistën e plotë të Ministres së Bujqësisë, Anila Denaj, në emisionin “ALERT” të moderuar nga Granit Sokolaj

Denoncimet për Vajin Bio: Anila Denaj ka shumë abuzime me termin BIO

Ministrja e Bujqësisë, Anila Denaj, në emisionin “ALERT” të moderuar nga Granit Sokolaj, theksoi se do të jetë e nevojshme që, përveç sistemit të monitorimit, të kemi edhe denoncime nga konsumatorët. Ajo përmendi se janë pranuar denoncime për vajin e ullirit që shpërndahet si ekstra i virgjër, bio, etj. Denaj vuri në dukje se si konsumatori mund të besojë se ky produkt është në të vërtetë bio, kur shpesh ai reklamohët në platforma si TikTok dhe shitet në bidona plastikë. Vetëm fakti që vaji është ambalazhuar në plastikë ngrit dyshime, pasi kjo tregon se mund të ketë kaluar shumë procese të dyshimta. Konsumatorët kanë të drejtë të pyesin se si një produkt i tillë, i shitur me çmime shumë të ulta, nën kosto, mund të jetë vërtet bio, duke nënkuptuar se këto dyshime kërkojnë një shqyrtim më të thellë.

Denaj theksoi se është e nevojshme të ofrohen instrumenta rregullatorë dhe monitorues për të garantuar cilësinë dhe sigurinë e produkteve ushqimore, dhe se ne kemi ligje që mbrojnë konsumatorët. Megjithatë, ajo theksoi se nuk mund të detyrojmë bizneset të ndjekin standarde të caktuara; në fund të fundit, çdo biznes ka zgjedhjen e tij, por është e rëndësishme që ata të kuptojnë se cilësia është çelësi për besimin e konsumatorëve dhe se ofrimi i produkteve që nuk i përmbushin këto standarde është kundra ligjit.

 

Më posht ndiqni intervistën e plotë të Ministres së Bujqësisë, Anila Denaj, në emisionin “ALERT” të moderuar nga Granit Sokolaj

Denaj: Eksportet në 7 muaj, rritje me 16.7 %. Pritshmëria për 2024-ën, më e lartë se vitet e kaluara

E ftuar në “Alert” nga Granit Sokolaj, ministrja e Bujqësisë Anila Denaj tha se eksportet në vendin tonë në 7 muaj, rritje me 16.7 %.

Denaj: Vitet e fundit, eksportet kanë pasur një përqindje mesatare prej 13 deri në 15 përqind. Këtë vit, kjo shifër ka arritur në 16.7 përqind, duke treguar një rritje të dukshme. Ky zhvillim tregon se produktet dhe ngjarjet e eKsporteve po mirëpriten gjithnjë e më shumë në treg.